كابتن ماجد عندنا ضائع وكابتن ماجد عندهم بارع
تغريده واتساب
بقلم : معاذ ابومؤيد
كابتن ماجد عندنا ضائع
وكابتن ماجد عندهم بارع
الناس يادوبها اتغدت وصلت العصر وماشة للكورة قالوا ليهم الكورة بدت والنتيجة واحد صفر
في ناس اطمنت وقعدت تحلي وتشرب في الشاي قالوا ليهم اتعادلوا
ناس بطنهم طمت وحردوا الشاي
وواحد قبل مايعرف سر القون قال مايكون جابو ابيكو قالوا ليه ماجابو لكن صنع الهدف….
????
غايتو حمتنا خفيفة كريم طلع ماكريم لكن لو لعبوا ورا كان بقي نسخة من ابيكو
وكنا مع ناس حاج احمد لكن ربنا ستر لعب نص وياريتو مالعب جاري مدسي ورا الناس …
بالله السمسار الركب القمة ماسورتين دا منو….
دا اسه تاني بيدخل امدرمان ….
????
لكن يا ابيكو ما شاء الله عليك نجم المباراتين صناعة وتسجيل وحالتك مدافع ونحن صانع العابنا بلعب خشن اكتر منك وجنو فاولات ماتسجلوا لينا ابيكو صانع العاب مكان الفتى المدلل!!
????
شايف الكشافات شغالة من بعد الفطور لم جاء قون التعادل طفت
الجماعة خايفين تتمدد زمن اضافي والليبي يتعادل ويغلبهم طوالي بعد التعادل جا طفوها عرفوا الطيارة اقلعت قالوا نوفر حق الكهرباء
????
نرجع لناسنا الشماتة الكتيرة ماحبابا راجينا كتير وراجينا ذاتو ما راجي البنعرفوا
حنرجع بلد المليون شهيد في ابريل
والانتخابات في ابريل
وفي ناس طاروا علي مشارف ابريل
ابريل دا ربنا يجيبوا سريع سريع
????
شفوت المدرجات متعونا بالحضور وناس البوابات كل واحد رفع تقريره في عشرة سطور
فخامة تنظيم وزعامة في المدرجات كل شفت تشوفوا تعرف النتيجة من شكله
وناس التيفو بتاع الزعيم قالوا دي البداية
وفي ناس عاملين تيفو ختوه من الشمس وقاية
تيفو لتيفو يفرق……
????
غايتو عندي ليكم استثمار شغلو الاستاد صاله مناسبات مع الاضاءه الجديده تجيب ليكم الجنيهات وتعوضكم دخل المباريات اصلو جمهوركم حيكون حردان…..
????
لكن مع كابتن ماجد حقنا مش حتقدر تغمض عينيك
فاولاته امس اكتر من فاولات علاء الدين يوسف في عزو
معقولة يا لياقي دا اسمك الجديد عشان كل مرة لياقتك في النازل ….
????
ختاما
الفرحة لم تجيك من عصرا بدري تكون دي فرحة غير ومختلفة
غايتو الكان معزوم عرس امس يكون ضرب الضلع واستمتع باداء وصناعة كابتن بارع اقصد ماجد ??
????
انتو ماتسموه الاهلي كل الاهلة اتاهلوا شفتوا جمع الاهلي مافارق كتير من اسمكم
لكن تاهل حبيابنا ناس شندي تفرح اصلو اهلي شندي مننا وفينا
سمموووووه اهلي العرضة
بالله اسم كيف?
????
ونحن علي المدرج ونتفرج لكن فرجتنا امس جات بعد الغداء قالوا من تغداء تمداء وجمعاتنا ناموا عديل امس….
وتعالو نغني اقمااار الضواحي ونترحم علي الحوت شكله حاسي بيهم من زمان
اقمار الضواحي تطير!!!
????
لكن ياناس الالتراس لنا عودة ليكم باكر معقولة العملتوه عندكم مشكلة مع قلم تفرتكوا الفلم دا كلام ناس محبين للكيان؟؟
والحصل في الدكة برضو جاينوا الزحمة الحصلت والتدخل الفني معقولة المدرب يقيف شماعة وناس قاعدة !!!
كلو جاي باكر ونفتح صفحة ابجضوم واب حلقوم ونسوق معانا في الرحلة الالتراس باكر رحلة ممتعة ما رحلة طيران دولية
دي رحلة داخلية خاصة بينا…….
