لا افكر طالما الشيخ يفكر
في السلك
بابكر سلك
لا افكر طالما الشيخ يفكر
*لجنة خماسية لتختار من يقود المريخ
*ملايين المريخاب وآلاف الاعضاء ينوب عنهم خمسة اشخاص في تحديد من يقود المريخ
*حتي تفويض الخماسية كان تفويضا فرديا
*آحاديا
*طيب خماسية ماكتيرة؟؟؟
*خلوها ثنائية او ثلاثية او حتي فردية
*القصة مابتحتاج طالما معظمنا شغال بمبدأ
*لا افكر طالما الشيخ يفكر لي ولنا
*لنا كلنا
*فالقطيع لا يسأل من فوض اللجنة
*لكن طالما القصة كدة تمشي علي كدة
*بربكم
*وبربنا
*معقوله يصل زول لدرجة يعفي نفسو من التفكير لنفسو لانو غيرو بفكر ليهو؟؟؟؟
*والقصة ماقصة كيان
*القصة قصة كيمان
*بدليل عدد القوائم الطلعت وبعضها وصل الاتحاد
*والغريبة في ناس عرفهم بالاتحاد ووراهم درب الاتحاد هاشم الزبير
*قاموا رجعوا الاتحاد بي وراهو وسلموا قائمة تخلو من هاشم الزبير العلمهم وسبقوه علي الابواب
*هذا هو حال معظم الذين يتسابقون ظاهرا خوفا علي الكيان وحقيقة اي شئ الا دي
*حتي الاخ جعفر سنادة الذي شكل للبعض مأوي ومرجع فكري
*اسقطوه عن قائمتهم غير مراعين علي الاقل للملح والملاح والليالي الملاح
*ده كلو هين
*لكن البزعل ان تلغي عقلك ليفكر لك غيرك
*ولن ينصلح الحال في المريخ
*طالما الحاصل معظمه امتداد لحشد القطيع بالمصانع والمزارع والحيشان الزمان داك
*ولكن
*اكيد لايصح الا الصحيح
*وسنظل نحلم ونعمل علي يوم تشرق فيه الشمس وتجد عضوية المريخ المستنيرة
*تفكر بنفسها ولنفسها
*تتقارع بافكارها لتتلاقح وتلد مريخا عالميا بحق وحقيقة
*تمارس الاختلاف بأدب الاختلاف
*ولا ينقص الخلاف بينها من احترام بعضها لبعضها
*ووقتها سنحقق الاميرة السمراء قطعا
*بل ستأتينا منقادة تجرجر اذيالها
*لكن بالحالة دي
*الاسي دي
*سنختم كل المواسم باغنيتنا المفضلة
*ترم ترم ترم ترم
*نهواهو في كل الظروف
*وفي هوي بدون ظروف!!!
*ابو الامين عندو اغنية اسمها الحب والظروف
*اللهم اصلح حالنا في المريخ واصلح حال المريخ بنا
*وسؤال
*علي اي مادة استند مجلس ادارة الاتحاد عندما علق مجرد تعليق علي جمعية المريخ العمومية؟
*وياتو مادة من نظامو الاساسي بتخول ليهو يعين لجنة توفيق زي ماسماها؟؟
*وهل حالة الهلال والخرطوم الخ
*تشبة حالة المريخ؟؟؟
*زمان قلنا ليكم الاتحاد ماعين لجنة وفاق للمريخ ايام الريس ود الشيخ
*ولكن الاتحاد قبل تعيين المجلس المنتخب لاعضاء مضافين
*لان الاتحاد ماعندو حق التعيين
*اما المسميات بتاعت فلان رئيس واوكتاي نائب رئيس
*فكانت مسميات اعلامية وعرفية في مجتمع المريخ
*ولكن وضعهم الحقيقي اعضاء مضافين
*حايجي زول يقول لي محمد الشيخ كان بتعامل مع الاتحاد كرئيس
*بقول ليهو محمد الشيخ عمرو ماخاطب الاتحاد كرئيس
*كان بخاطبهم زيكو بوصفه مديرا تنفيذيا
*المهم
*اذا استسلم المجلس لما هببه الاتحاد عجاج رجلينو
*عشان غيرو يشتغل في التسجيلات
*واذا اختار المجلس للرهيفة ان تنقد
*يرفع الامر محل بتتقده الرهيفة ويواصل في اعادة قيد اللاعبين القدامي وقيد من يراه مناسبا من الجدد
*والفيفا جات تتقسم ماشه علي تتبسم
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*امس طلعت الناس الطالعه عينها
*وهتفت
*حمدوك يسلموا الجابوك
سلك كهربا
ننساك كيف والكلب قال لو ربطتنا الحجر علي بطوننا من الجوع يا ديل تاني مابتغشونا
والي لقاء
سلك
كلام الطير في الباقير كالذين تنتقدهم انك بنفس المنطق تريد فرض اشخاص. كنت أتوقع أنا مريختك فوق مثل هذه الصغائر . كنت أتوقع ان تسهم بفكر يخرج المريخ من هذا المستنقع.. أسالك سؤال مباشرةأنت حضرت الجمعية الأخيرة هل كانت جمعية متملة الأركان القانونية وهل في رأيك كانت الجمعية معبرة بصدق عن جماهير المريخ وهل ما خرجت به يمثل طموحات المريخ. ؟؟؟؟؟؟؟.