كوفيد 19

في السلك

بابكر سلك

كوفيد 19

*حجوة أم ضبيبينة المريخية لسسسسه مدوره
*قلق الناس من النظام الأساسي 2019
*أكبر من خوفهم من كوفيد 19
*وزماااااااان
*بدري الكلام ده
*قلنا لا يطيل أمد مجلس سودا إلا المعارضة
*لأنها تتبع طرقا لا تؤدي إلى روما مجلس جديد منتخب (ديمقراطي)
*عذرا على الكلمة إن مست البعض
*استغل سوداكال تشرذم مجتمع المريخ إلى كيمان
*واستفاد من الولاء للناس أكتر من الولاء للكيان
*فأضحى يقرب هذا ليضرب ذاك
*ويقرب ذاك ليضرب هذا
*ثم يضرب هذا بذاك
*ويستفيد من تلك المشكلة ليقتات فترة جديدة
*انقساماتنا زئبق أحمر يعيد شباب الجن لينشط على تنفيذ الطلبات
*المهم
*كون سودا لجنة تراجع ملاحظات الفيفا على كوفيد 19 أقصد على نظام 2019
*معظمها من خصومه
*قربهم بالتعيين الذي تسابقوا على قبوله
*وقدموا نتاج عملهم
*وتوزعت الابتسامات
*وفي الصورة كنت ألحظ شيئا في عيون ساسا
*ببسم بي خشمو بسمة تختلف عن بسمتو بعيونو
*وحدث ما حدث
*ومهما حدث
*أي خلاف جديد أو اختلاف على المسودة التي قدمها سودا
*يعني فرصة جديدة من الفيفا لسودا
*تتذكروا التمديد معتصم جعفر من الفيفا كان كيف ؟
*قريب أو يزيد عن سنة
*وعشق الفيفا أن يسلم الرئيس المنتخب رئيس منتخب
*لذا عند الاشكالات تمدد للمنتخب كي يخلفه منتخب
*المهم
*نسكت وووب نتكلم وووبين على شرط الإقامة وحد التعليم الأدنى
*وليحدث ما يحدث
*ولكننا نسأل
*الفيفا دي قالت اعملوا نظام جديد ولا عدلوا وفقا للملاحظات المرفقة نظام كوفيد 19 ؟
*وهل ما قامت به اللجنة التي عينها سودا (في العلن) هو مطابق لموجهات الفيفا ولا بققوها كرطعت ؟؟؟
*وهل ما قامت به اللجنة التي عينها سودا (في السر) التزمت بموجهات الفيفا؟؟؟
*عارفين إنو الصلاة فيها السر والجهر
*لكن أول يوم نعرف إنو اللجان فيها السر والجهر
*وده كلو هين
*كوفيد 19 بتاع لجنة العلن
*وكوفيد 19 بتاع لجنة السر
*مش الفيفا قالت لازم يتعرضوا على الجمعية العمومية عشان تجيز المقترحات ؟؟؟
*يبقى سودا اتكتب ليهو عمر جديد في الرئاسة
*لأننا سننصرف للخلاف والاختلاف حول من هي الجمعية العمومية التي لها تلك السلطة
*هل هي جمعية كوفيد 2019
*أم هي جمعية كوفيد 2020 المؤكدة لكوفيد 19
*أم جمعية كفت سااااكت ؟؟؟؟
*ويطول عمر ساسا بفضل داحس الخلاف وغبراء الاختلاف
*من الليلة ساسا لقبو طويل العمر
*المريخ لاعب متين طال عمرك؟؟؟؟؟؟؟
*بمناسبة طال عمرك دي
*ناس تركي آل شيخ وناس التاني
*البخليهم يغدقوا على الأندية السودانية شنو ؟
*وبالذات عندهم في وطنهم مملكة آل سعود أندية تبقى لحين السداد أمام الفيفا وأخرى كايسه ليها كفيل ؟؟؟؟؟
*افتكر دي حركات شفع ساي القصد منها أي شيء إلا الدعم الحقيقي
*وبرغم الوضع الإقتصادي لأنديتنا
*إلا أنني أرى أن كرامة جماهير الرياضة لسه بخيرها
*برغم حقبة تغيير إراداتها
*وتغيير إداراتها
*والبعد بها عن مبادئها وغاياتها
*عشان كده أتوقع أن تعبر الجماهير وبالصوت العالي عن كرامتها قريبا
*بس خلوا كورونا تمشي والاستاد يفتح
*وتركي الشيخ طال عمرو كان هتافا في ميادين قبلنا
*أيها الناس
*نسأل الله أن يؤهل الزعيم للمرحلة المقبلة أفريقيا
*وإن كنت لست من أنصار تضخيم ونشر العراقيل والصعاب والمؤامرات الأنيمبية
*لأن ذلك النشر يكون تعبيرا عن عدم ثقة في الأولاد أو خوف من الخصم وفي أفضل الأحوال تمهيد للأعذار
*لا عذر
*ثقتنا في أولادنا كبيرة
*ويجب أن يعلموا ذلك
*ويجب أن تكون ثقتهم في أنفسهم أكبر من ثقتنا فيهم
*والصيني ورفاقه شفوت
*يا يتشفتنوا في نيجيريا يا يتشفتنوا
*واحد في التلاتة
*التوفيق كذلك نتمناه لكل الفرق الوطنية المشاركة أفريقيا
*وأنا بحلم بنهائي أفريقي بين الزعيم والصفر
*نهائي يضيف للبلد
*ويتيح للمريخ فرصة تطبيق الحنة من جديد
*الحنة طبقناها من ختت السماني
*بشوفها غبشت
*والله قالوا تيري ده عندو جنس طبيق حنه
*اسكت بس
*تلاتة شهور تكون سوداء ولامعة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا
*في موضوع الكهربا ده ما عصرتوا علينا ؟؟؟؟؟
*هي طول اليوم قاطعة علينا
*بدل تزيدوا لينا التوليد تزيدوا السعر يا والينا ؟؟؟؟
*ياها كفاءاتكم القلتوها لينا ؟؟؟؟
*مستننكم الباعوض ترشوهوا لينا
*تقوموا ترشونا بسعر الكهربا يا والينا ؟
*كيلو الكهربا أغلى من كيلو الضان بس كدي ورينا

سلك كهربا

ننساك كيف والكلب قال كهربا بمليون يدخل جيب الوطن أخير من كهربا بمية تدخل جيب زول… .وحك أضانو بكراعو الورا ورقد نام
وإلى لقاء