مجلس التدمير ارجع لوراء وابرمة والديون حتخلينا قاعدين في السهلة
تغريدة واتساب
بقلم : معاذ ابومؤيد
مجلس التدمير ارجع لوراء وابرمة
والديون حتخلينا قاعدين في السهلة
كل مانقول نلتف حول الكيان تجيك جلطه من لجنة الرماد !!!
معقولة لكن ؟؟
طلبناكم ترجعونا مكان استلمتونا
مش ترجعونا الي نقطة الصفر!!!
استلمتونا وعندنا تيم ومدرب قدير
عاد دا كلام ؟؟؟
جماهير المريخ لكم الله
مافي جديد تدمير في تدمير بامر السيد الوزير!!!!
غايتو الي كان الوزير عندو تار بايت معانا؟؟
اصلوا دا ماطبيعي
ياوزير والله المريخ فريق سوداني
ارحمنا يرحمك من في السماء
ويالجنة التدمير انتو متاكدين انو عندكم رغبة في تسيير وتنظيم
ولامزيد من التدمير؟؟؟
ربنا يرحمنا من عندو
مزيد من السكتات القلبية
ومزيد من ارتفاع الامراض المزمنة سكري وضغط
لك الله يامريخ البطولات
لك الله يامريخ السعد
لك الله يامريخ مانديلا
لك الله يامريخ الشعب
حقنا وحق الجماهير المكلومة دي عند عزيز مقتدر،،،،،
••••••••••••••••••••••••••
السؤال المطروح الان؟؟؟
كل شي عندنا الا وقت الزنقة
تسجيلات
معسكرات
علاج مصابين
عضوية
انتخابات
كلو زنقة زنقة!!!
مؤسسية مافي خالص
شختك بختك!!!!
كل شي الناس تكتشفوا فجاءة!!!
التدريبات من يوم السبت فجاءة تم اكتشاف مافي مدرب؟؟؟
التدريبات شغالة فجاءة تم اكتشاف مصابين ؟؟؟
تسعة شهور تجهيز لانتخابات وعضوية؟؟؟؟
فجاءة كدى تم اكتشاف مروي تصلح للمعسكرات ؟؟؟
مروي دي من زمان ماعاجباكم؟؟؟
مصر الخرطوم وبالعودة كملتو فيها القروش وكنبتو !!!!
ولا خلاص تجارتكم خلصت مع مصر؟؟
ركبتونا الديون وقعدتوا تتلفتوا زي سواقين الركشة!!!
تاني نلاقيكم نكورك ركشة ركشة اكيد حتتلفتوا،،،،،
اسواء مجلس واتعس فترة فترتكم !!!
يحلنا منكم الحلة بلة
ممكن سؤال؟؟؟
الاحساس دا اصلا مامقسوم ليكم لا انتوا لا الوزير؟؟؟
••••••••••••••••••••••••••
برهان ومحسن
وين الخواجة الاسمر
مالوا عيبو شنو
مش من ابناء النادي
ولا عشان واضح ويرفض تدخلاتكم وانوفكم في التدريبات !!!
عشان كلاموا حار
عشان بيطالب بالمال
حقوا ولا ماحقوا
عايزين تتفسحوا وكلكم تكونوا جالسين في الدكة!!!
راح جون سينا واتوقف جون سينا
وجانا راعي الحلبة WWE
غايتوا الله يجازي الكان السبب
الله معاك يامريخ
•••••••••••••••••••••••••
مسك الختام
مسلسلات رمضان ابتدت في المريخ قبل ماتبداء في قناة السودان
تشاهدون في الحلقات القادمة
لوك ايمال يشتكي المريخ ويطالب بحقوقة الي الفيفا!!!
كريم الحسن يشتكي في الفيفا!!!
علي جعفر ينتظر وصول ونسي للشيك الشخصي !!!
تمرد محترفي المريخ!!!
برهان ومحسن يلجئون الي اللاعب المحلي!!!
انتخابات تؤجل بسبب الطعون!!!
الوزير في عمرة رمضان وتمديد لي لجنة ونسي والاخوان!!!
والباقي تمو خيال
ومامعروف يعيش البطل ام يموت في آخر الحلقات!!!
••••••••••••••••••••••••••
ونحن علي المدرج ندعم ونشجع ونتفرج
الايام الجاية راجيانا جنس فرجة وجنس شتل
وتشجيعنا مامعروف في رمضان دا يكون عندنا حيل
غايتو التسيير عملت للناس بروفة كويسة لرمضان
صيام وسهر ومسلسلات!!!!!
كلها مع لجنة التدمير
مع لجنة التدمير مش حتقدر تغمض عينيك
اصبحنا بيئة جاذبة للشتل
وعيون الشفوت الحقيقين ورمت بالسهر!!!
••••••••••••••••••••••••••
همسة اخيرة
علي الجمعية العمومية مراجعة الميزانية العمومية قبل مراجعة كشوفات العضوية وعكسها للاعلام؟؟
مطلوب طرح كل الديون للجماهير
كان جنية ولا مية مليار جنية
الجمهور له الحق في معرفة كل التفاصيل المالية بعد مساهمتهم في النفرات ودعم النادي بالمال!!
رسالتنا للمفوضية وناس الجمعية العمومية ومجلس الشوري،،،،
الديون لاذم تكشف للجمهور ومين تسبب فيها ؟؟
حنظل نكتب ونشرح للجمهور عن الديون الي ان تكشف!!!
لن نتوقف عن المطالبة بكشف الديون والمتورطين فيها بالاسم والمبالغ!!!
••••••••••••••••••••••••••
خارج النص
اعلان اعتصام اولتراس اولمبيوس مونس في نادي المريخ منذ ليلة امس،،،
الالتراس تدخل الصراع الان
اكثر من اربعون شخص يتوسدون الهواء الطلق في نادي المريخ يلتحفون بنجيلة النادي!!!
ثم ماذا بعد الاخوة في لجنة التدمير؟؟؟
اولمبيس رفعوا طلباتهم الي الوزير قبل تنفيذ الاعتصام
ماذا يكشف غدا للمريخ؟؟؟
منذ التمديد الاول لي لجنة التدمير نادينا وطلبنا وترجينا ولاحياة لمن تنادي!!
الان يحدث كل مانوهنا الية
التاريخ لن يغتفر لنا مواقفنا تجاه نادينا
نحن من تسببنا في ذلك بقبولا منذ الوهلة الاولي بلجنة بعيدة عن المجال الرياضي!!!
القادم لايبشر بالخير
والالتراس دخلوا الخط
ربنا يعين الجميع علي مقبل الايام
وشكلو رمضان لجماهير المريخ حيكون رمضانين!!!
غدا لنا عودة وتفاصيل
وقضية احمد بيتر طبعا لاجديد
لنا عودة لها في مقبل الايام،،،،
••••••••••••••••••••••••••
••••••••••••••••••••••••••
تغريدة مرورية
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع
الطريق ملك للجميع فلاتفتكر انه ملكك وحدك وتقعد تشتم في خلق الله،،،
طول بالك من اجل عيالك
تزكر دائما
ان اسرتك وعيالك في انتظارك
••••••••••••••••••••••••••
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية……..
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
====================