بابكر سلك
*شيبولا
*بشة
*شلش
*شيبوب
*شيخ موكورو
*كلها شينات مابتنفع مع فطومة
*وصدقوني لوشي لو خلت قناة كردنة دي
*بكون سببها الشين دي
*عشان كده يالوشي
*دسي النقاط وخليها لوسي
*فطومة اختي جنها وجن النقاط علي الحروف
*بالذات نقاط الشين
*اسي روشا في امرا ضيق
*بكري بس واحد غلط قال ليهو شكري
*طوالي مانفع معاها
*محمد عبد الرحمن ده موش كانوا مسمنوا جكسا
*قال ليك واحد بتكلم بالشين
*قال جكشا
*طوالي ختتوا ليك في فوهة بندقية البت المندسة
*و طالما فطومة مادايرة شين
*يبقي مافي شين بتقعد في الهلال لو كانت شين وليد طايشين
*وفطومة برضك مادايره جيم
*بس مادايره جيم في المريخ مافي الهلال
*ايها الناس
*الفقر دائما يولد الابداع
*لان الحاجة تدفع العقل للابتكار لاشباعها
*لذا كانت تسجيلات جيل ضياء وسومانا والتاج يعقوب وداوود وقصاري
*هي امتداد لنجاحات تسجيلات جيل نمر والتكت والرشيد
*ثم جاء الفقر المسبب لعقوبة الحرمان من التسجيل ليضيف نكهة علي الاولاد واستقرار وانسجام
*والآن وفي عهد الفقر كان التجديد لنمر واعادة سومانا واضافة الصيني وشلش والنيجري الجديد
*في ابداع جديد للفقر
*بالاضافة لتسجيلات ازمان الغني اصبح كشف المريخ شبه مكتمل بالذات بعد ضم محمود الموعود
*انه الابداع بسبب الفقر
*لذا جاء التعبير
*فقري وبنوم بدري
*وفي عهد الفقر تجلت الجماهير واقامت النفرات والمبادرات الكبيرة والرائعه
*فساهم الفقر الي حد كبير في اعادة الاحساس بالمسؤولية لدي الجماهير
*واثبت فقر المجلس ان المريخ غني برجاله وجماهيره وأنصاره الاوفياء
*شارك الجميع في الدعم
*من الاقطاب وحتي اصغر مشجع
*السيد جمال الوالي ساهم بمية مليون في نفرة الجار
*وهاهي مية مثلها تصل من القطب علي الفادني
*وخمسون قبلها وصلت من السيد عصام الحاج
*وخمسون مثلها من صاحب المبادرة دكتور جار النبي
*وتوالت المساهمات الي ان فاقت المليار بكثير لنفرة الجار وحدها
*القروبات ماقصرت
*اتدرون بماذا اسهم قروب رجال حول الزعيم وحده؟
*دي قصة تتجلي فيها عظمة القروبات ودايره عمود براها
*ومن اجمل ابداعات الفقر انه وحدنا علي قلب رجل واحد
*ووحد خطوتنا نحو هدف واحد هو صالح الكيان ونبذ الكيمان
*ويامرحبا بفقر تتجلي به قيمنا ومريخيتنا وقلوبنا من غبار عابر لكنه استكان في الهبوط عليها دون ان نفكر له
*يبقي نستغل كل ذلك ونجعل منه سلما نصعد به علي اطلال النجم لنهائي العرب
*ووقتها تتجلي وحدتنا حينما يحتشد كل رموز المريخ علي مقصورة الاستاد بالعين الاماراتيه
*وكل العيون ترنو لنا باعجاب
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*فتشنا لي مهاراتنا وكفاءاتنا ومالقينا
سلك كهربا
ننساك كيف والكلب قال كلو مانقول جفت نلقاها مطينة في طينها
والي لقاء
سلك
