مشاكل فنية تؤدي الي فشل قناة النيلين في بث مباراة الهلال والفهود
تسببت بعض المشاكل الفنية الي فشل قناة النيلين الرياضية الي نقل مباراة الهلال والامل عطبرة في الدوري الممتاز التي جرت في أرض الاخير .. حيث تسببت المشاكل الفنية الي عدم رفع شارة البث لنقل المباراة علي الهواء مباشرة واضطرت القناة الاكتفاء بتسجيلها فقط وبثها في وقت لاحق.
ياناس النيلين رفعتو ضغطنا بصعوبة نصل لقناتكم ولانجد الكور منقولة عليكم الله خليكم حضاريين واعتزروا فقط مافي حد دافع ليكم حاجة لكن الاصول تورونا انكم ماناقلين الكورة
اي لغة هذه يا كاتب الخبر . . تمعن جيدا في صياغة الخبر (سببت بعض المشاكل الفنية “الي” فشل قناة النيلين الرياضية “الي” نقل مباراة الهلال والامل عطبرة). هل استخدام حرف الجر “الى” في الموقعين صحيح؟
أرجو من المراسلين شيئ من الاجتهاد عند الكتابة.
قناة وسخ مدام ما بتقدر على النقل محشرة نفسها ليه ورافعة ضغطنا
القناة تستحق الكرت الاحمر
اعتقد القصد معاقبه الامل والهلال وعدم النقل مقصود و مع العشوائيه في كل شيئ في السودان وعدم الاستعداد وتجريب البث قبل وفت كافي للتاكد من عمل الاجهزه وعدم ادعاء المفاجاه هناك عشوائيه وسبهلليه دا السوداني لايجيد الاعداد لشيئ ولكني ارجح نظريه التشفي والعقاب للامل والهلال
لقد كتبنا أكثر من مرة أن هذه القناة لا تصلح مطلقاً لنقل دوري الثالثة نهايك عن دوري السودان .. أسوأ تصوير وبث على الإطلاق .. أنا ما عارف الاتحاد العاجبه في القناة دي شنو ؟.. أعتقد الكل عارفل .. وهو ده حال الرياضه بالسودان .. قال عاوزين يجيبوا بطولات ..