يامحمد احمد همتك
في السلك
بابكر سلك
يامحمد احمد همتك
*العضوية
*شرف الانتماء
*تمثل الجنسية
*او قل الرقم الوطني الذي يحفظ لك حقوقك
*ويجبر الناس علي سماع صوتك
*يامحمد احمد المريخي همتك
*عضويتك امانة في ذمتك
*وهي فرض عين لافرض كفاية
*فرض لايسقط بقيام البعض به عن الكل
*فرض يجعل كلامك مسموع ومحترم لا ورجغة ساكت
*فجمهورية المريخ الديمقراطية لاتعترف بالزول الكيري
*المشجع مكانه المدرجات ومنها للبيت
*اما العضو فكل الامكنة متاحة له ومكانه فوق الراس
*وياحلاوة العضو لما يكون من العضوية ام راس التي تفيد
*لامن العضوية بالراس التي تستفيد
*وعلي لجنة العضوية يقع العبء الاكبر
*تسهيل الاجراء وتيسييره
*سيما ولاول مرة في التاريخ وبفضل النظام الاساسي المجاز في اكتوبر ٢٠١٩ المؤكد زيادة خير في اكتوبر ٢٠٢٠
*لاول مره وبموجب ذلك النظام تخرج العضوية عن اطار الولاية التي تجبر الناس لاحضار شهادات سكن مزورة لآفاق عالمية ترفرف فيها فاردة جناحاها لكل من يرغب فيها من اهل المريخ المنتشرين في العالم كلو
*يعني بفضل هذا النظام اصبح المقيم في تكساس كالمقيم في حي الامراء
*والقاعد في طوكيو زي القاعد في شارع العرضة يحتسي الجبنة وينظر بزهو لاستاد المريخ
*وعشان كدة علي لجنة العضوية تطوير ادواتها وتيسيير الامر علي نيل العضوية
*برغم ان من ينال العضوية جديدة في الفترة الحالية لايحق له المشاركة في الجمعية الانتخابية القادمة
*لان دستور جمهورية المريخ الديمقراطية لا يعطيه ذلك الحق الا بعد ان يبلغ عمر نيله للعضوية سنة
*سنة يا انا
*مافي زول بعدين يجي يقول انا عضو واسمي سقط
*ماتميت سنة من تاريخ نيلك للعضوية جمعية انتخابيه نهي كرتا بالكل قانون كهيه
*والعضوية هي الرقم الوطني
*وعلي لجنة العضوية تنقيحها وسحب اي رقم منح علي طريقة منح حكومة البشير وزمرته للارقام الوطنية بالذات للاخوة السوريين
*قانون بالكل علي الكل
*لذا فكرة التفكيك واردة في عمل لجنة العضوية
*ايها الناس
*المريخ الآن وبفضل الدستور (الدائم)
*لايحكمه مجلس ادارة فحسب
*بل تحكم مجلس الادارة نفسه لجان انتخبتها الجمعيه لاسلطة لمجلس الادارة عليها
*بل وبعضها يستطيع ان يفرض رؤاه علي المجلس بل ويحاسبه كمان
*اسي ده دستور مفصل علي سوداكال؟؟؟؟
*المهم
*المريخ الآن في مرحلة حرجة تتطلب اسقاط كل الخلافات لاجل الوصول لحلول آنية
*وبالقانون
*انها دعوة يؤمها نفر كريم من اهل المريخ
*نثق تماما انها ستجد الاستجابة الكاملة والسريعة بقلوب راضية مرضية
*لاننا في المريخ ان اختلفنا علي الفكرة تأتلف قلوبنا محبة لبعضنا
*فهل من مجيب؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*الغريبة يا والينا
*عيش مالقينا
*جاز ما لدينا
*وعربات الشفط حايمه فينا
*من وين جبنا البنشفط ياوالينا
*ومن وين جابت عربات الشفط الجاز الحايمه بيهو فينا!!!
سلك كهربا
ننساك كيف والكلب قال سخانة الليل دي الشمس الغايبة ليها شنو؟كان تساهر معانا
والي لقاء
سلك