ﺳأﻟﺖ ﻛﻞ ﺍﻟﻜﺎﻥ ﻣﻌﺎﻙ…ﻗﺎﻟﻮ ﻣﻦ ﺩﻳﻚ ﻣﺎ ﻇﻬﺮ!!!

العمود الحر
عبدالعزيز المازري
ﺳأﻟﺖ ﻛﻞ ﺍﻟﻜﺎﻥ ﻣﻌﺎﻙ…ﻗﺎﻟﻮ ﻣﻦ ﺩﻳﻚ ﻣﺎ ﻇﻬﺮ!!!
…………………………………
الحلوه دى قامت تعجن في البدريه
و الديك بيــدن كوكو كوكو في الفجـريه
*هلالاب جدة المخلصين المحبين للكيان اجتمعوا!
*قالوا نحن أي حاجة ولا مريخاب بينا ولا قرارنا يكون عند المتماهين معهم
*قالوا أي حاجة فيها فائدة للهلال قدام
*قالوا يمكن يكون تعيين لجنة التسييرمن مريخاب جدة والمتماهين معهم أتت بفائدة
*يعني أحلام الفتي الطائر( الطائش) جات معاهم نائمة نوم
*موضوع التعيين دا تم كيف !
*هي طبخة مهببه جاءت من بنات أفكار مريخاب الرابطة الرياضية والفتي المهاجر طباخ الحله
*حلة محروقة (صلصتها ) حمراء فاقع لونها
*يا اخي ما كترت الطماطم وخربت الرصة
*يعني ببساطة قال ليهو فلان وفلان وفلان وفلان من مجموعتي وفلان وفلان من الرابطة الرياضية وخلينا نحليها بالثنائي الدفيع ديل مهمين زيادة فوق البيعة
*يعني ببساطة سيطرة تامة علي قرار الهلالاب في جدة ليدير المشهد مريخاب الرابطة الرياضية وتقوم من جديد الرابطة المنتهية صلاحيتها وتعيش علي اكتاف الهلالاب القشرة
*لكن ما خسارة وخسرتها وما دبور وزنه علي خراب عشو
*زول كان كاتل ضلو شغال شغل الزول اللابس نظارة يديك معسول كلام وبهناك شغال في حلتو المهببه
*لكنها كانت النهاية وشالت الحلة ومن طبخها ومن قدمها هدية لمريخاب جدة
*ناس الهلال في جدة ديل صعبين خلاص!!
*ناس كانوا كانوا مختلفين اكثرمن عشرين سنة وفي لحظة اجتمعوا كده من غير ميعاد
*نشوف الدنيا ربيع و زهور…نسكت و تتكلم عينينا..ليك رساله
نعود أحباب زي ما كنا..في دنيا الحب نلقى الجنه
*الالفة التي عاشها المجتمع الهلالي بهذا القرار الكارثة ولدت لحمة هلالية كبيرة اسعدت كل الهلال
*وخلونا نغني ونتباري مع الطيبين
*والواسطات تتطاقش وهواتفنا لم تتوقف وزولنا هناك يغني (أعذريني الدمعة ديّه…حتبقى آخر دمعة ليّه….تاني لو قربت منك…..يبقى ليك الحق عليّ..)
*اخر كلمة حرة.. والله نحنّ مع الطيور..الما بتعرف ليها خرطة…ولا فى إيدا جواز سفر
كلمات حرة
**كما توقعنا فإن إعلان رابطة الرياض اتي كما توقعنا معتمدا علي المعرفة ونواة أيضا لدعم المجلس في المراحل القادمة كما حدث في جدة
*بهذا القرار وقرار تكوين رابطة جدة فإن مجلس الهلال بات في مواجهة هلالاب السعودية
*قرارات اعتمدت علي الصداقات والمعرفة ولجان تسيير تقوم علي ربطها بصداقات مع عضو المجلس
*طالعت القرار الصادر واتوقع أيضا من هلالاب الرياض مواجهة القرار كما فعل اهل جدة
*مجلس الهلال فقد البوصلة وبات كما يتداول ان القرار في يده كما يروج دائما ان أي قرار يصدره حيمشي علي المجلس
*لغة التجدي التي تعامل بها مجلس الهلال مع الروابط الخارجية افقدته الدعم المطلوب وهذه الروابط لن تقوي علي تقديم أي دعم للهلال مع هذه الظورف
*خلاصة الكلام ناس جدة كيف ترفع طعن للجلاد نفسه ومع غياب اللجان العدلية
*لا تنتظروا انصاف والرأي عندي ان لا مناص من تكوين رابطة اهل الهلال الخاصة بالمشجعين ودعوا الرابطة المريخية للمجلس
*اخر كلمة ..دا الحاله الأمين العام في الرياض
حكاية
مخرجات قوية للجنة الوفاق الهلالية بجدة تطالعوها علي الصحيفة عدد اليوم
حكاية ثانية
براي سويتها في نفسي
اخر الحكاية
ناس جدة نوموا قفا