اسفرت قرعة مجموعات دوري ابطال افريقيا قرعة قاسية على الهلال العاصمي والذي وقع مع كلاً من تي بي مازيمبي وصن داونز الجنوب افرييقي ومولودية الجزائر وكان الهلال تم تصنيفه في المركز الثالث وكان الاستديو التحليلي للقرعة قد اطلق على المجموعة الثانية التي تضم الهلال ومازيمبي وصن داونز بمجموعة الموت ،في المجموعة الاولى من دوري ابطال افريقيا والتي سحبت امس بالعاصمة المصرية يصطدم المريخ بمجموعة سهلة نسبياً حيث يلعب في المجموعة الاولى مع الاهلي المصري وفيتا كلوب الكنغولي وسيمبا التنزاني الاوالي
١- الاهلي المصري
٢- فيتا كلوب الكنغولي
٣- سيمبا التنزاني
٤- المريخ السوداني
المجموعة الثانية
١- مازيمبي الكنغولي
٢- ماميلودي صن داونز الجنوب افريقي
٣- الهلال السوداني
٤- شباب بلوزداد الجزائري
المجموعة الثالثة
١- الوداد المغربي
٢- حوريا كوناكري الغيني
٣- بترو اتليتيكو الانغولي
٤- كايزرشيفز الجنوب إفريقي
المجموعة الرابعة
١- الترجي التونسي
٢- الزمالك المصري
٣- مولودية الجزائر
٤- سونغيث السنغالي
وبرضو الدلاقين يجوا يقولوا قرن شطة موجه القرعة لمصلحة الهلال. دي اسمها مجموعة الموت يابني دلقون والهلال قدرها وعلي قدر اهل العزم تاتي العزائم.
أخ الصيدة مرقت مننا ومشت للحلب !!
والله صحي حظ العمايا يا دلاقين،السنة دي ماشة معاكم باسطة ساااااي،حمام ميت ومذبوح جاهز وبفرفر 😆😆😆
بالرغم من صعوبة مجموعة سيد البلد أبزرد،لكن الهلال دايما منور في الأبطال وبإذن الله يسطع ويهل……وياخد للصيدة تارها من مازيمبي !!
يا جلفوط يا سطوحي القرعة المقصودة التي توصلك للمجموعات لكن قرعة المجموعات تختلف ههه السوباط قام يهضرب هو مالو؟ اركز بس مازيمبي وصن داونز وشباب بلوزداد لو وقفتو ابوقناع والواقع ماقولا ما بحلكم الا تتعاقدو مع المعمل في ٣ دول اهو طويل العمر بدفع وممكن يمول المعمل لغاية ما يفوز ويمسك الاميرة كورزنا من ضنبها قلنا ليكم يمهل ولا يهمل وانتظروا نحن معكم منتظرون وقالوا شداد تواصل مع الكاف وباكر بعملوا قرعة جديدة يحولوا المريخ مكان الهلال صدقني حقيقة يا المدعو هجام..انت فاهمني؟ ..ياخي اخجل شوية هل المريخ سبب في القرعة وشبكنا بني دلقون وعبارات قبيحة..خلاص حانعيشوا كوابيس وابوعشرين سيندم على اليوم الخلاهو يتصور مع المتعافن دا طبعا اذا كأس حكمت للاشانتي ستحمدوا ربكم وتنسترو برضو الكونفدرالية فيها بعاعيت واشباح مرعبة هههه تاني تجو العجموعات عفوا المجموعات راجيكم عجن ودايرين نشوف الفيني مع الباكنج باودر والبطيخة ساسا عفوا صيفي وتلبس قناع ويهل شعاع وكورونا ترحل تنهزم… عفوا ما تقدم مناكفة للضحك والطرافة ونادي الهلال العظيم سيكتمل بدرا امام فرق مجموعته ونحن مع جميع اندية السودان التي تمثلنا.
خليكم عندكم وطنية المريخ والهلال بلعبو ب اسم السودان .لا التعصب ارتقو شوية !
ابوعلي
الدلاقين هم اول من رمي بالوطنية في سلة المهملات حقدا منهم عندما كان الهلال يبدع في دوري الكبار وهم يقبعون في غياهب التمهيدي.