عيديه لكل الحبايب

عيديه لكل الحبايب  
ابوبكر عبدالله (بيكو)

————::::؛——

كل عام والجميع يا ربي صحه وعافيه

والعيد للتسامح ، والمحبه الصافيه

يا رب المريض يوم بكره يلقي العافيه

والفي الغربه داك يرجع بلادو الدافيه

———-؛؛؛؛؛؛——-

ان شاء الله الفرح يملا النفوس بي طيبه

الرضا والامل يملا المشاعر هيبه

والمحزون يعيش باقي العمر ترطيبه

تبقي الدنيا راحه ومافي حاجه عصيبه

———؛؛؛؛؛؛——–

العازب يعرس وديمه يلقي هناهو

والعاشق متيم ، زولتو تتلقاهو

شايله الفرحه عيد ، فد يوم هي ما تنساهو

في بيت الحلال تبراهو فيها خطواهو

——–؛؛؛؛؛؛؛———-

يا ربي الكريم رب الخلق والامه

تفك اسر السجين والناس معاو تتلمه

قربو يا شباب في العيد ده شدو الهمه

شان صلة الرحم في الدين هي حاجه مهمه

———؛؛؛؛؛———

واخيرا في الختام بهدي القوافي وصايا

لي كل زول عزيز من (بيكو) ليهو تحايا

بتمني العفو ، اصلو التسامح غايه

حتي ان كان غلطته رضاكم انتو دوايا

——-:::::::::؛——-

كل عام وانتم بخير دائما

ابوبكر عبدالله (بيكو)