للأسف .. حتى (التجاني الماحي) ما فيهو سرير فاضي
بالعربي الكسيح
محمد الطيب الأمين
للأسف .. حتى (التجاني الماحي) ما فيهو سرير فاضي
!!
* قوة العين هي أن (تنفصل من خطيبتك ثم تذهب وتخطب أعز صديقاتها سابقاً) .
* دي قوة عين مخلوطة بكمية من الحاجات المُوجعة .
* لما تعمل كده (خطيبتك الأولى) بتعيش في (نارين) .
* نار إنك خليتها ، ونار صاحبتها الوافقت إنك تخطبها.
* حارة والله .
* (تخليني وتمشي لصاحبي بدون ما تمهد لي أو حتى تلمح) ؟
* بتخليني أكرهك وأكره صاحبتي الخطبتها وأكره الحب ذاتو.
* صدمة وفاجعة .
* والبيزيد الفاجعة إنك رغم العملية دي تكون عايش حياتك طبيعي وطالع ونازل وداخل الفيسبوك والواتساب ولا هاميك شئ .
* بتذكر عندنا صديقنا قرر يترك (خطيبتو) .
* أتعرف ليهو على واحدة وقرر (يتقدم ليها) .
* بقت المشكلة إنو (خطيبتو) لو عرفت الحاجة دي ممكن (تطرشق) ليهو الموضوع .
* الجماعة قالوا ليهو خليك عادي مع خطيبتك دي لحدي ما (تنجض) موضوعك مع البت الجديدة .
* وبالفعل بقى متواصل معاهم الإتنين ، لكن (خطيبتو القديمة) بدأت تحس إنو في حاجة ما طبيعية .
* هو عشان يبعد الشك قام خش الفيسبوك وكتب : (أحلى منك قايلة بلقى ولا غيرك ممكن أبقى أنت افراحي البعيشا وغيرا مكتوب ليا أشقى) .
* زول مُجرم .
* والله صحي .
* خطيبتو شافت الكلام ده طوالي رسلت ليهو رسالة وقالت ليهو : (حبيبي سامحني أنا ظلمتك وظنيت سوء إنك عايز تخليني ، لكن بعد التغريدة حقتك دي أنا أتأكدت إنك بتحبني) .
* بعد يومين مشى خطب وخلى ليك الخطيبة القديمة تقرأ وتعيد في : (أحلى منك قايلة بلقى ولا غيرك ممكن أبقى) .
* مسكينة بعد داك بقت تتصرف تصرفات غير طبيعية وانتهى بها المطاف في (التجاني الماحي) .
* وبما أن ذلك كذلك فأن جماهير المريخ الآن هي في (التجاني الماحي) .
* العملو فيهم أبو عشرين هو نفس العمل الخطيب في خطيبتو .
* نفس الألم .
* نفس الوجع.
* مع إختلاف بسيط في (التغريدة) .
* أبو عشرين كتب في الفيسبوك : (أنت يا الدم لونك أحمر) ، والخطيب ده كتب : (أحلى منك قايلة بلقى) .
* ده بس الإختلاف بين أبو عشرين وصديقنا الذي ترك خطيبته وخطب صديقتها.
* عشان كده أي تصرف غير طبيعي من جماهير المريخ هذه الأيام يجب أن تتقبله جماهير الهلال بصدر رحب.
* الوجع أكبر مما يتخيل جمهور الهلال .
* كده خت نفسك في محل جمهور المريخ .
* ح تلقى الوجع لا يُحتمل.
* ولذلك كونو أعداد كبيرة من جماهير المريخ تفرح لخسارة المنتخب الوطني لأن الأهداف جاءت في مرمى أبو عشرين .. عادي.
* ده تصرف طبيعي من زول (الوجع قاطع قلبو) .
* خليهم يفرحوا لخسارة المنتخب .
* خلوهم يتنفسوا شوية .
* ده رد فعل طبيعي لزول (أبو عشرين اداهو شاكوش) .
* هسه انت لو (شلبو) منك حبيبتك مش قلبك بتقطع؟
* نفس الفكرة .
* الناس ديل أبو عشرين عامل ليهم (كورة شُراب) في القلب أو كما قال (ربيع طه) .
* عامل ليهم (كورة شُراب هنا) .
* خلوهم ياخدوا راحتهم.
* لو قالوا ليك أبو عشرين ما بشوف من بعيد قول ليهم أي ما بشوف .
* لو قالوا ليك أبو عشرين كعب قول ليهم كعب لما بقادي ذاتو.
* ما تناقشهم.
* ديل هم حاليا في حالة نفسية غير طبيعية .
* وتعال اناقشك.
* في زول طبيعي بفرح لخسارة منتخب بلدو؟
* يبقى ما تشتغل بيهم.
* أنا دايرك أنت كهلالابي كده اتخيل نفسك بقيت مريخابي لأسبوع واحد ووريني إحساسك .
* وريني إحساسك لما الهلال يشيل منك أبو عشرين ومحمد الرشيد ورمضان عجب .
* وريني إحساسك وكشف المريخ الأفريقي اترفع بدون (أبو عشرين ورمضان والرشيد) ؟
* إحساسك بيكون كيف واللاعبين ديل لحدي آخر مباراة في الدوري كانوا معاك ؟
* إحساس بخليك تكره الهلال وتكره المنتخب .
* وبالضبط ده الإحساس العايشو القطاع الأكبر من جماهير المريخ الآن.
* عندهم حالة طُمام من المنتخب ومن الرياضة عموماً .
* لازم أنت كهلالابي تلقى ليهم العذر .
* لو قالوا ليك : أنت شلت جمال سالم عمل ليك شنو ؟ ما ترد .
* خليهم يتكلموا .
* لو قالوا ليك الصفر الدولي برضو ما ترد .
* أضحك بس .
* المهم .
* بعيداً عن هذا .. سعدنا بالمظهر الحسن لصقور الجديان .
* وسعادتنا الأكبر أن عدد من نجوم غانا تغزلوا في حارس السودان والهلال الأول أبو عشرين .
* ونرجو التوفيق للصقور في لقاء الإياب نهاية هذا الأسبوع.
* و….
* ملحوظة : (بعد جلسة مع الذات قررت وبكامل قواي العقلية والمهنية تغيير إسم عمودي هذا لاسم آخر سأعلن عنه لاحقاً) .
* تغيير الإسم فقط .
* و..و..
* وأنت وأنا من حقنا نعرف إنو……..(الدم لونو أحمر) .
ياخي ما معقول تجي تشرح لينا حالتك العاطفية وتربط الحالة بجماهير المريخ ياخي انت شبح التجاني الماحي مابقدر اقول جمهور الهلال لكن الناس الزيك ياهو شبح التجاني الماحي ياسخفي انت
هههههه هااااااااا. يجازي محنك ياود الطيب. حرقت قلوب التمهيداب بنار القصب كعادتك. اديهم بالحتة الفيها الحديدة ولا ترحمهم علي قول ابو صلاح. يمكن ضربك يصحيهم من مخدر كبير الكهنة صاحب السر المقدس اليخماو.
هههههاي والله الفورة الفايرنها الهلالاب والجقلبة والقهر اللي مخليهم مالين الصحف والقروبات جعجعة واااي واااي نحن كمريخاب خالفين رجل على رجل ومادين لسانا وبنضحك فيكمى ومستمتعين يااااخي كلما تكتب أحس كمية الوجع والمغص اللي ماليك اضحك لمن أبكي والله انت ممكون ومتألم ومهري لمن بي هناك داير تنسى وتنسي جمهور الهلال الغلبان انهم بالاضافة للصفر الدولي الدائم دخلو في السنة الرابعة في الصفر المحلي والله لا مائة سوباط لا عشرين أبوعشرين ينسوك الألم والمرار ههه قاعد تعمل معارك وهمية ما لاقي حاجة تقوله أها تقول شنو وتكتب في منو وذي ما قلت ليك (الماعندو التش بتخلع من عبدالرؤوف)ده انته غلبان بشكل وبائس يائس وحالتك يرسى لها مسكين والله وفي النهاية حتتهزم برضو في موضوع العجب والرشيد للمريخ غصبا عنك حتى لو يتوقفو 4 أشهر عندنا غيرهم كتير.. قول الرووووب .
أما مسألة الوطنية والمنتخب فهي منك براء ما شفناك يوم بتكتب عن المنخب ولا عندك ليهو شي أصلا مع العلم أن كتاباتك لا بتقدم ولا بتأخر وأسألك سؤال إضافي أيه علاقتك انت بالكورة عشان تقيم ونسمع ليك وين لعبتها ووين شفتها وكيف عرفتها ؟
أما بخصوص أبوعشرين فلا شك انو حارس كبير بدليل انو لعب للمريخ وهذا يكفيه ولكن لا تنسى أن المريخ ظل يفضل عليه منجد النيل والدليل الإعارة المتكررة لأبوعشرين لأغلب فرق الدوري الممتاز ما خلى فريق ما لعب ليهو وبوافقة المريخ وأخرها الشرطة القضارف مع بقاء منجد يصورة دائمة وين المشكلة نعتبرو اعارة وبرضو ولدنا ما بننكرو … ههه
قال (وأنت وأنا من حقنا نعرف إنو……..الدم لونو أحمر) هههه ياخ الهلال ذاتو أصلا أحمر حقيقة ستظل قائمة ما دام الهلال (تعال أفهمك) أن مجموعة من المريخاب الزعلانين عملو حاجة اسمها الهلال (وبما أن ذلك كذلك) فالهلال أحمر برضو (وبنطلونو ناصل) ولا ما كدا
وأخيرا تصدق والله ما كنت عارف انك المذيع البقدم برنامج أعتقد اسمو وسط الدائرة وهو يفرك يده اليمين مع اليسار كأنو بردان ولابد في الركن كأنو خايف من الكاميرا ولابس عمة معتز صباحي ويحاور الضيوف كأنما هو جالس في ظل الضحى مع عطالة الحله (وبما أنك كذلك) ولابد من مقاطعة المريخ ولاعبيه لبرنامجك لأن نجوم المريخ هم نجوم البرامج خليك تستضيف ناس اسكندر ومؤمن وبشه وسمؤل وفارس والضي ومش عارف مين هههه
والله بالجد ما عتدك موضوع عليك الله العينك صحفي مادمر الصحافة حليل احمد محمد الحسن القامة صحيح لوغاب التمساح يقدل الورل علي الصفر بقول احلي منك قايله يلقاء انت ي صفري الحنين
العربي المسيخ انت لسه لابس خوذة الافغان ولا برنيطة مدير حشم البزابث ولو رفعوا البرنيطة بلقو ورم ثلاثية الرعب والهلع من اب زرد قاطرة الفرق السودانية مريخ مانديلا الزعيم الذي رشوتم حارسه عندما قفز قفزتيه الاكثر شهرة مع صواريخ منتصر وبعد هذا الله سبحانه وتعالى وفق رجال الزعيم بتحويل كأس جمال ظالم بواسطة كاس الماوراها خطف الحراس وسبحان الله ابوعشربن يسير على نفس خطى جمال ظالم ومهما كتبتكم هي توليفة المدعوم فارس والشغيل وسمؤال ووضاح وابوعشرين في الخشبات وايو من سقط لقط هدفين بالكربون وبعدين الدم ابو لون أزرق اخذ نصيبه من دولارات المرابحات والمضاربات وعفيت منو نجيض اخد نصيبو ونحن لن ناسف على فراقه لانه قبل كدا طيرنا من التمهيدي وضيع مجهود الغربال ورفاقه في البطولة العربية فهو اصنج تدخل شباكه أهداف لا تدخل في حارس درجة ثالثة والحمد لله ربنا خلصنا من كابوس تاني زي جمال سالم والهلال لو وقف جمال وعلي ابوعشرين برضو صواريخ سيما وايو ستكشف المستور…انت اصلا ما عندك علاقة بالنقد الرياضي وثقافتك الرياضية ضحله فقط تكتب مشاحنات وغث وعك وانت طبعا مرعوب من المريخ ولسه حاتشوف ان شاء الله قريب السهر والخوف مع بطيخة سادومبا و نص دستة النمور المعطوبة ووضاح ضربات جزاء والشغيل مخالفات وفارس كبري الحرية والسمؤال انبراشات… مبروك عليكم الدم الأحمر ومعه رمضان والرشيد.
عمودك سميهو ؛
( الدم لونو أحمر ) هههههههه
عمودك سميهو :
( لون الدم أحمر ) هههههه