فوزي المرضي :سنبدأ القتال من اليوم و اعرف جيدا كيف افوز على المريخ
اكد مدرب الهلال الجديد فوزي المرضي مدرب الهلال الجديد جاهزيته الكاملة لتلبية نداء الهلال وقيادته في متبقي مباريات الفريق في الممتاز بعد ان تم تكلفيه رسميا امس وقال المرضي انه ابن الهلال وسيلبي نداء الهلال فورا مؤكدا انهم سيبداون القتال بقوة اعتبارا من مران اليوم تاهبا للقاء الغد امام اهلي شندي ومن بعدها مباراة المريخ التي قال انه يعرفها جيدا ويعرف كيف يديرها.
هلا وغلا سلة فواكه وحلا للاسد فوزي المرضي… يا حبيب مهلك علينا من أولها قتال وهزيمة المريخ قفز فوق عقبة النمور… روق المنقه يا عمك واشرب كباية شاي احمر منعنع بنكهة ابوعشرين شاي النجمة تش تش وتيري وعجب والحاوي ورشيد باشا و ت ك ت وبيبو حبيبو وتجتوج وسور الصين العظيم والدفاع فيهو امير يحرسه نمر شرس…نحن نحترم الهلال كفريق ند ومنافس للمريخ لكن اسلوب اعرف كيف اهزمه كان زمان …ناسي الزمان اتغيروا لكني ما تغيرت انا… دا فات زمان يا عمنا فوزي… الله يديك العافية ويحفظك…واغير على ابوالهل من غيرتك على الهلال…أترك الأحلام يا جميل واصحى… لا مريخ بدون هلال ولا ابوالهل يكون له طعم بدون المريخ العظيم.
هههههههههه كان غيرك اشطر
احسنت يا مانديلا ووالله ما قلت إلا الحق لا هلال بدون مريخ ولا مريخ بدون هلال. وصدقت برضو في انو هلال اليوم غير هلال الامس , لكن لو اى واحد فينا كان في مكان فوزي لازم يقول الكلام دة لانو مشكلة الهلال نفسية وفنية في نفس الوقت. ويا مانديلا انت قد تكون شفت مريخ مانديلا لكنك ما شفت مريخ السبعينات. انا هلالابي على السكين لكن مريخ السبعينات لو كان هدفه كاس افريقيا ولو كان الناس عارفة انو بجي يوم الناس تتباهى فيهو بكاس افريقيا كان شبع فيها المريخ وكان شبع فيها الهلال لاننا كنا في قمة افريقيا. لكن دارت علينا الايام وتبقت الذكريات. نتمنى انو باقي مباريات الدوري تشتعل ويرتفع المستوى واللي يكسب نقول ليهو مبروك وانا متفائل لانو النقر الكج راح واستراح. ولك تحياتي.
يا فوزي المرضى يا كذاب أول حاجة أطلع من أهلي شندي وبعدين اتكلم في المريخ لو اتعادلت مع شندي كعادتكم سوف يأخذ المريخ الدوري بدون منافسة تذكر وكمان برضو حيغلبكم .
المرخرخين عارفين فوزي المرضي ذي جوع لكنهم ومجرد ما سيرة الأسد جات كلهم بقوا يجقلبوا ويسكلبوا، وعمك أبو المستعار المندلاوي عارف الشغلانة والفار بقي يلعب في عبه، ومازالت ذكري المحرقة الشهيرة وليلة الحرق تؤرق مضجعه، عشان كدة نازل يتراجف وأكاد أجزم إنه لمن بيكتب في تعليقاته دي بيزيح في حبات العرق من صلعته الماكنة 😂😂😂
الأسد يا مرعبهم وشايل منام عيونهم !!
حبيبنا التجاني واسمح لي اناديك تيقو مثل صديقي الهلالي الجميل تجاتي عبد الله…الكورة جميلة ورياضة محبوبة لجميع ساكني الكرة الأرضية لكن تعاطينا نحن في السودان غير والإعلام في طرفي القمة عمق معنى التعصب الضار… مفروض نحن نكون سعداء بمستوى فرق الدوري التي باتت تقدم مستوى قوي مثل الأمل والسلاطين والخيالة وهلال كردفان الغرة والوادي نيالا وسوكرتا والنمور مربى التمور هههه ..لكن الفكرة القديمة بأن ابوالهل والمريخ ما بتغلبوا لا زالت تسيطر على الأذهان..على كل ان فاز المريخ او الهلال بالبطولة كليهما سيمثلان في بطولة الأندية اتمنى ان يتم تسجيل لعيبة محترفين على مستوى وننتظر الختام في المعبرة او الحفرة وتطل الأميرة السمراء وتبتسم للسودان وتنتهي العصبية والتعصب وطن جميل يسعنا جميعا شرق وغرب شمال وجنوب نحن إخوة وشعب تجمعنا أواصر الدم في كل بقعة في ارض السودان ويميزنا الخلق النبيل الذي ورثناه من نيران القرآن في كل أنحاء السودان …التحية يا صديقي العزيز …دمتم في حفظ الله ورعايته من كل بلاء وشر برحمته.
عارفنك يا فوزي الأسد من زمن دكتور الكره السودانية أخصائي أمراض أبو الهل المستعصية كيف كنت بتتبهدل في مباريات المريخ لاعباً ومدرباً، ولكن ما قلته هو محاولة لرفع الروح المعنوية للاعبينك المتهالكين، يا خي ديل مشي في ( الواطاه) ما قادرين يمشوا من التكبر والخيلاء :انهم يلعبون لليفربول،، غايتو يا أسد أمرق من أهلي شندي أولاً وتعال لينا مدروخ ناس التش بتموا الباقي تهتهتهتههههههه الكادوك ذاتو ما بقدر عليهم، لا جن ولا سحره بقادرين على أن يلحقوا أثره، إنه المريخ إنه التاريخ.. وكفى على قول الحبيب (سماعين حسن).
بالتوفيق يا اسد