*تعودنا ان نعرف علي الاقل بعضا من مسؤلي غرفة التسجيلات
*وان نعرف دائما كل من ضميناهم لغرفة التسجيلات او قل معظمهم
*هذه المرة السرية تسيطر علي غرفة التسجيلات
*لاعارفين منو البفاوض
*ولا عارفين منو الدخل الغرفة
*كل معلوماتنا عن غرفة التسجيلات صفر
*صفر قدر صفر الهلال الدولي
*طبعا الدولي دي للصفر ما للهلال
*هذه السرية جعلتنا نعتقد ان هذه الغرفة اضحت غرفة اشباح
*مخيفة شديد ومظلمة
*ولما فتحنا خيال كرعينا اتطاقشن
*وفي بلل حصل
*غرفة اشباح ياعمك
*اتخيلنا ليك نحنا داخلين غرفة الاشباح في عز الضلمة ديك
*فجأة نشوف ليك اسد يتلب لينا من الركن شايل ليهو غزالة بياكل فيها .ماسكها زي التفاحة ويقول لينا ياااالع
*اها في الخيال داك ونحن جارين
*نشوف ليك مادبو ناطي من السقف ويقول لينا وووووه
*وبس في بلل حصل
*في خيالنا داك جرينا عشان نمرق
*نلقي ليك في البوابة علي ابشر شايل ليهو سيف وبكورك
*جيبوهم لي جيبوهم لي
*تاني حصل بلل
*باقي في الخيال داك دخلوا معانا ناس سكري كتاااااااار
*المهم
*الحتة الفيها هيثم وخالد اتخارجنا بيها
*مرقنا من غرفة التسجيلات وقفلنا الخيال
*وبرغم ان الامر كان خيال كان هناك بلل في الواقع
*الجمهور يامجلس المريخ يدوا في قلبوا
*لدرجة انو الظناطير بقوا يلعبوا بينا في الفيس عن طريق الشتل
*ان كانت لكم رؤية وضحوها لينا للاطمئنان
*مافينا من يريد ان يدخل معكم غرفة الاشباح
*كفاية الشفناهوا فيها لما فتحنا خيال
*ولو سمع الجدد بالشفناهوا لما فتحنا خيال
*صدقوني مافي لاعب بدخل غرفة الاشباح دي عشان مايتغمت
*استراتيجية العمل الاداري لاتحتاج لسرية قدر ده
*الا اذا لم تكن هناك استراتيجية اصلا
*ولكن نضرب بالسرية عشان لو فشلت المفاوضات مع لاعب نقول هو زاتو المشي ليهو منو
*نعمل قصة الكديس واللبن المعلق في المشلعيب
*ايها الناس
*انا عند وجهة نظري
*الاعتماد علي المراحل السنية هو الحل الامثل لخارطة بناء فريق جيد يمكننا ان نطلق عليه فريق بطولات
*المهم
*ياعزيزتي الحكومة المدنية
*بالك طويل شديد
*والمماطلة تفريط في حق شعب قدم فلذات اكباده قربانا للخلاص
*اسي ياحمدوك
*اداء وزارة الداخلية والشرطة الموحدة قدر طموحك؟؟؟؟
*وهل سنزرع مدنية دون رادع ودون ضبط للشارع واحترام للحقوق؟؟؟
*وهل اذا كان دور الشرطة سالب
*ستعبر بمركب الحرية لنغني لك
*عدي بينا وعدي بينا يامراكبي
*عدي بينا عدي بينا ياريس
*القصة دايرة شخصية
*فالبطاقة الشخصية لاتضيف للشخصية اذا كانت الشخصية اساسا معدومة
*فوضي الشارع يجب احكام القبضة عليها ان كانت من بعض الثوار او كانت من المندسين
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*الانتنوف دي متعوده
*تقوم بينا كب
*تقع بينا كب
*اوقفوها قبل ان تودينا
*مع عزائنا الكامل في فقد خيرانا في تلك الرحلة المشؤومة
سلك كهربا
ننساك كيف والكلب قال احترام القانون هو امان الحرية.. .والاحترام ممكن يجي بخاطرك وممكن يتفرض عليك بالقانون
والي لقاء
سلك
