لافاني: سندفع بالتشكيلة الاساسية وسأركز على الهجوم

ده كلام صاح ياكوتش، عاوزين مباراة هجومية مفتوحة حتي ولو تعرضت شباك الهلال للإهتزاز، فالهلال لايخشي الفرق القوية ولايحب أكل الحمام الميت زي جماعتنا ديك !!
الجماعة أول ما المباراة تكون للهلال والهلال يتعادل أو يخسر تقوم ضباعهم وجعارينهم مارقة وتتريق، وأول مايلعبوا هم مع حمام ميت ومنتهي ويتعادلوا يقولوا ليك مباراة إعدادية ههههههههه
قلت لي يا أبوالمستعار المرخرخاب يفضلونها ساخنة؟ فيها قمر الدين ولا زبيب؟
كلمات خالدة علي لسان الكاتب (البدون قيد صحفي) أبوالمستعار المندلاوي: إفعلها ياعصام الحاج…..ينتوي أبناء المدرب هاي….مرخرخ يخنق خصمة حد الفطيس…..إنزعاج البعض من منتوج الشوط الأول……وجبة فنية تعد الأشهي……سوء أرضية ملعب الثغر لم يعد مبرراً…….لهذا نرتجي من الجهاز الفني…….توليفته الأقرب لأن تكون أساسية……فستقتل الحسرة بنزينا وتتاور عليه وجع لدغة العقرب……!!
أسي عليكم الله أبوالمستعار ده لو ساب الفلهمة وطليع عين اللغة العربية البيعمل فيهو ده، وإكتفي باللقيط واللصيق من أعمدة كتاب الإعلام التحريضي السالب ما كان أحسن ليهو؟ والله يلم فيهو أستاذ بتاع لغة عربية يرفع فيهو قضية في مجمع اللغة العربية ههههههههههههه
قال نجيلة الثغر كعبة، وايوم الخبت حاصل، والمسكين بي نجيلته المصلعة الشايفها سمحة دي درن ليهو حكم أبوشيبة في كورة مادخلت القوون من أساسه، والولد قمر الدين خبتهم ليك خبت ههههههههههههههه
لكمة أخيرة: ماذا ينتوي لافاني أن يخرج لنا من منتوج كروي الليلة، نحن نرتجي منه الأداء والنتيجة في وجبة فنية تعد الأشهي….!! فهمتوا الجملة دي؟ أنا زاتي الكتبتها مافهمتها !!