نفرتين في نفس اليوم تجلب دينارات والكلام علي بند المنصرفات،،،
تغريدة واتساب
بقلم : معاذ ابومؤيد
نفرتين في نفس اليوم تجلب دينارات
والكلام علي بند المنصرفات،،،
اولا جمعة مباركة
وربنا يتقبل منكم صالح الاعمال
اليوم الطويل خلص
والناس اجتهدت ونالت تعب اجتهادها
لكن!!!!!!!!!!!
هل سيتوظف الدعم دا في مكانو الصاح ؟؟
ولا باكر حيطلع لينا صوت صياح
وواحد يقول حقي راح!!
يعني المبلغ لاذم يستغل ويتوظف في مصلحة الكيان ،،
لانو نفرة القصر دي بالذات ماشهريا ممكن تكون من عام لي عام يعني ماتنوموا علي العسل وتقولوا انفتح ليكم باب!!
المهم توزيع الموارد في مصلحة المريخ الكيان،،،
••••••••••••••••••••••••••
شكرا لكل زول شارك في نفرات المريخ جميعا،،
نبداها من اخونا المشجع لب الي نائب رئيس الجمهورية
والله ماقصرتوا،،
وشكرا لصاحب مبادرة القصر
المهم كسب الكيان،،،،،
رسالتنا لمجلس ادارة النادي الجاي ياريت يكون عندنا اعضاء شرف داعمين ،،
ناس يكون عندهم دعم سنوي مقابل اشراكهم في الراي وفتح المقصورة لهم طول العام ،،
يعني كل صغيرة وكل قرار لابد ان يمر عبر طريق الاعضاء الداعمين والمجلس يرجع ليهم في كل شي ،،،
مافي قرار يطلع من الكيان الي عن طريقهم
وحتي استقالة اي احد من الادارة لابد ان تطرح في طاولة الاعضاء الداعمين،،
وحتى المترشحين لدورات قادمة لاذم الاعضاء الداعمين يختاروهم بعناية،،،
لو لقنا عشرة رجال اعمال داعمين سنويا حالنا حيكون مختلف والله،،،
ومع السماح لشركات الداعمين ديل بالاعلان حول الاستاد لشركاتهم او منتجاتهم،،
دا مجرد اقتراح انشاء الله يلاقي طريقة للتنفيذ والنجاح ،،،
الاعوام القادمة العالم كلو حيتدهور اقتصاديا !!!
عشان كدة ماحتلاقي زول يدفع بسخاء ،،،،،
نكرب نصنا والباقي هين ،،،،
••••••••••••••••••••••••••
اها تبقي من الزمن اربعة وعشرين ساعة ونرفع التمام للعبور الي مجموعات الكونفدرالية ونستعيد ذكريات ٢٠٠٧ ،،،
انشاء الله الحظ يكون معنا هذا العام ،،،
التيفو جاهز…
والشفوت جاهزين…
واللاعبين باذن الله جاهزين
ماخلاص حيكون قبضو الضحكات والدراهم ،،،
الباقي علينا بالحضور
مانخلي اي فرقه في كل الاستاد
واكيد المتعة في شاخور
ذي مابعرفوها الي رواد شاخور
فخامة الاسم تكفي ،،،
يامشرفي القروبات لاذم تعملو وقفه مع سياسة قروبكم والقصة ماعناد ومنو الانتصر ومنو الفاز
اقعدوا مع نفسكم عشان تستعيدوا اراضيكم
كل يوم بتفقدوا اراضي جديدة
نحن لكم من الناصحين،،،،
ماحنقول الفشل لكن اسالوا نفسكم ضعف النفرة ليه !!!
اجابة السؤال تهدمكم لي قدام
••••••••••••••••••••••••••
مسك الختام
نتمنى ياناس التسيير توظيف المبلغ ومانسمع لينا شكوى قريبة
والباقي ليكم ايام بدل تحلفوا وراكم ديون سلموا البعدكم الكشف خالي من الاصابات وخالي من الديون ومقدمات العقود،،،،
يعني بالعربي وبلغة ناس الحديد صفروا العداد….
••••••••••••••••••••••••••
ونحن علي المدرج ندعم ونشجع ونتفرج
وامس فرجتنا كانت مختلفة وسهرتنا في النادي ادتنا اجمل دفعة
شكرا للقامات الشاركت
من صحافة وادارين،،،،
شكرا سلك وانت تتوسط الجماهير بعفوية جميلة
زكرتنا ايام فرقة الجو الرطب وجامعة القاهرة الفرع
والكبير دايما كبير
ودالياس كلمة شكرا لاتكفي ،،،،
شكرا اخوات سيدة فرح كلكن بدون فرز،،،،،
نتمني تحقيق امنية سلك ودخول خمسين الف شفت
الراجل دا مراهن علينا ،،،
••••••••••••••••••••••••••
همسة اخيرة
افتقدنا مريخاب خلص في نفرة القصر اسماء في حياتنا بقيادة سبدرات عسى المانع خير وغيرو كتير نتمناهم في نفرة دوري المجموعات متقدمين الصفوف باذن واحد احد بس ياشفوت كتروا من الدعوات ،،
والسبت عطلة يعني ماعندنا عزر
والمنتظرها في البيت ممكن تكون منتظر مع ناس الكهرباء جات !!!
والضحك يشرطك
شارك الشفوت من داخل المدرجات ،،،
منتظرنكم شفت شفت
••••••••••••••••••••••••••
خارج النص
المريخ كيان يجري في دمنا
والكيان كيان الجميع
المريخ مريخ الشعب والشعب هو الجمهور والجمهور جمهور المدرجات وشفوتها
امس في ناس اندرشوا جنس درش في القروبات عارفين نفسهم ،،،
وصايانا لكل قائد مركبة
اتصالك وواتسابك مهم
لكن حياتك اهم واهم
نغمة موبايلك ماتضيع حياتك وتيتم عيالك ،،،،،،،،
فتناكم عافية ونتمنى السلامة للجميع
••••••••••••••••••••••••••
