في الصمت كلام
محمد عثمان بلل
(قون) التبلدي كان عايز ليهو (فار) ..!!
• لم ينجح هلال التبلدي استغلال انهيار الوصيف عقب الخروج العربي بسبب (الفار).
• وأهدر رفاق (الغزال) فوزا تاريخيا جديدا عقب الوصيف بملعبه وأمام جماهيره.
• قلنا جديدا عشان قبل كدا هلال الابيض هزم الوصيف على ارضه بخماسية تاريخية.
• ازرق التبلدي كان يستحق الفوز بخماسية على الأقل من واقع الاختلاف الكبير في المستوى الفني بين الجانبين.
• الانهيار كان واضحا على الوصيف منذ مباراة سوسة .. وهذا الانهيار اكتمل في مباراة (الفار).
• لم يجد دفاع الوصيف حلاً سوى استعمال العنف مع هجوم هلال الابيض.
• بس في حاجة مهمة حصلت في مباراة التبلدي.
• وين (الفار) الشاهد على الخروج الحزين من البطولة العربية وضياع حلم الحصول على الدولارات.
• (هدف) التبلدي في الزمن القاتل كان عايز ليهو (فار) يشوف لينا الحاصل شنو.
• ولا شكلوا (الفار) حرد بعد الطيران التونسي.
• وقام اتعزز (الفار).
• واحد صاحبنا هلالابي متعصب شديد كنت حكيت عنو قبل كدا.
• تاني ضرب لي وقال ما عندنا مباراة قريبة مع الوصيف بعد العودة من تونس.
• قلت ليهو انتظر قرعة دوري النخبة .. نشوف البحصل شنو.
• الاحد قريب.
• واذا القرعة ما حددت مواجهة مبكرا مع الوصيف.
• تاني مافي حل غير مباراة ودية.
• الهلالابي المتعصب دا قال لي ما عايزين ودية.
• (مباراة رسمية بس).
• والله الهلالاب ديل صعبين خلاص.
• ختاماً .. رسالة للوصيف .. الدوري لسه ما بدأ .. ح تمشوا وين من الشعلة وأمبومبو.
