مجادعات شعرية هلاريخيه بمناسبه مباراة المريخ وبايرن ميونخ

محمد مستكاوي
الخميس يوم تسعة من يناير . . .
الضيق منتشر والسوق مكشر وفاير . . .
المريخ هناك حايلاقي تيم الباير . . .
الطف ياكريم خليهو يظهر ناير . . .

Mohamed El-omda
يا ربي استر.. الليله راسي مطوبر..
الوالي القرش في جيبو قال يتبوبر..
شالنا من دوري الحمام ناس كوبر..
ودانا لميونخ..ياوالي ليه تتشوبر؟

محمد مستكاوي
سبعة خفيفة بس . . . ان شاء الله عاد ماتزيد
جربناها تب الماضي ماهو بعيد . . . شاحدين الكريم يدينا عهد جديد
يرفع راسنا فوق . . . حاضرنا يبقي سعيد

Hatim Alhawashabi
يامحمد اخوي ، اديها ليك معلومه
ماأصلو المحال، تفاحه تشبه دومه
الخبر الأكيد، نجمة جمال مهزومه
قال ريبري الحريف بِقابلو ود الزومه

محمد مستكاوي
ود
مجذوب أخوي خلي الكلام بي همسة . . .
البايرن خطير والكورة سرعة ولمسة . .
.نحنا بنجتهد خليها تصبح وتمسي . . .
بي قدرة كريم ماأظن نفوت الخمسة . . .

Hatim Alhawashabi
يا محمد اخوي خلو الطموح معقول
واليكم دا طايش واصلو ما مسئول
يبعزق في القروش الرايحة في المجهول
البايرن ببهدلكم بِدُق الكورة عرضِ وطول

Najy Mubarek
فى يوم الخمس بى قدرتك اقدر يالطيف.
. . . .ما طلبين غلب طالبين بس التخفييف. . . . .
عشان مويه عيونا وعشاان الشلاقه تقيف. . . . .
البايرن خطييييير وجمهورنا قلبو رهيف…

معتصم الفاضلابي
في يوم تسعة بنشوف الضرب اون لاين
مريخ الدوحة نايم عديل مو باين
شوارع النجمة فاضيةوالكل عليها بعاين
شاشة التلفزة ظاهر عليها الناين

محمد مستكاوي
نحنا مع التفاؤل من بداية العام .

. تيمنا مع الكبار لو قلتو نحنا حمام . . .

ياحاتم دحين خليك محلي دوام . . .

من بطل الكفر . . لو نلنا دستة تمام

Ahmed Magzoub
يا مستك أخوي ليس الأسد كالضبعة
والمريخ دوام من برة ماخد لبعة
معروف من زمان عندو المهازل طبعة
والخوف النتيجة الليلة توصل سبعة

محمد مستكاوي
سبعة خفيفة بس . . . ان شاء الله عاد ماتزيد
. . .جربناها تب الماضي ماهو بعيد . . . شاحدين الكريم يدينا عهد جديد .
. .يرفع راسنا فوق . . . حاضرنا يبقي سعيد

Ahmed Magzoub
قالو العالمي وزادو الحكاية توابل
اقعدو صرحو وبكرة بتشوفو قنابل
بتوقع تكون عشراية دون مقابل
احسب ساي وعد يا عبدو يا ود قابل