كوليرا ما تحلكم
في السلك
بابكر سلك
كوليرا ما تحلكم
*مجموعات أفريقيا جاءت وكأنها تقول عند الله ما بروح شئ
*جماعتنا تأهلوا بمجهودات الكورونا
*يعني تأهل بالاستعانة بصديق
*ذلك الصديق كان الحبيب كورونا
*وبالنظر إلى تلك المجموعة نستطيع القول إنو الدور ده ما بتنفع الكورونا
*الكوليرا مابتحلكم
*والغريبة (رز) المجموعات ظااااااهر
*نحن مجموعتنا لا ينافسنا على صدارتها إلا الأهلي القاهري
*ده إذا شد حيلو واستعان كعادته بالتحكيم الأفريقي
*لكن
*صن داونز الجنوب أفريقي من جنوب أفريقيا طبعا
*وبلدنا تمنع دخول الناس القادمين من جنوب أفريقيا
*يبقى ناس صن داونز يا ياخدوها موزة للخرطوم
*يا ينسحبوا وتطير نقاط الكورونا من أصدقائنا
*وكان أخدوها موزة للخرطوم
*كورتهم ضد الجماعة يودوها ميدان عقرب زمبابوي
*وصن داونز معروف عنو إنو أي كورة يلعبها في ميدان عقرب زمبابوي بغلب فيها تسعة
*صن داونز
*مازيمبي
*الفريق الجزائري
*علي الطلاق مجموعة زي دي لو كنت هلالابي كان خاطبت الكاف وقلت ليهو نتيجة فحص كورونا الأشانتي طلعت سلبية
*نتيجة الفحص العند الحكم جات بالغلط
*المهم
*على السوباط أن يخرج على جماهيرو مصرحا
*أعدكم بالأميرة السمراء في العام 2022
*مع كاس العالم
*بس ياسوباط ما تجيب سيرة الصفر
*باقي كلمة صفر بتجيب الكورونا لناسك ديل
*أيها الناس
*انيمبا الذي تخطيناه بجدارة لا يقل مستو ولا طموحا عن فرق مجموعتنا إن لم يكن أفضل من بعضها
*تبقى قصة تأهلنا من هذه المجموعة قصة مؤكدة تقبع بين أقدام رفاق المناضل تيري
*تحتاج فقط لجهد وجدية وتوحيد للجهود
*ومن المطلوبات طبعا البعد بمشكلاتنا وخلافاتنا عن الملعب
*فنحن قوم نقتات خلاف
*هكذا غيرنا وجبتنا الشهية التي أعدها الماهر عمر محمود خالد
*اختلاف الرأي فينا يجعل المريخ أقوى
*خلونا نختلف لنمارس أدب الاختلاف وفقه المحبة والإحترام
*خلونا من الشتائم والشو تايم
*وتعالوا نختلف بأدب ومحبة
*أيها الناس
*إذا ناس الهلال احتجوا على منهج القرعة
*وقالوا شامين ريحة آدم في القرعة
*وسيرة آدم بتذكرنا بلوحة مايكل بتاعت خلق آدم
*القصة دي ما بتغير ليهم المنهج ؟ أقصد المجموعة ؟؟؟؟
*إن تنصروا الله ينصركم
*أها
*نجي لي شمارات والي الخرتوم
*والينا
*قالوا المدارس حا تفتحوها جزئيا لينا
*كان كدي اسمحوا لينا نغني يا والينا
*يلا يا أولاد المدارس
*مواصلات ماحتلقوا
*يلا شخبتوا في الكراريس
*لما ناس المناهج يتفقوا
*مسكينة بليدنا
ولسه في إخوان
*سوداني بليدنا
مسكين يا مان
*وبنعتذر للشاعر ولعقد الجلاد وللبلد يا أخينا
سلك كهربا
ننساك كيف والكلب قال دي مجموعة زنقة كلب في جزارة
وإلى لقاء
اعوذ بالله منك ياتنقو الاحقاد والحسد والكراهية. عمودك نشاز ويختلف عن معظم اعمدة الكتاب من الهلال والمريخ. انت والكاهن افرغتم كرة القدم من محتواها النبيل. صلعتك دي مافيها شي غير الاحقاد . اسال الله العلي القدير ان تنالوا ضعف ماتتمنون للهلال كبير البلد. منك لله وحسبنا الله ونعم الوكيل عليكم ياناشري الفتن والاحقاد.
الظاهر خلاص انتفختم من عبور محطة التمهيدي واري رؤوسا قد اينعت وحان قطافها.
ياعمك تنقو مافي شيء اسمه موكد في كرة القدم تقول تأهلنا مؤكد
ثانياً خليك في فريقك وبس
انت نسيت الضرب بتاع كلب الليدو ولا شنو ياتنقو. الظاهر نشوة العبور من التمهيدي انستك اوجاع سنين البقاء في محطة التمهيدي والضرب المستمر لكلب الليدو.
ابدااااع يا سلك…… مازيمبي 5
عمك تنقو لسه ما مصدق إنهم إتجاوزوا عقدة التمهيدي بتأهل حايكون بيضة ديك في السنوات دي، عشان كدة المسكين مصدوم وبقي يهضرب، ومفتكر إنو حا يزاحم الأهلي المصري على صدارة هذه المجموعة الجعرانية، وهو وباقي الجماعة المخدرين ما عارفين إنهم جوا الحتة بتاعة الكبارات دي عشان يعرفوا حجمهم الطبيعي ويحرموا يلعبوا مع الكبارات أوي 😝😝😝
الليلة بدل شعر يا تنقو حانهديك ترتيب المجموعة الجعرانية بعد نهاية المباريات:
الأول: الأهلي المصري
الثاني: فيتا كلوب الكنغولي
الثالث: سيمبا التنزاني
الطيش: الصيدة السوداني
😆😆😆
الرشاقة الزائده ماااااا حبابا . .
شوف الفرحان ده اها اشارطك من هسه يا عمك تنقو المريخ سينهزم من كل فرق المجموعه