نتيجة غير عادلة
في السلك
نتيجة غير عادلة
*نتيجة الامس بيننا ورابطة كوستي ماكانت عادلة
*من واقع اي شي
*بداية من الجمهور علي المدرجات
*الرابطة جمهورها كان حضورا انيقا ومشرفا ومشجعا بقوة
*،جمهور ترك الميديا والخلاف والاختلاف وقام بدوره كاملا
*دورو تشجيع يشجع وبس
*الاداري يقوم بواجبو
*الجهاز الفني مرتاح من كترت النقد واجراء الحوارات
*لاعبون يبحثون عن المجد
*ولاعبينا كانوا يبحثون عن التعادل
*كل مايحدث بالمريخ من تكتلات وتدخلات ومحاولات السيطرة علي الكيان ونبذ الآخر
*سيقودنا للدوري الوسيط
*لم تكن النتيجة عادلة
*لانو ناس الرابطة لو ختوا الرحمن في قلبهم
*كان تصدروا الدوري بفارق الاهداف
*السماني ورمضان ماظنيت انهم عارفين روحهم في الميدان
*كانا خصما كبيرا
*وقصة السماني تحير
*يغيب علي كيفو ويظهر علي كيفو
*وكأنه يقول لنا
*علي كيفي اضفر ضفيرتي او لا اضفرها علي كيفي
*السماني ده يمشي بيتهم يجينا يوم كورة الهلال
*لانها الكورة الوحيدة البجيب فيها قون
*اما رمضان
*بقي في العشرة الاواخر ودخل العضم
*ايها الناس
*طالما كان اي اداري عامل ليهو شلة من المشجعين الذين يتدخلون في كل كبيرة وصغيرة
*يبقي المريخ ده اصبح فريق حله ساي
*حتي ناس الاعداد البدني(الزادوا ليهم رواتبهم) ماعندهم شغل ظاهر
*ناس الرابطة تسيدوا الملعب سرعة وانتشار ولياقة ذهنية وبدنية
*وناسنا فاقدين لخمة النفس
*ولسه
*العشوائية والالتفاف علي الامور سيعرفنا الطفا النور منو
*ماكنا نستحق غير الهزيمة بذلك الاداء السئ وذلك الاصرار المفقود
*واذا عدنا لارشيف التسجيلات
*لن نجد منه اسما علي ارض الواقع
*فنحن نشتري من المولات كيلو الموز بالفين
*قشرة كدة
*وموز مسيخ وممصمص
*ورابطة كوستي اشترت من درداقات سوق الله اكبر ده
*تلاته كيلو بالف
*طاعمات وسمحات ونجيضات
*لن يعود مريخنا
*مالم نعد للتخصص وتقسيم العمل
*ابعاد مجلس الادارة عن اي مكون جماهيري او شللية اعلامية وصحوبية
*محاسبة اللاعبين علي الاداء
*ان نعود للمدرجات كمشجعين
*فعباءة القطب التي يرتديها المشجعين لاتليق اطلاقا بهم
*ونجومية الاداري او اللاعب ستخبو اذا كان في متناول اليد ويتناول البوش مع الجماعة ديك ليلا علي تربيزة الشلة
*بالامس نستاهل الهزيمة ونص وخمسة
*فريق بتلاته رؤساء ومافيهو ولاراس حربة!!!!
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*امس غير الدباسين ماكان في كبري قافل علينا
سلك كهربا
ننساك كيف والكلب قال كلها شهرين وبحري تبقي دولة وكذلك امدرمان يامان
والي لقاء
سلك
انا هلالابي كلام سلك في السليم ولو كانت الاقلام المريخية كدا من زمان كانت تكون افضل وساعدت التيم
ما قلت الا الحق استاذ سلك. المريخ حالته تصعب على الكافر. دي نتيجة الصراعات واهتمام الاعلام المريخي بالهلال بدلا من الالتفات للفريق ولمشاكله. وسوف تستمر معاناة المريخ صاحب التاريخ والند التقليدي اذا لم يتكاتف كل المريخاب. نحن كهلالاب لا يعجبنا شكل المريخ ولا الحالة اللي بمر بيها لان في قوة المريخ قوة للهلال.
ههههههه قلته لي ياسلك المريخ اصبح فريق حله ساي
مشكلتكم في الكهنوت المسيطر على المرخرخ ويبدل في الرؤساء ذي غطاية الحلة، ومافي واحد فيكم قادر يقول ليه أرفع يدك وسيب شناة الطبع دي…..!!
في وجود هذا الكاهن لن يستقيم حال المرخرخ ولو ترأسه محمد بن سلمان….!!
إسقطوا هبل يستقيم وضعكم !!
نعم ..كل مازكرتة صحيح …وانحنا كهلالاب ..وانا شخصيا….محيرني العروب ..الجاء الخرطوم كبييير ….وكان لاعب كرة طايرة قالو …حسب قول ..عمك .ود……وعامل فيها يامريخ مافيك الا انا ….لو ما ..وضعتو حد للمنفوخ دة ما بتقوم ليكم قايمة …ومعاهو .اخ تاني زيو .. …سايقو معاهو اسمو …..حاجة كدة الجاك ….دة برضو …زول الله ساكت ..غايتو …الله المستعان
اكيد ح تلقي بني زرقان يتركو العمود وكاتبه ويهاجمو دكتور الصحافة الرياضية لأنهم معشعش في عقولهم
ياحبيبنا مريخك دا تاني مابرجع الا يرجعوا الكيزان ..زمان قلنا ليكم فريق حكومه وهسي البلد مافيها حكومه نوموا ساااي لما تجي حكومه بنصحيكم