لو في كرسي واحد إتكسر فإن الربع مليون دولار لن ترد !!

قزاز ورذاذ

محمد الطيب الأمين

لو في كرسي واحد إتكسر فإن الربع مليون دولار لن ترد !!

* والله أنا أكتر حاجة محيراني في الدنيا دي ناس المريخ.
* تحس بيهم فجأة لقوا نفسهم في المجموعات.
* بيدوك إحساس انهم ما كانوا عارفين إنهم دخلوا المجموعات.
* أو ما عارفين تاريخ انطلاقتها متين.
* زي الجاتهم فجأة.
* زي الزول في صالة العرس يختو ليهو (صحن الكوكتيل) يعمل فيها ما منتبه مع إنو هو بيكون جا العرس عشان الصحن ده.
* ناس المريخ عارفين روحهم ما عندهم إستاد.
* ومع ذلك هم ما عارفين إنهم ح يلعبوا وين وبي كم.
* مربيعين أياديهم وقاعدين.
* رئيسهم داير يلعب في القاهرة وباقي المجلس داير يلعب في إستاد الهلال.
* والغريبة لا دايرين يدفعوا للهلال ولا دايرين يدفعوا في القاهرة.
* حاجة غريبة والله.
* طيب الميزة الفيك شنو عشان يدوك إستاد مجان؟
* في شنو يعني يخلينا نديك الإستاد مجان؟
* وطنية؟
* الوطنية طحنية يا مولانا.
* طبعاً في مصر إيجار الملعب ب(٣٥) ألف دولار.
* يعني تلاتة مباريات وحازم يعلن افلاسه.
* عشان كده الجماعة قالوا أفضل إستاد الهلال.
* إستاد الهلال (١٥) ألف دولار.
* وشيك ضمان بربع مليون دولار.
* تدفع ال(١٥) ألف دولار كاش وتجيب معاك شيك ب(٢٥٠) ألف دولار (أمنِية)
* لو في كرسي ساي اتكسر فإن الربع مليون دولار لن ترد.
* عشان لما تجي تقعد في الكرسي تعمل ليهو حسابك.
* الشلاقة ما حبابا.
* نحن دخلنا شنو لما أنت تتغلب تقوم تكسر كراسينا؟
* وأوع تقول لي مباراة أول أغسطس وفتحت ليك الإستاد والكلام الما جايب حقو ده.
* تاني لما اجي أقول داير ألعب في إستادك طوالي افرض على رسوم.
* مشكلة ما في.
* لا أول أغسطس ولا السابع من يناير.
* المهم.
* لا نمل التكرار بأن مباراة الهلال أمام صن داونز خطيرة جداً.
* مباراة تحتاج لثقة وثبات.
* أتوقع أن تكون هي المباراة الأصعب بالنسبة للهلال في المجموعات.
* التركيز.
* والقوة.
* الأطراف والوسط.
*المرة الفاتت صن داونز غلبنا بالوسط والأطراف.
* نكرب وسط الملعب ونشتغل على الأطراف.
* نهاجم حتى نحافظ على دفاعنا.
* نسعى لتسجيل هدف وإذا تحقق سيكون له تأثير كبير على مجريات اللقاء.
* نتمنى التوفيق للهلال وإن شاء الله هو مؤهل لتحقيق المطلوب.
* ونركب صافنات ونجيبة (هلالابية) واصلو الزول بيموت والذكرى تفضل حية.
* و.. و..
* ويا يوم بكرة ما تسرع تخفف لي نار وجدي.