نفس الدواء لكن شركة تانية !!
بالعربي الكسيح
محمد الطيب الأمين
نفس الدواء لكن شركة تانية !!
* من البديهيات المعروفة أن العمر لا يُقاس بـ(الطول) ولا بـ(العرض) ..
* طولك وعرضك لا يعني إنك (كبير في السن) ..
* ممكن تلقى واحد عمرو (16) سنة لكن طولو (مترين وربع) ..
* عمرو (16) سنة وطولو أقصر بشوية من (عمود الكهرباء) ولكن هذا لا يعني إنه كبير في العمر..
* يعني مثلاً.. نزار حامد (ماشاء الله) طول وعُلا ، ونزار عمرو (24) سنة ولما تعاين لي طولو بتلقاهو نفس طول عمر إحساس مع إنو عمر إحساس أكبر من نزار بعشرين سنة أقل حاجة ..
* ونفس الشئ بالنسبة للناس القصار ..
* قصير بـ(طول الشافع) لكن العمر فوق الستين ..
* في مجال كرة القدم هذه النظرية موجودة أيضاً ..
* النادي الكبير يظل كبيراً والنادي الصغير يظل صغيراً حتى وإن حقق إنتصاراً على النادي الكبير ..
* زي أهلي شندي مثلاً.. الأهلي شال كأس السودان لكن الهلال أكبر من أهلي شندي بكثير ..
* الآن قانون الحياة أصبح المال ..
* والمال هو وحده الذي يجعل الكتوف تتلاحق..
* وخير مثال.. مريخ الأبيض الذي رفض إطلاق سراح المدرب فاروق جبرة للمريخ..
* مريخ الأبيض أحس بأنه تساوى في (الطول والعرض) مع مريخ العرضة ..
* مريخ التبلدي ومريخ العرضة.. الكتوف إتلاحقت ..
* إتخيل.. مريخ الأبيض يرفض إطلاق سراح مدرب للمريخ ؟؟
* لا نقلل من شأن مريخ التلبدي ولكن نقول : (حليل مريخ العرضة وحليل زمن الرغيف كان 2 بجنيه) ..
* وغايتو جنس غايتو ..
* أفضل قرار إتخذه مدرب الهلال البرازيلي هو (خوض المباريات الودية في السر) ..
* فترة الإعداد لابد أن تكون بعيدة عن أعين الإعلام والجمهور ..
* مباريات الإعداد الودية فيها كثير من الخصوصية والتجريب والفحص والنظريات، والجمهور والإعلام يريد أن يشاهد فريقاً (كاملاً) من قولت تيت ..
* أي زخم إعلامي وجماهيري في فترة الإعداد يأتي خصماً من الإعداد ..
* ركلة الجزاء التي أهدرها المهاجم البرازيلي أمام كركوج لو كان الجمهور حاضراً لأصبحت هذه الركلة المهدرة (مشكلة وعقدة) لهذا اللاعب ..
* ولكن بعيداً عن الإعلام والجمهور ستكون هذه الركلة المهدرة (عادية) وهي أصلاً عادية ..
* سيتجاوزها اللاعب بشكل سريع بل هو سيكون إتجاوزها في نفس اللحظة ..
* ولذلك إغلاق التجربة كان قراراً موفقاً ..
* الناس تصبر كلها أيام والكل يشاهد الهلال ..
* المهم ..
* من الأشياء التى يحفظها كل صيدلاني كلمة : (نفس الدواء لكن شركة تانية) ..
* لو دخلت أي صيدلية سألت من أي دواء ح يقول ليك : أي في لكن شركة تانية ..
* نفس الدواء لكن شركة تانية ..
* وأنا ما عارف الشركة التانية دي عاملة نفس الدواء ليه ؟؟
* المهم في الموضوع إنو إنجاز الجوهرة الزرقاء هو نفس الدواء لكن شركة تانية ..
* إعلام المريخ السالب قال ان الجوهرة الزرقاء نفس الرد كاسل ..
* قالوا ما في جديد ، وقالوا المريخ سبق الهلال علي الحاجة دي ..
* نقول لهم: الجوهرة الزرقاء نفس الدواء لكن شركة تانية ..
* الجوهرة من عرق جبين (رجل واحد)، والرد كاسل من عرق جبين (الحكومة) ..
* هذا بخلاف أن مقصورة إستاد المريخ الحكومي عبارة عن (مظلة) ..
* مظلة ساكت ..
* والمظلة ممكن في أقرب خريف تطير ..
* وغايتو الله يكفينا شر (المُصدي) اللمعتو الأيام ..
* قبل أيام إعتذر قورماهيا عن مقابلة الهلال ودياً..
* وأمس الأول وافق قورماهيا على مواجهة الهلال ودياً ..
* شكلو كده الجماعة ديل إستخاروا ..
* الهلال يتوجه اليوم إلى بورتسودان ونأمل أن يحقق الثغر الفوائد المرجوة بالنسبة للهلال ..
* بورتسودان ستكون فأل خير بالنسبة لهلال (2018) بإذن الله ..
* بمناسبة (2018) ..
* يواصل فريق المريخ الشهير بـ(الإصيفر) تدريباته الإعدادية بدون مهاجمين ..
* أول مرة في حياتي أشوف لي إعداد ما فيهو مهاجمين ..
* فريق بدون رأس ..
* الغريبة الفريق ما عندو (رأس) والنادي كذلك ما عندو (رأس) ..
* النادي بدون رئيس والفريق بدون هجوم ..
* دون أنياب ..
* بكري المدينة قال مصاب وسافر ..
* وبكري بعد ما يرجع من الإصابة لو ما إستلم مليار جنيه (متبقي عقد) لن ينزل أرض الملعب ..
* محمد عبد الرحمن مصاب ومتواجد في القاهرة وكراعو في الجبص ..
* المهاجم السيراليوني فوفانا مصاب وقالوا محتاج لـ(حقنة معينة) ، والحقنة لا توجد إلا في القاهرة ..
* وحتى رمضان عجب الممكن يكون (مساعد مهاجم) هو أيضاً مصاب ..
* إعداد بدون خط هجوم ..
* المهاجم الوحيد في إعداد المريخ هو محمد داوود ..
* ومحمد داوود قالوا إن المريخ سجلو عن طريق تحويل الرصيد ..
* هم قالوا كده ..
* خط هجوم المريخ في (المستشفى) ..
* خط الهجوم (عيان) ..
* والسماني خرج ولن يعود ..
* والتش مصاب ..
* ومازدا مشهور بالتلاتات ..
* والنجيلة بقت زي (وش الفنانة البعرفها أنا) ..
* وما عندهم لاعب في المنتخب الوطني ..
* ولا عندهم قناة ..
* وجمال سالم لسه ما جاء ..
* وغايتو السنة دي بالذات يا متنا من الضحك ويا كمان الضحك كتلنا ..
* ونركب صافنات ونجيبة (كاهلية) وأصلو الزول بيموت والذكرى تفضل حية ..
* و..و..
* والقلوب الحايمة حولك يا حلو بتتمنى ليك ….. تلقي رغيف في أقرب فرن .
حمل تطبيق كورة سودانية لتصفح أسرع وأسهل
لزوارنا من السودان متجر موبايل1
http://www.1mobile.com/net.koorasudan.app-2451076.html
2,456حملو التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
17756 حملو التطبيق
على متجر apkpure
https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app
على متجر facequizz
http://www.facequizz.com/android/apk/1995361/
على متجر mobogenie
https://www.mobogenie.com/download-net.koorasudan.app-3573651.html
على متجر apk-dl
http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9
على متجر apkname
https://apkname.com/ar/net.koorasudan.app