في الصمت كلام
محمد عثمان بلل
كردنه يشتري استاد الوصيف ..!!
• الجماعة دخلوا في اضراب مفتوح.
• فتحت ليك الاذاعة وقت الاخبار .. أسمع ليك ويتواصل اضراب (…….) لليوم الرابع على التوالي.
• الخبر دا ما وقفت فيهو كتير .. قلت يمكن زي الاخبار البنسمع فيها كل يوم دي.
• خاصة ونحن من بعد عهد الانقاذ الاضراب عندنا أسهل من شراب موية من (الزير) البارد القاعد في الراكوبة في طرف الحوش.
• طوالي قعدت اتذكر الخبر من تاني .. والحتة الفاضية والموجودة بين الأقواس دي .. المذيع قال فيها (دخول لاعبي الوصيف والجهاز الفني في اضراب).
• يااااخ معقولة .. أصلا ما مصدق.
• الدنيا حصل فيها شنو يا جماعة.
• دخول لاعبي الوصيف في اضراب بسبب المرتبات والحوافز.
• حليل زمن جيمي.
• الصرف كان بالدولار الحار.
• ومباريات ودية مع بايرن ميونخ.
• والتعاقد مع وارغو في عز مجده قبل ما يتأثر بي ناس موسى الزومة وبلة جابر.
• طبعا تابعت الخبر كم مرة .. عشان أتأكد من الكلام دا.
• طبعا طلع حقيقة وما كنت بحلم.
• ويا ريت لو وقف على كدا بس.
• ابراهومة راح فيها.
• شكلو كان قائد الثوار .. أقصد شارك في الاضراب.
• وكمان تكوين لجنة تحقيق مع لاعبي الوصيف.
• الليلة والليلة.
• الدور على منو بعد الديسكو.
• يعني كدا الفلس ضرب ديار الوصيف.
• هسي لو ما جمال الوالي الوصيف كان يتأهب لمواجهة الزومة في دوري الاولى من عصراً بدري.
• دفع قروش الخواجة غارزيتو وابنه قبل انتهاء مهلة الفيفا
• عائلة كاملة تفلس بالوصيف.
• الحالة صعبة.
• يا كردنه حصل المولد دا.
• واشتري استاد الوصيف.
• نعمل فيهو اي حاجة.
• مش نحن احرار.
• احرار وثوار كمان.
• نحن عندنا مباريات مهمة في دوري ابطال افريقيا.
• طبعا دي بطولة الكبار فقط.
• سامعين للكبار فقط.
• عشان كدا ح يكون عندنا ضيوف كتار.
• ممكن يتمرنوا في ملعب الوصيف.
• لكن يا كردنه محتاج (بوهية كتيرة).
• يعني كم طن كدا.
• معقولة استادنا يكون بالأحمر والاصفر.
• اضرب اللون.
• دا كلو هين.
• بكري ماشي العراق.
• ميدو لسه مصاب.
• وكان كدا يا الوداد أرجى الراجيك.
• اخر رحلة خارجية.
• تاني مصر القريبة دي إلا في اليوتيوب.
