فوزى نفسيات 

     حدق العيون

  فوزى نفسيات

•  بنى ( فوزى المرضى ) خطته لهزيمة المريخ بشحن ( كوامره ) منتهية الصلاحية ( نفسيات )

• ( يطرشنى ) كان سمعت قبل كدا بخطة النفسيات دى … يعنى هسة يا ( فوزى ) الشغيل ونزار والسمؤل ديل لو

شحنتهم ( كهربا ) بطارية ما يشغلوها

ياخى العالم دى ( داقشة ) الأربعينات

شحنات شنو ؟؟ الناس دى بدل ( الشحن ) ادوها ( فاليوم تو ) وخلوها تنام بدرى بدرى .. ناس فى مرحلة ( الشيخوخة) مليان شنو كمان ؟؟؟

• بس تعرف ما ( فوزى ) براهو عندو ( نفسيات )

• السوباط زاتو جاتو ( نفسيات ) الرجل

( بهل ) الدولارات وجاب ( جيسى )

وجاب ( لوزان ) اقصد ( لوران ) وحبحب ( الديون ) ومسح ( الدقون ) ووزع ( الظروف ) ودعم ( الضيوف) وبعد دا

كلو  تبدو ليهو عهدو بمنتهى ( الكسوف ) داكلام يا اخوان ( نزار ) ؟؟؟

• فوزى زاتو بعد المباراة جاتو ( نفسيات ) قال ليك قال معقول ( النقر ) دا كان بدرب ( الخرد ) دى كلها ؟؟

• فوزى قال كمان بالله الناس دى تقلق ( راحتى ) وتحرجنى بناس عمو الشغيل

وجدو ( نزار )

• يا زول محمد عبدالماجد نفسياتو ( منتهية ) شديد … الراجل ساب ( التش ) وغسيلو الأكثر ( بياضا)

وخلى ( الصاوى ) النورو ( ضاوى ) وقبل ليك على ناس  ( قوات الدعم ) قال ليك

كيف الجماعة ديل ( ينططو ) … ياخى هو منو البشوت ( التش ) وما بنط ؟؟؟

محمد زاتو قبل كدا ( التش ) دا ( نططو )

• بعدين الشيء. شنو ؟ إستاد الخرطوم دا كلو ( قوات دعم ) مريخية … كافى البلا  مافى ولا واحد من (الدعامة ) ديل هلالابى  … بس قول لى  حتى لو كان فى واحد هلالابى ( ينطط) لى شنو ؟؟؟ وعشان شنو ؟؟؟ عاوزو ( ينطط ) لتابلوهات ( الشغيل )ولا عشان إمكانيات محترف ( الحيرة )  كاديو ؟؟؟

• بعدين يا ( محمد ) انتو الرقيص خليتو ليهو ؟؟ نسيت ( العشرة بلدى ) بتاعت

( بشة ) وداعم الدعم السريع وداعم ( الإنقاذ ) وابنها ( البار ) ويومها راح ( الوقار ) وحتى ( الأدب ) شمار فى ( مرق ) …

• أظن اننا نحتاج لقليل ( وقار ) فى كتابات عدد غير قليل ممن ( تمددو ) فى الصحف الرياضية …

• يريد اكبر ( كاتب ) فى الهلال ان يصادر

( مشاعر ) الناس لمجرد انهم اختاروا ( المريخ ) دون ( الهلال )

• ترى لو تبدل الحال وفاز الهلال ورقص

ان شا الله ( البرهان ) هل سيكتب ( محمد عبدالماجد ) ما كتبه فى منسوبى الجهاز ؟؟؟

• اما ( المال ) الذى يغدقه عليكم ( الريس ) الجديد هو ذات المال الذى

( انكرتموه ) على غيركم ( أمسا ) فمالها (صبتكم )تتلون مابين الأحمر والأزرق  ؟؟؟

• حدقات متفرقة :

• الكابتن ( فوزى المرضى )عرفنا الكورة بالبخرات الكورة بالنفسيات  دى شنو كمان ؟؟اها  انت نفسياتك بعد الكورة  كيف ؟؟؟

• الهلال عشان يسجل ابوعشرين شطب

عشرين لاعب … يعنى لو عايز يسجل

( التش ) يشطب الجمعية العمومية ؟؟؟

• الشغيل جربت  الهجوم والوسط والدفاع ما تجرب حراسة المرمى  يمكن( تبقى )

• الشغيل .. السمؤل ..بويا… فارس عبدالله البقاء  لله ..