وجع الولادة
في السلك
بابكر سلك
وجع الولادة
*بعد مشيتنا ليبيا دي
*تاني النسوان مابسوقننا بالخلا
*مابتطنقعن علينا ويقشرن بوجع الولادة
*وجع الولادة ضقناهوا في ليبيا
*طلق طبيعي
*واخير انحنا
*في ناس تانيين ولدوا عديل كدة
*حارس الخصم قاعد في دائرة السنتر!
*هي الولادة دي كيف بس؟؟؟
*المهم
*هل سنخوض المجموعات بوجع ولادتنا ده؟؟؟
*اين هيلمانة الاجانب الذين استجلبهم(الجهاز الفني) ؟
*هل استجلبهم للدكة؟؟؟
*طيب لزومها شنو الفكة؟؟؟
*ايها الناس
*تتغير الوجوه ولكن لاتتغير اساليب الادارة لذا تتشابه النتائج
*وسنظل طول عمرنا نحلم بالاميرة ولن نطولها الا في النوم
*عشان كدة قلنا العضوية أم راس هي التي تلزمنا
*لانها تأتي لنا بادارات واعية طالما كانت العضوية مستنيرة
*اما العضوية بالراس
*البسوقوها بالخلا
*ويبيعوها الشمس بره
*ده العضوية البتجيب لينا اداريين علي شاكلتها
*عضوية القطيع دي او اعداء النجاح والتطور
*تحتاج لابادة جماعية
*يجب ان نبيد القطيع وراعيهو البسوقو ويبيعو ونصيب القطيع لايتعدي قولة باااااااااااع
*ايها الناس
*ننادي باستقرار المريخ والالتفاف حوله
*ونحن نلتف عليه بالكيمان التي قطعت اوصاله
*الاستقرار هو البعد عن الكيمان والانتماء للكيان
*والترفع عن الصغائر وترك الحفر ومحاربة البوكلينات
*حتي البوكلين الرجع في الصبه لحقها امات طه
*يجب ان نحاربه
*غير كدة
*سنظل في تيهنا نحلم ونحلم ولن نطال اميرة او مجرد ضفيرة علي رأس الاميرة
*المهم
*رفع معدل اللياقة البدنية
*علاج كل المصابين
*توفير المعسكر المناسب
*هي متطلبات المرحلة ومطلوبات المجموعات
*والإعداد للمجموعات يتيح له الدوري مساحة كبيرة
*ارجو ان لانسمع بطلب لتأجيل مباراة دورية بحجة الاعداد والاستعداد
*ايها الناس
*نبأ تماثل استاذنا القامة والمبدع الرائع اسماعيل حسن
*زين الميديا ورقص قلوبنا طربا
*الحمد لله علي نعمة الشفاء استاذي اسماعيل
*وبركة البقيت (تسمع الكلام) وبطلت قوة الراس
*المهم
*المطرة الجات اول امس دي فاجأني الغمام
*حيرت كل الناس وغمتتهم ليك
*بقت زي الشافع(الخلي البول في السرير)
*يومين تلاته
*اهلو بقو ينوموهو بدون بامبرز
*ورابع يوم رشاهم ليك
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الفاصل المداري وين ماعارفنو بقينا
*خليها تطمبجنا يا والينا
*يعني بقت علي المطرة ياوالينا
سلك كهربا
ننساك كيف والكلب قال كان مطرت حصو كان مطرت بلوك كلو مافارق معانا
والي لقاء
سلك
ياجماعه بكل امانه وتجرد هسي دا اسلوب زول صحفي؟! دا مثال وااضح للانهيار النحن فيه دا ..هسي انت فرقك من القونات شنو ؟
عشان كدة يا عمك تنقو ما حاتشوفوا إستقرار طالما نواياكم نحو السيد الهلال ما زالت بهذا السوء، ومن أسي بنقولها ليك، المرخرخ كالعادة حا يكون سيد أطياش طيش المجموعات، وده شئ ما غريب عليكم، ولا عجب ولا (سيما) أن يتمني الزملكاوية وقوع (عليش) الغلبان معاهم في مجموعة واحدة كهبة من السماء معاها ستة نقاط هدية 😆😆😆
أركز يا عمك تنقو وسيب الولولة والسكليبة والجقلبة الفارغة دي !!
ننساك كيف والكلب قال معقولة يا عالم يطير أهلي طرابلس ونتبلي في المجموعات بالدلقون الكحيان ؟