يانتشفتن يا نتبشتن

في السلك

بابكر سلك

يانتشفتن يا نتبشتن

*اليوم نعود لشعار التفاؤل والاصرار والنصر الكبير
*يانتشفتن يانتبشتن
*ولأنها بدون جمهور
*فهذا فأل خير لنصر يوصلنا لرتبة العميد
*سبعة نقاط بسبعة دبابير
*نلحق بصن داونز
*عمدا واصحاب اطيان
*وان كان صن يمتاز علينا بالاقدمية في الرتبة
*ولكن في الآخر كلنا عمدا
*والشفتنة اليوم تخص الجهاز الفني والجهاز الاداري المرافق واللعيبة
*لاننا كجماهير اختار لنا الاتحاد الافريقي مضمار مشاركتنا مساير في الشوارع احتفالا بالنصر وبقاء الدبورة الوحيدة علي كتف الملازم
*يجب ان لايصبح ملازم اول علي حسابنا
*وده شغل حضرة الصول(الصيني)
*مايشموها ياحضرة الصول
*ايها الناس
*نتفق علي المريخ
*ونختلف لاجله لا عليه
*ولانختلف في اصرارنا علي ان ينال المريخ اسمي الدرجات وارفع الاوسمة في اي زمان واي مكان مهما كان موقفنا من المجلس الذي يدير الكيان
*لاننا جميعا جنودا لتلك القيادة طالما المريخ يدخل معترك

*المهم
*الليلة الترقية بتاعتنا
*طابور تخريج باستاد الهلال(ابو ايجار دولار….زمن)
*الليلة لازم الاذاعة الداخلية تذيع
*الاول بيادة توني
*لانو بمشي مشي شديد خلاس
*الاول علوم عسكرية طيفور
*الاول فك وتركيب سلاح الصيني
*الاول تنشين السماني
*لازم الطلقتين الليلة يكونن في نص التخته
*القصة دروة مالعب
*ولازم الاول مظلي يكون الجزولي
*اصلو الجزولي لما يفر مظلتو دي فوق
*اعلم ان علم الزعيم يرفرف في شباك الخصوم
*جيش عديل
*لأ وايه
*جيش زمااااان
*الديش ياعمك
*فمدافع الدفاع الجوي بقيادة الفريق كرشوم نيرانها لاترحم
*ومدرعات الدفاع الارضي مستعدة
*نلعبها عسكريااااااو
*ونحتفل مدنياااااااااو

*ايها الناس
*الحصة وطن
*لذا لانتمني للهلال هزيمة الا اليوم
*ونتمني له ان ينتصر علي ابن عمي الاهلي
*فانا واخويا علي ابن عمي
*ونتمني له ان ينتصر علي صن داونز
*اذا انتصر الكورتين ديل بعمل عقيد
*بعد داك يستشهد
*هي ذاتها بتكون جميلة وليها صدي
*الشهيد العقيد
*اخير من الشهيد ملازم
*الشهيد ملازم ده بكون زي الوقع من بص الروضة
*لكن الشهيد عقيد بتكون جامدة كدة
*ايها الناس
*لما تكون الحصة وطن الهلال تومنا
*برغم أنه يلاعبنا علي طريقة توم آند جيري
*والهلال تومنا في كل الظروف افريقيا عدا يوم لقاءنا
*ببقي عندنا زي القطن تشاد
*نتمني لو نديهو اربعة
*وعند صافرة النهاية ببقي تومنا ود امنا وابونا
*ايها الاهلة
*غلبناكم خليناكم
*القصة دي يجب ان لاتقتل فيكم الوطنية وتقوموا تعملوا فتحية في الكورتين الفضلن ليكم
*اسي لو لاقدر الله طرنا معاكم
*استادكم السمح ده بصوفن من القفلة
*اخير نصعد ونلعب ليكم فيهو عشان مايصوفن
*ومابنشيل منكم اجرة استعمال الاستاد حتي لايصوفن
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا المكلف بينا
*شنو قصة زول يمشي دبي ومايقول لينا
*وزول يمشي ونحنا ماعارفين ويجينا
*والزول المشي وابي يجينا
سلك كهربا
ننساك كيف والكلب قال المشي وماجا مامشكلة المشكلة الجا وابي يمشي……الله يستر علينا ويلطف بينا….والجزيرة بقت مع اوكرانيا واي شي ممكن يحصل لينا وفينا وعدمانين الكاميرا البتوثق لينا
والي لقاء
سلك