مابين رحيل كارينو النصرورحيل غارزيتو وعودة بيتوركا الاتحاد اللون الاصفر

تغريده واتساب?
بقلم : معاذ ابومؤيد✍?

مابين رحيل كارينو النصرورحيل غارزيتو وعودة بيتوركا الاتحاداللون الاصفر

تشابهت الالوان والعشق واحد اختلفت الادارات والخطاء واحد
تباعدت البلدان والمسافات والمتضرر هو الجمهور
ادارات تخطئ فتدفع الثمن جماهير الاندية
مافيا وسماسرة علي مستوى الوطن العربي يلتفون حول الادارات حتي يمتصوا دمهم
والخاسر الاكبر المشاهد والمشجع والمتفرج
رحل كارينو عن النصر السعودي فاصبح النصر من حفرة لدحديره ومن تعادل الي تعادل ومن خسارة لخسارة فاصبح النصر من بطل مهاب الي فريق مشتت الافكار
انتقلت العدوى من الرياض لجدة نفس اصحاب المصالح في المدينة الاولي مع اختلاف الاسماء وتشابه الكنية والصفات مافيا السماسرة وخميرة العكننة للادارات واصحاب الأجندة الخفية وشخصيات الزن علي الاضان ترحل الي اللون الاصفر الاخر وكبير جدة فتفعل السحر وتريق دم بيتوركا وبين ليلة وضحاها يقال المسكين وهو في جلسته الشهيرة وانبهاره واحباطه من ضياع خططه واسلوبه وهو يرى الاختلاف بين الشرح والتطبيق العملي
فتصحح وتدارك الادارة الاتحادية خطاءها فتعود الي رشدها وتعيد بيتوركا فيعيد للاصفر الجداوي بريقه قبل فوات الاوان
ويتحسرالاصفر العاصمي بعد ابتعاد الرئيس عن صوت العقل واخفاقه في اداره الملف التدريبي بسبب مفكرين السوء وناصحي الخطاء
اصر الرئيس الاول علي علاج مشكلته بسرعة وصحح الخطاء وتمادى الثاني في عناده واصراره علي رايه فكانت النتيجة كما يراها المتابع للدوريات العربية
والعدوى تنتقل عبر الاثير للمحبوب المريخ وياريتها ما انتقلت ياخي دي عدوى وحمى مابتتعالج الا باجتساس الورم المزروع فينا دا ورم مابتشال بالتحانيس
ضاع غارزيتو بسبب مكابرة بعض الناس ضاع المايسترو وخلى لينا كم لحن جاهز للغناء لكن نسوي شنو لو في الفرقة الموسيقية ناس مشاترين وبدل ينسجموا مع المايسترو حفروا ليه حفره وابعدوه والجمهور منتظر الوصلة الغنائية تفاجأ بالغاء الحفل والغاء العقد
مبررات عقيمة وفطيرة مابتجي فوق راسنا دا نفسي اعرف الناس ديل قايلننا مابنفهم ولامالعبنا كورة
ياخي نحن ونسه ساااكت اتعلمنا كورة
المهم نجي للفهم الاول وعايزين نقول ناس النصر دقسو الدقسة الصاح وشالوا كارنيو ناس الاتحاد لحقو دقستهم ورجعوا بيتوركا نحن البحصلنا شنو من دقسة الجماعة ديل
ياخي ديل دقساتهم كتيرة ومسيخة ماتنحصر المهم لحدي اسي هم مكنكشين ومخلين امر التيم لصاحبنا وصاحبنا غير الصوت العالي والبلعوم الكبير ماشفنا منو شي سفرية قطر رجع منها بعد الجولة الخامسة منتظرين سفريه مصر ونجيريا دي يرسل استقالته ان شاء الله بالواتس المهم يورينا جمال خطوات لانو الجمال الجاي ماجمال صناعي ولاجمال نصاح وعشان مايعكر مزاج الجمهور دا ياخ استقيل وريحنا والله دا ماراي براي معظم الجماهير متفقة عليه انت منتظر شنو بس ورينا وفهمنا
من جيت السنة الفاتت والفريق ماشم عافية معقولة بس ماعايز تحس زمنك فات وغنايك مات
عايز تخدم الزعيم اخدمه في اي مكان غير الادارة تعال شجع اصلو صوتك جهوري وصوت مشجعين
ويا إدارة النادي عليكم الله لو ماعارفين تطلعو قرار اعملوا استفتاء لقرارتكم عشان ماننجرح ونتعذب نحنا وانتوا ولاهاميكم
وارحمونا من سياسة مسرح الرجل الواحد
ارجعو لكل نكساتنا تلاقو السبب معروف والمتسبب منو
ختاما
الكنكشة ما سمحة في المناصب والعايز يخدم ممكن يخدم من بعيد ماضروي تكون في الواجهة

ونحن علي المدرج ونتفرج وماعجبتنا دقسة النصر في كارينيو وانبسطنا عشان الاتحاد عالج دقستو سريع سريع
والعاقبه عندنا في المسرات ونعالج دقستنا دي بعلاج كيميائي علاج من غير جلسات علاج امسكلو واقطعلو
الزبدة جمعنا اللون الاصفر في كل المدرجات نصراوية واتحادية ومريخية والادارات عذبتنا ماعايزين نكون كجمهور النصر سلبيين عايزين نكون ذي جمهور الاتحاد واعين ونساند فريقنا ونرجع غارزيتو بامر الجمهور
وعايزين قراراتنا تكون في يدنا مافي يد غيرنا
بعد دا ياشفوت مفروض نعمل خطوات تنظيم والاصوات النشاذ دي تشوف ليها بلد غير بلدنا ومجتمع غير مجتمعنا
والتخبطات الاداريه دي مابتشبهنا وماتنفع معانا
وكل قرد يطلع جبلو
وغدا لنا عوده للمنافسات الشريفه للقروبات لدعم الزعيم
في ناس ادونا دروس في حب الكيان
وفي ناس ياريتهم يحسو ويحلو من حياتنا ويتخارجو بكل هدؤ
اياك اعني يا جارة واللبيب بالإشارة يفهم