ناقصة قون
في السلك
بابكر سلك
ناقصة قون
*بحمد الله وفضله انتصرنا على إينمبا بثلاثية تيراوية رائعة
*وفي عمود أمس لو تتذكروا قلت ليكم
*لو بكري ضو القبيلة لعب اتفرجوا على تيري
*ولم يخذلني تيري
*تيري الذي عاشرته أيام تلك المحاكمات
*لما الناس كان بتحكم عليهو غلط
*لما بعض الناس رفضت مجرد وقوفنا معه
*ها هم اليوم ينتشون بتيري وينفشون ريشهم فخرا بأهداف تيري
*وتيري في كل الأحوال ولدنا
*ولسسسه
*القادم أحلى يا تيري
*يا هداف أفريقيا بأربعة أهداف حتى الآن
*المهم
*نقل المبارة كان رائعا جدا
*وديكور الأستوديو حدث
*وتحية إعجاب لتلفزيون الخرطوم
*بعد كده أي قناة دايره تنقل
*يا بمستوى تلفزيون الخرطوم
*يابلاش
*أيها الناس
*الأولاد جميعهم كانوا رائعين
*انضبطوا تكتيكيا بدرجة عالية
*قد يكون بعضنا وللإنفعال يرى غير ذلك
*لكن راجعوا الشريط
*وراجعوا التلاتة أهداف الملعوبة
*واقرأوا ما بين سطور جمل التكتيك
*حا تكتشفوا أن للمريخ مدرب رائع ولاعب منضبط تكتيكيا
*أيها الناس
*نصر كبير ولكنه مجرد خطوة نحو التأهل
*لذا ما ننوم في العسل
*ونتوقع أي شئ من الإخوة في نيجيريا
*بدءا من ألاعيب الحكام ومرورا بنتائج فحص الكورونا
*عشان كده لو في طريقة نسفر التيم كلو بمراحلو السنية
*ونتحسب لأي شيء
*حتى السفر وميقاتو مفروض يكون فوقو مهلة كافية
*ده كلو كي نتخطى فريق كبير له شرف الوجود على لوح الشرف الأفريقي زينا
*وفريق داخل التنافس الأفريقي كبطل لبلدو
*ما زي الأشانتي الجا خامس الدوري في بلدو
*ومثل بلدو لأنو عندو الرخصة والأربعة القدامو بوكو ساي
*رخصة ما عندهم
*الأشانتي ذاتو السنة دي داخل التنافس الأفريقي بوكو
*ورق بطولة بلدو ما عندو
*لكنه المسار العجيب (الشطة)
*المهم
*المريخ بفضل الله نار منقد يا صديقي حسن محجوب
*المريخ يدوش، ورا تمبش، في النص التش، وقدام يلبش
*ولو تماسكنا
*حتما ستلتقي قلوبنا وأفكارنا ونوايانا الحسنة
*وإذا التقت قلوبنا وأفكارنا ونوايانا الحسنة
*أكيد حا نتلاقى في المطار رغم الكورونا
*تحية كبيرة لكل من ساهم في النصر الكبير
*واشتقنا للمطار
*المهم
*الناس في المريخ تعد نفسها للإنتخابات
*وتكبر في كيمانها
*عندي واحد صاحبي حكيت ليهو قصة حصلت لي قام حكاها لي
* قال لي الريس جيمي رفض للمقربين منه الترشح لرئاسة المريخ لأنو داير يجي الاتحاد
*وتبقى خدماتو الجليلة للبلد ما لفريق واحد
*قلت ليهو مكسب للاتحاد طبعا
*الرجل خبراتو في العمل الإداري الرياضي كبيرة
*ومجهوداته مقدرة
*لكن إذا جا الاتحاد حا يجيب معاهو منووووووووو؟
*صاحبي قال لي مع ناس يا ريس جيبني معاك ديل القصة بتجوط
*لكن أحكي لي قصة حصلت ليك حكاها ليك واحد صاحبك عشان أحكيها ليك
*يمكن ما نقع من السقالة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا
*في الحتة دي زي في لعب علينا
*مكون من مكونات الثورة وشريك حسب قولكم لينا
*بتتكون إداراتو الداخلية بأوامر من الجماعة وتكليف لناسهم المعروفين لدينا
* وتعيين الما بغبونا
سلك كهربا
ننساك كيف والكلب قال تبقى اتعملت فينا… .وحك أضانو برجلو الورا وجرى جريا جريااااااا
وإلى لقاء.
لازلت في ضلالك القديم ياعمك تنقو. واصل بالهلوسة بروائح المطار حتي يحدث لك ماحدث من ساماتا هل تذكر عندما علقت انا علي ذلك وقلت لك يسهل تنفيسكم عندما تنتفخون والان اري رؤوسا قد اينعت وحان قطافها واستعدوا للتنفيس الكبيس!!
ياجماعة باسالوكم من الخير وين محمد سعيد الى قال صحفى وقال اية وعاوز يضع راس مع راس العمدة دكتور مزمل وبكتب كلام فارغ عن المريخ وان المريخ مشرف الكنفدرالية ياخ انت مالك والمريخ . ماتزعل انا بتوسط ليك عند الدكتور مزمل يخليك رئيس تحرير الصدى
ارنق اللي سخرت منه رد عليك يا عمك تنقو عمليا واثبت بأنه احد افضل المدافعين في البلد. اما حكاية التقليل من الاشانتي كوتكو لمجرد انو الهلال فاز عليه في ارضه فهذه محاولة رخيصة وما غريبة تصدر منك. القضية مش انك تفوز في بلدك المهم انك تفوز في ارض الخصم. بإمكاننا ان نقول ليك يا عمك تنقو ورونا شطارتكم بعد انتهاء مباراة العودة في نيجيريا لكننا ننظر للسودان كوطن. كما ذكر الاخ الكريم هجام انك ما زلت وستظل في ضلالك القديم تهضرب ليل ونهار. انت فزت في ارضك ونحن فزنا على الخصم وفي ارضه ولن تستطيع ان تقنع احد في الكرة الارضية بإنو الاشانتي فريق ضعيف والا لما مثل غانا اللي تعتبر من اميز المنتخبات على مستوى القارة. يسلم عليك ارنق يا عملك تنقو.
*حتما ستلتقي قلوبنا وأفكارنا ونوايانا الحسنة …..!!
دي ياتو نوايا الحسنة يا عمك تنقو العند الدلاقين الحاقدين ؟ بتبخسوا في إنتصار الهلال وإنتوا فزتوا على فريق أنيميا ؟ أنا خايف النوايا السيئة ترجع ليكم بكوابيس وتدحرجكم للكونفدرالية ثم الجعرانية وتخليكم مبهوتين، عشان كدة ركزوا في ورقكم وسيبكم من وجع القلب الحا يجيبوا ليكم الهلال سيد البلد أبزرد وكبيرها الأوحد !!
عمك تنقو اليوم فرحان
بطبل وينفخ في النيران
قال التيم بالحيل كسبان
فرح أهلنا والجيران
غلب لأنيمبا في أمدرمان
وربنا يلطف يا إخوان
نحصن تيمنا بالأقوان
عشان ما نجدد الأحزان
مافي فريق يا حبان
بيغلب لفريقنا الدلقان
جاب الراديو والسخان
وجاب في المبخر بخور تيمان
عاوز يشوف تيري الفنان
كيفن جابن الأقوان
فجأة اشتعلت النيران
والجيران شافوا الدخان
تنقو وقع دايخ غمران
جروا بيهو حوادث أمدرمان
😆😆😆
يادوب مريخكم بتاع مانديلا عمل خطوة
تاهل للمرة التانية في تاريخه لمجموعات
كبار افريقيا … وانت جاي تبخس انتصار الهلال
الدخل 3 اندية صحبة راكب في منافسات افريقيا.
نحن مبسوطين جدا بقا ليكم امل قوي تخشوا
مجموعات عشان نشوف ح تعملوا شنو
بناس المتهور و الكيشة و الرجافة بدون ذكر
اسماء عشان ما نحبطهم.
ابو 20 عامل ليكم وجع راس والعجب والرشيد ورطوهم بالتعصب الاعمى وكمان مدخلين عساكر في الموضوع.
* تنظر كمان في كوتوكو … بندل يونايتد
درجة تانية بتاع كاسكم كيف و وينو هسة؟.