ﺭﺍﻗﻲ ﻭﻣﻬﻨﺪﻡ ……. ‏( ﻭﻻ ) ؟؟

ﻗﺰﺍﺯ ﻭ ﺭﺯﺍﺯ
ﻣﺤﻤﺪ ﺍﻟﻄﻴﺐ ﺍﻻﻣﻴﻦ
ﺭﺍﻗﻲ ﻭ ﻣﻬﻨﺪﻡ ……. ‏( ﻭﻻ ) ؟؟

ﺃﻛﺜﺮ ﺧﺒﺮ ﺻﺎﺩﻡ ﻳﻘﻮﻝ :
‏( ﺗﻘﺪﻣﺖ ﺇﺣﺪﻱ ﺍﻷﻣﻬﺎﺕ ﺑﺸﻜﻮﻯ ﺿﺪ ﺇﺣﺪﻯ ﺭﻳﺎﺽ ﺍﻷﻃﻔﺎﻝ ﺣﻴﺚ ﺫﻛﺮﺕ ﻓﻲ ﺍﻟﺸﻜﻮﻯ ﺃﻥ ﻃﻔﻠﻬﺎ ﻳﺘﻌﺮﺽ ﻹﺳﺘﻐﻼﻝ ﺫﻭ ﻃﺎﺑﻊ ﺟﻨﺴﻲ ﻣﻦ ﻗﺒﻞ ﻣﻌﻠﻤﺔ ﺍﻟﺮﻭﺿﺔ ﺍﻟﺘﻰ ﺗﻄﻠﺐ ﻣﻨﻪ ﺃﻥ ﻳﺮﺿﻊ ﻣﻨﻬﺎ ‏) .
ﺩﻩ ﺍﻟﺨﺒﺮ
ﺍﻟﻄﻔﻞ ﻓﻲ ﻛﻼﻣﻮ ﻗﺎﻝ :
‏( ﺍﻟﻤﻌﻠﻤﺔ ﻣﺎ
ﻋﻨﺪﻫﺎ ﻟﺒﻦ ‏)
ﻭ ﺃﻧﺎ ﺑﻘﻮﻝ : ‏
( ﻣﺎ ﻋﻨﺪﻫﺎ ﻟﺒﻦ ﻭ ﻣﺎ ﻋﻨﺪﻫﺎ ﺃﺧﻼﻕ ﺑﺮﺿﻮ ‏)
ﺍﻟﻘﻀﻴﺔ ﺍﻵﻥ ﻓﻲ ﺍﻟﻤﺤﻜﻤﺔ ﻭ ﻟﻦ ﻧﻌﻠﻖ ﻋﻠﻴﻬﺎ ﻛﺜﻴﺮﺍ ﺣﺘﻰ ﺇﻧﺘﻬﺎﺀ ﻛﻞ ﻣﺮﺍﺣﻞ ﺍﻟﺘﻘﺎﺿﻲ .
ﺣﺎﺟﺔ ﺗﻜﺴﻒ .

ﻛﺴﺮﺓ :

ﺇﺣﻨﺎ ﻓﻲ ﺍﻟﺴﻮﺩﺍﻥ ﺭﺍﻳﺢ ﻟﻴﻨﺎ ‏( ﺑﺮﺩ ‏) ﻋﺸﺎﻥ ﻛﺪﻩ ﺑﻨﻠﺒﺲ ‏( ﺍﻟﺴﻴﻮﺗﺮﺍﺕ ‏) ﻟﻤﺠﺮﺩ ﺇﻥ ﺍﻟﺒﻠﺪ ﻏﺸﺎﻫﺎ ‏( ﻫﻮﺍ ﻧﺸﻂ ‏)

ﻛﺴﺮﺓ ﻭ ﻧﺺ :

‏( ﺍﻟﻘﺰﺍﺯ ‏) ﺷﻔﺎﻑ ﻭ ﻗﺎﺑﻞ ﻟﻠﻜﺴﺮ ﻭ ﺟﻤﻴﻞ ﻭ ﺻﻠﺐ ﻓﻲ ﻧﻔﺲ ﺍﻟﻮﻗﺖ
ﻫﺬﻩ ﺍﻟﺨﺼﺎﺋﺺ ﺍﻟﺘﻰ ﺗﺘﻮﻓﺮ ﻋﻨﺪ ‏( ﺍﻟﻘﺰﺍﺯ ‏) ﺗﺸﺒﻪ ﺧﺼﺎﺋﺺ ‏( ﺍﻟﻤﺮﺃﺓ ‏) و ﺇﺫﺍ ﺗﻌﺎﻣﻠﺖ ﺃﻯ ﻓﺘﺎﺓ ﻋﻠﻰ ﺇﻋﺘﺒﺎﺭ ﺇﻧﻬﺎ ‏( ﻗﺰﺍﺯﺓ ‏) ﻗﻄﻊ ﺷﻚ ﺍﻟﺴﻮﺩﺍﻥ ﺳﻴﻜﻮﻥ ﺧﺎﻟﻰ ﻣﻦ ‏( ﺩﺍﺭ ﺍﻟﻤﺎﻳﻘﻮﻣﺎ ﻭ ﺃﺧﻮﺍﺗﻬﺎ ‏)

ﻛﺴﺮﺓ ﻭ ﻧﺺ
و ﺧﻤﺴﺔ :

ﻣﺜﻠﻤﺎ ﺃﻥ ﺍﻟﻌﺎﻓﻴﺔ ﺩﺭﺟﺎﺕ ﻓﺈﻥ ‏( ﺍﻟﻠﺨﻤﺔ ‏) ﺃﻳﻀﺎ ﺩﺭﺟﺎﺕ و ‏( ﺍﻟﻠﺨﻤﺔ ‏) ﺑﺘﺨﺘﻠﻒ ﻣﻦ ﺯﻭﻝ ﻟﺰﻭﻝ
‏( ﻟﺨﻤﺔ ‏) ﺍﻟﻌﺮﻳﺲ ﺑﺘﺨﺘﻠﻒ ﻋﻦ ‏( ﻟﺨﻤﺔ ‏) ﺃﻡ ﺍﻟﻌﺮﻭﺱ و ﻟﺨﻤﺔ ‏( ﺍﻟﺘﺮﺯﻱ ‏) ﻳﻮﻡ ﺍﻟﻮﻗﻔﺔ ﺑﺘﺨﺘﻠﻒ ﻋﻦ ‏( ﻟﺨﻤﺔ ‏) ﺍﻟﺤﺮﺍﻣﻲ ﺍﻟﻄﻠﻌﺖ ﻋﻠﻴﻬﻮ ﺷﻤﺲ ﺟﻮﺓ ﺑﻴﺖ ﺍﻟﻨﺎﺱ
ﺍﻟﻠﺨﻤﺔ ﺩﺭﺟﺎﺕ ﻭﻛﺬﻟﻚ ‏( ﺍﻟﻠﺤﻤﺔ ‏) و ﻓﻲ ﺯﻭﻝ ﻣﻦ ﺷﺪﺓ ‏( ﺍﻟﻠﺨﻤﺔ ‏) ﺑﻴﻨﺴﻰ ‏( ﻳﺴﺮﺡ ﺷﻌﺮﻭ ‏) و ﻓﻲ ﻧﻮﻉ ﺑﻴﻨﺴﻰ ‏( ﻳﺰﺭﺭ ﺯﺭﺍﻳﺮ ﺍﻟﻘﻤﻴﺺ ‏) ﻭ ﻧﻮﻉ ﺁﺧﺮ ﺑﻴﻠﺒﺲ ‏( ﺷُﺮﺍﺏ ﻛﻞ ﻓﺮﺩﺓ ﻣﻦ ﺑﻠﺪ ‏) ﻳﻠﺒﺲ ‏( ﺷُﺮﺍﺑﻴﻦ ‏) ﻣﺨﺘﻠﻔﺎﺕ ﻭ ‏( ﺍﻟﺠﺰﻣﺔ ﻭﺍﺣﺪﺓ ‏) ﻭ ﻟﻜﻦ ﺃﻋﻠﻰ ﺩﺭﺟﺎﺕ ‏( ﺍﻟﻠﺨﻤﺔ ‏) ﻫﻰ ﺃﻥ ﺗﻘﻒ ﻓﻲ ‏( ﺑﺎﺏ ﺍﻟﺸﺎﺭﻉ ﻭ ﻣﺎ ﺗﻌﺮﻑ ﻧﻔﺴﻚ ﺟﺎﻱ ﻭ ﻻ ﻣﺎﺷﻲ ‏)
ﻭ ﺍﻟﻠﻪ ﺻﺤﻲ
ﺃﻧﺎ ﺷﺨﺼﻴﺎ ﻣﺮﺓ ﺣﺼﻠﺖ ﻟﻲّ ﻭﻗﻔﺖ ﻓﻲ ﺑﺎﺏ ﺍﻟﺸﺎﺭﻉ ﻭ ﺃﺛﻨﺎﺀ ﻣﺎ ﺃﻧﺎ ﻭﺍﻗﻒ ﻓﻲ ﺑﺎﺏ ﺍﻟﺸﺎﺭﻉ ﻗﻤﺖ ﺇﺗﻠﺨﺒﻄﺖ ﻣﺎ ﻋﺮﻓﺖ ﻧﻔﺴﻲ ‏( ﺍﻟﻤﻔﺮﻭﺽ ﺃﺩﺧﻞ ﻭ ﻻ ﺍﻟﻤﻔﺮﻭﺽ ﺃﻃﻠﻊ ‏)
ﻧﺴﻴﺖ ﺇﻧﻲ ﻃﺎﻟﻊ ﻭ ﻻ ﺟﺎﻱ

ﻛﺴﺮﺗﻴﻦ
ﺇﻻ ﺭﺑﻊ :

ﺃﺩﻓﻊ ‏( 7 ‏) ﺳﻨﻮﺍﺕ ﻣﻦ ﻋﻤﺮﻱ ﻭ ﺃﻋﺮﻑ ﺍﻟﺒﻨﺎﺕ ﻟﻤﺎ ﻳﺘﺼﻮﺭﻥ ‏( ﺳﻴﻠﻔﻲ ‏) ﺍﻟﻮﺍﺣﺪﺓ ‏( ﺑﺘﻤﺪ ﺧﺸﻤﻬﺎ ﻟﻘﺪﺍﻡ ﻋﺸﺎﻥ ﺷﻨﻮ ‏) ؟
و ﺃﺩﻓﻊ ‏( 9 ‏) ﺳﻨﻮﺍﺕ ﻣﻦ ﻋﻤﺮﻱ ﻭ ﺃﻋﺮﻑ ﺍﻷﻭﻻﺩ ﻟﻤﺎ ﻳﺘﺼﻮﺭﻭﺍ ‏( ﺳﻴﻠﻔﻲ ‏) ﺑﻴﻌﻤﻠﻮﺍ ﻋﻼﻣﺔ ‏( ﺍﻷﺻﺒﻌﻴﻦ ‏) ﺑﺘﺎﻋﺖ ‏( ﻧﺼﺮ ﺃﻭ ﺷﺎﻫﺪﺓ ‏) ﻟﻴﻪ ؟

ﻛﺴﺮﺗﻴﻦ ﻭ ﻧﺺ :

ﻣﻦ ﺍﻷﻣﺜﺎﻝ ﺍﻟﺬﻛﻴﺔ ﺟﺪﺍ : ‏( ﺇﻥ ﺟﺎﺩﺕ ﺑﺨﻴﻂ ﺍﻟﻌﻨﻜﺒﻮﺕ ﺗﻨﻘﺎﺩ ﻭﻟﻮ ﻋﺎﻛﺴﺖ ﺗﻘﻄﻊ ﺳﻠﺴﻞ ﺍﻟﺤﺪﺍﺩ ‏)
ﺍﻟﻤﺜﻞ ﺫﻛﻲ ﻭ ﻳﻨﻄﺒﻖ ﻋﻠﻴﻨﺎ ﻓﻲ ﻛﺜﻴﺮ ﻣﻦ ﺗﻔﺎﺻﻴﻞ ﺣﻴﺎﺗﻨﺎ
ﻣﺮﺍﺕ ﺑﺘﻘﻮﻡ ﻣﻦ ﺍﻟﺼﺒﺎﺡ ﻭ ﺍﻟﻴﻮﻡ ﺑﻜﻮﻥ ﻣﺎﺷﻲ ﻣﻌﺎﻙ ‏( ﻣﻴﺔ ﻣﻴﺔ ‏) ﺑﻜﻮﻥ ﻣﺎﺷﻲ ﻣﻌﺎﻙ ‏( ﻋﺴﻞ ﻋﻠﻰ ﺭﺃﻱ ﺍﻟﻤﺜﻞ ‏) ﻭ ﻣﺮﺍﺕ ﻣﻦ ﺗﺼﺒﺢ ﺑﺘﺤﺲ ﺑﻴﻬﺎ ﻣﻌﺎﻛﺴﺔ ﻭ ﻣﻌﻜﺴﺔ
ﺗﺸﺮﺏ ﺍﻟﺸﺎﻱ ﺗﺠﻲ
ﺗﻠﻘﻰ ‏( ﺍﻟﻘﻤﻴﺺ ‏) ﺷﺎﻟﺘﻮ ﺍﻟﻤﻜﻮﺓ ﺗﻄﻠﻊ ﺗﻘﻴﻒ ﻟﻠﻤﻮﺍﺻﻼﺕ ﺳﺎﻋﺔ ﺗﺮﻛﺐ ﺍﻟﻤﻮﺍﺻﻼﺕ ﻳﻘﻮﻡ ‏( ﺍﻟﻠﺴﺘﻚ ‏) ﻳﺒﻨﺸﺮ ﺗﺼﻞ ﻭ ﺗﻠﻔﻮﻧﻚ ﻓﻴﻬﻮ ‏( %5 ‏) ﻭ ﻣﺎ ﻣﻌﺎﻙ ﺷﺎﺣﻦ ﺗﻠﻘﻲ ﺍﻟﺸﺎﺣﻦ ﺗﺨﺖ ﺍﻟﺘﻠﻔﻮﻥ ﺗﻘﻮﻡ ﺍﻟﻜﻬﺮﺑﺎﺀ ﺗﻘﻄﻊ ﺗﺮﺟﻊ ﺍﻟﺸﺎﺣﻦ ﻟﺴﻴﺪﻭ ﺗﻘﻮﻡ ﺍﻟﻜﻬﺮﺑﺎﺀ ﺗﺠﻲ ﺗﻄﻠﻊ ﺭﺍﺟﻊ ﺍﻟﺒﻴﺖ ﺗﻔﻘﺪ ‏( ﺟﺰﻻﻧﻚ ‏) ﻓﻲ ﺍﻟﻤﻮﺍﺻﻼﺕ ﺗﺼﻞ ﺍﻟﺒﻴﺖ ﺗﻠﻘﻲ ﻓﻲ ‏( ﻣﻼﺡ ‏) ﻭﻣﺎ ﻓﻲ ﺭﻏﻴﻒ ﺗﻤﺸﻲ ﺍﻟﻔﺮﻥ ﺗﻠﻘﻲ ‏( ﺍﻟﻔﺮﺍﻥ ﻣﺮﻛﺐ ﺍﻟﺴﻤﺎﻋﺎﺕ ﻭ ﻗﺎﻋﺪ ﻳﺴﻤﻊ ﺍﻷﻏﺎﻧﻲ ﻭ ﻣﺎ ﻓﻲ ﺭﻏﻴﻒ ‏)
ﻧﻔﺴﻴﺎﺕ ﻋﺪﻳﻞ
ﺗﺮﻗﺪ ﻓﻲ ﺍﻟﺴﺮﻳﺮ ﺗﻘﻮﻝ ﺗﻨﻮﻡ ﻳﺠﻴﻚ ﺍﻟﺒﺎﻋﻮﺽ ‏( ﺍﻟﺬﻛﺮ ﻣﻨﻪ ﻭ ﺍﻷﻧﺜﻰ ‏) ﻭ ﻳﺘﻢ ﻟﻴﻚ ﺍﻟﻨﺎﻗﺼﺔ
ﻭ .. ﻭ ..
ﻭﻟﻲٍّ ﻓﻲ ‏( ﺍﻟﺠﺰﺍﺋﺮ ‏) ﻏﺰﺍﻝ .
ﻭ ..
ﻭﻫﻞ ﺻﺤﻴﺢ ﺭﺍﻗﻲ ﻭ ﻣﻬﻨﺪﻡ ……. ‏( ﻭﻻ ﻣﺒﺸﺘﻦ ﺯﻳﻨﺎ ﻛﺪﻩ ‏) ؟؟