نجمة قناة قوون ذكريات محمد حامد في حديث الصراحة والوضوح:

نجمة قناة قوون ذكريات محمد حامد في حديث الصراحة والوضوح:
لا توجد في السودان مذيعة أغير منها .. وأعشق ميسون عبد
النبي
ملهمتي إسراء زين العابدين … وفي قراءة الأخبار عمر الجزلي
انا أرى نفسي في قناة العربية أو اسكاي نيوز وهذه طموحاتي

كورة سودانية : ايمن عبدالله
: لا تبدو في الحقيقة كما هو الحال على الشاشة حيث الحزم والكاريزما فعلى الواقع هي سيدة رقيقة وهادئة وممتلئة بالخجل، لا تعير ملامحها الجميلة وقوامه الفارع كثير إهتمام ولا تعترف بها وتقر أنها لم تستخدمها قط في الدخول لعوالم التلفزيون.سودانية بكل التفاصيل،تهتم بعملها واسرتها وتعليقاتهم، وترى في زوجها مثال نادر للرجل المحب والمضحي من أجل الآخر في حياته

. كنا معها في حوار هادئ ورقيق كحالها لكنه لم يخلو من السخونة والصراحة ولمس بعض اماكن الخطر في فهم المجتمع والوسط
الإعلامي
بطاقة تعريفية
انا ذكريات محمد حامد بخيت .. من مدينة كركوج ولاية سنار .. درست الأساس والثانوي في كركوج .. ثم إلتحقت بجامعة ام درمان الاسلامية كلية الإعلام قسم الإذاعة والتلفزيون .. قبل ما أتخرج من الجامعة كنت بتدرب في التلفزيون- المكان الذي تسكنه ذكريات
الاسرة والاعلام
اولاً أنا متزوجة من إبن خالتي .. انا اكبر زول في البيت .. نحن ثماني بنات .. وطبعاً اسياد البيت أمي وابوي. ضحكت وعلقت ( قول العلاقة بالاعلام قبل ما ادخل الجامعة انا من في المدرسة كنت دائما اشارك في البرامج بعد وبكتب وبقدم برامج كتيرة .. اشتركت في دورة مدرسية واحدة.. يعني من صغيرة بحب مجال الاعلام عموماً ..
واتمنيت ادرس اعلام واتخرج واتخصص فيهو. – واضافت :قررت ولوج العمل التلفزيوني ..؟ : ناس البيت شجعوني كتير ادخل مجال الإعلام مجال واسع وفيهو كل الفئات والشرائح هو فيهو مشاكل الواحد لابد ان يكون عارف وملم بالحاجات البتحصل فيهو .. ويقدر يحافظ علي نفسو ويصل ويحقق طموحاتو. – رأي الوالد بالتحديد
هل واجهتك صعوبة خاصة وانتي بت ريف!!
قالت ذكريات الوالد من الناس المشجعين من بدري جداً للعمل في مجال الإعلام .. ويمكن الإتنين هم الوالد والوالدة من انا صغيرة كانوا بقولو لي لازم تقري إعلام وهم الحببوني فيهو .. وكان بخلوني اتابع المذيعين وبشجعوني وبقولو لي لازم تبقي زولة مميزة طالما إنك بتحبي الحاجة دي ..
من هو الملهم لذكريات لولوج هذه العوالم !!
..؟ : والله في ناس كتار كانوا محرضين لي عشان اشتغل ..الاساتذة اسراء زين العابدين في الإذاعة بحب تقديمة وطريقة أداءها .. عمر الجزلي في قراءة الاخبار ..وناس كتااااار تانيين. –
ماهوالفرق بين العملين الإذاعي والتلفزيوني !!
..باعتبار انك عملت في الاثنين؟ :
فترة عملي في الاذعة كانت مجرد تدريب بتمنى اكون شغالة طوالي لانها بتثقف الزول وبتصقل موهبتو ..وللأسف اني ما واصلت فيهو وانتقلت للعمل التلفزيوني ..وبرغم الاختلاف لكن نحن بنقول الاتنين مكملات لبعض. والعمل التلفزيوني ممكن نقول لحد ما مقيد بتطلب حاجات معينة .. وبعتمد على الصورة بس وربما الصوت لكن ما كتير
أول ظهور مرئ لذكريات متى كان ..؟
: اول ظهور لي في التلفزيون كان على شاشة تلفزيون الخرطوم استطلاعات حول قضية انفصال جنوب السودان .. وكنت بدرس الجامعة لسة وتحديدا في العام 2009م. – هناك اتهام لكل المذيعات السودانيات بلا استثناء ثقافتهم ضحلة ما رايك ..؟
: نحن ما بنقول مافي مذيعات ثقافتهم ضحلة لكن هذا مقياس غير صحيح .. ونحن شغالين بنظرية الشر يعم لكن لو بحثنا بعمق بنلقى في مذيعات مثقفات كتير جداً ..ولو بحثنا بعمق بنلقى مذيعات على اعلى درجة من الثقافة والوعي. – وهناك اتهام آخر عن أن المذيعات السودانيات على مستى الازياء والاكسسوار ضعيفين جداً من بقية المذيعات في القنوات العالمية.
: هو طبعا الاهتمام بالمظهر من ضروريات العمل التلفزيوني لكن كمان نحن بنهتم بالفكرة والموضوع والمادة المقدمة عشان نجذب المشاهد ونقدم مادة اكثر فائدة للمشاهد. – وأتهام ثالث عن إن المذيعات السودانيات يجهلن تماماً ثقافة الازياء..؟ : ثقافة الازياء او الالوان عموماً ما موجودة في السودان كثيرا ًوالمفروض الإعلاميين يكونوا ملمين بيها عشان هم قادة مجتمع ..وبعدين نحن زاتو ما عارفين نلبس كويس تقولو راسكم فاضي وبتهتموا بشكلكم نهتم بالثقافة تقولو ما بتعرفوا تلبسوا
!- مَن هي المذيعة التي تغار منها ذكريات على المستوى المهني
انا لا اغير من احد لكن في مذيعات كتار في جيلي جميلين زي ميسون عبد النبي انا بنتظره عشان بحبها وبعشق برامجه البتقدمه.
– من هو المذيع رقم واحد في السودان على مستوى المذيعين والمذيعات ..؟ : والله انا ما بقدر اعدد لكن في مذيعين هم “تووب” ببرامجهم وشغلهم ..لكن اذا سالت عن مذيعة في خاطر ذكريات فبالتاكيد بنات المغربي (هيام وليلى) واتمنى اكون مثلهن –
طموح المذيعة السوداني لا يتعدى المحلية
…؟ : انا شخصياً اتمنى ان اصل للعالمية خارج اطار المحلية .. الجزيرة .. العربية .. إسكاي نيوز. وصراحة عندنا هنا الاعلام هنا فيهو وساطات وتداخل علاقات وده الخلى الإعلام يتدهور دخول اعلاميين ممتهنين ما قارين إعلام .. والمفروض اي قناة او مؤسسة اعلامية تاخد المتخصصين. – في الخاص جداً هل غيرت النجومية في
ذكريات ..؟
: انا ضد الحاجة دي خلينا من النجومية وكده انت لازم تكون عندك ادوار تكاملية في البيت وفي السودان لو ما اتواضعت بتكون زول ما محبوب .. قاطعتها .. يعني انت هسي بتغسلي العدة وبتطبخي .. ضحكت بلطف وواصلت .. : انا من زمان ما قاعدة اغسل العدة والله لكن والله انا بشتغل في البيت وبعمل حاجات كتيرة بيتية – هل اثرت النجومية في علاقتك الزوجية .. الاتفاق الارتباط تكوين اسرة..؟
: ما اثرت نحن متفقين ومتفاهمين على إنو ده عملي حتى في فترة الخطوبة كنت ببطلع بمشي دورات تدريبية وبجي متأخرة بجي بسوقني هو او بوديني .. زول متفهم وواعي جداً وبيناتنا ثقة كبيرة لا تحدها حدود وانا اقدر جداً تفهمه وثقتو فيني دي. – ذكريات إذا خيرت بين البيت والعمل ..؟ : أنا لا اتوقع الدخول في هذه المفاضلة لكين انا ما بتخيل نفسي بدون العمل الإعلامي .. ولا بتمنى اتخت يوم في وضع زي ده
اخيراً ماذا تقول ذكريات .
.؟ : الشكر أجزله لصحيفة كورة سودانية على هذه المساحة المقدرة التي وفرتها لي .. والشكر لكل الذين ساندوني في حياتي المهنية والعملية.. محمد الأكرم عبيد .. استاذ محمد الأمين دياب. وشكر خاص عبر هذه المساحة لزوجي (عمر ياسين) على تحمله الكبيرهو زول طيب ومحترم وفاهم لانو والله ما أظن في زول غيرو ممكن يتحملني قدر ما تحمل هو وأنا بعترف ليهو بالجميل الكبير