كشري مصر وبوش السودان

في السلك

بابكر سلك
كشري مصر وبوش السودان

*زمااااان
*زمن رودر
*المريخ كان معسكر في ألمانيا
*ألمانيا عديل كده وما اتخلعنا
*قبل انتهاء المعسكر كانت بداية الدوري
*رفض رودر قطع المعسكر والعودة للخرطوم للدوري
*برغم أن المباراة كانت ضد الموردة
*وما أدراك ما الموردة في ذلك العهد
*رفض رودر وأشار للعب المباراة باللاعبين الموجودين في السودان ويكملوهم بالأشبال
*وقالوا الناس ما قبلوا وقالوا لرودر الموردة كان غلبتنا الدوري بطير مننا
*يقولون إن رودر سألهم
*الدوري في بلدكم شلتوه كم مرة؟
*قالوا ليهو كتيييير
*أكتر من الهلال
*قال ليهم وكأس الكؤوس الأفريقية ده شلتوه كم مرة؟
*قالوا ليهو ولا مرة
*قال ليهم طيب ما تخلونا نشيل الكأس الما شلتوه ده
*وقد كان
*ظفر المريخ بقيادة رودر بمانديلا
*السؤال
*هل إمساك بعض اللاعبين بمعروف بمصر
*وتسريح بعضهم بإحسان للسودان كان قناعة من كلارك بالفكرة الرودرية؟
*أم أن كلارك ذاتو ما ليهو علاقة بهذا القرار؟؟؟
*طيب لو كلارك ما عندو علاقة بالقرار
*هل القرار قرار مجلس أم قرار قائد المجلس؟؟؟؟
*ولو كان القرار قرار قائد المجلس
*استنادا على شنو؟؟؟؟
*هل استنادا على أنا أدفع إذن أنا أقرر ؟؟؟؟؟
*وإن كان ذلك كذلك
*فلن نطول كشري مصر ولا بوش السودان
*واعملوا على كلامي ده نجمة
*أيها الناس
*الدوري خير إعداد للأفريقية
*والدليل على ذلك كنا جميعنا ننتقد دورينا الذي يبدأ مع انطلاقة التنافس الأفريقي
*وكنا بنقول فرقنا لاعبه كورة واحدة في الدوري والمنافسون لعبوا تمنيه كور في دورياتهم
*يبقى الإمساك بمعروف بمصر لن يعدنا للتنافس الأفريقي
*ولو لعبنا يوميا الصباح مع كفر البطيخ والمساء مع كفر السمسم المصري
*فيضيع منا كشري مصر
*ولما نرجع بالسلامة
*حا نلقى بوش السودان الهلال بغسل في صحانتو
*على كل
*أكتب قبل لقائنا بهلال الشرق يا سادات
*أتمنى برغم كل شيء أن نخرج بالنقاط كاملة
*فمن غير المقبول أن يبدأ النقيط والماسورة جديدة يا دوبك
*مع أول فتحة يجب أن لا تنقط الماسورة
*ولنا سؤال
*محمد موسى الضي مالو؟؟؟
*هل هو محق أم أن الهلال كان محقا عند تسريحه؟؟؟
*ومحمد المصطفى مالو؟؟؟
*طيب التورته القطعوها بالسكين ديك كملت بدون مايضوقها الضي ولا ود المصطفى ؟؟؟؟
*أجي يا البرقش؟؟؟؟
*هكذا سألت التورتة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*الناس طالعه عينا
*بالهموم مليانه دينا (من دين يعني سلف)
*وفي المدارس ما جات مواهينا
*نمشي السعودية ولا إنتوا تمشوا يا والينا؟؟؟؟

سلك كهربا

ننساك كيف والكلب قال بدل يمشي شعب كامل حقو يمشوا الناس الشويه
وإلى لقاء