ﻓﺘﺮﻧﺎ ﻣﻦ ﺍﻟﺰﻳﺎﺭﺍﺕ ﻧﺤﻦ ﺧﻠﻘﻨﺎ ﺿﻴﻖ
ﻧﻔﺎﺝ ﺍﻟﻤﺪﺍﺩ
ﺍﺑﻮ ﺑﻜﺮ ﻋﺒﺪ ﺍﻟﻠﻪ (ﺑﻴﻜﻮ )
ﻓﺘﺮﻧﺎ ﻣﻦ ﺍﻟﺰﻳﺎﺭﺍﺕ ﻧﺤﻦ ﺧﻠﻘﻨﺎ ﺿﻴﻖ
ﻛﻞ ﻳﻮﻣﻴﻦ ، ﺭﺋﻴﺲ ﺍﻟﻨﺎﺩﻱ ﻳﺰﻭﺭ ﺍﻟﻼﻋﺒﻴﻦ !
ﺍﻟﻼﻋﺒﻴﻦ ﻓﻲ ﺯﻳﺎﺭﺓ ﺭﺋﻴﺲ ﺍﻟﻨﺎﺩﻱ !
ﻳﺎ ﻧﺎﺱ ﺍﻟﺤﺎﺻﻞ ﺷﻨﻮ ؟
ﺍﻟﻜﻮﺭﻩ ﺧﻼﺹ ﺧﻠﻴﺘﻮﻫﺎ ﻭﻗﻨﻌﺘﻮ ﻣﻦ ﺧﻴﺮﺍ
ﻓﻴﻬﺎ ﻭﻗﻠﺘﻮ ﻧﻘﻠﺒﻪ ﻣﻌﺎﻳﺪﺍﺕ !
ﻣﻌﺎﻳﺪﺍﺕ ﻭﺍﻋﺎﺩﺍﺕ ﻭﻛﻠﻮ (ﺭﺳﻮﺏ) !
ﺍﻟﻮﺍﻟﻲ ﺩﻩ ﻟﻴﻬﻮ 13 ﺳﻨﻪ ﻣﺎ ﺣﺼﻞ ﺷﻔﺘﺔ
ﻭﺍﻗﻒ ﻭﺧﺎﺗﻲ ﻳﺪﻳﻨﻮ ﻓﻲ ﻛﺘﻮﻑ ﺍﻟﻼﻋﺒﻴﻦ
ﻭﻫﻢ ﻗﺎﻋﺪﻳﻦ !
ﺯﻭﻝ ﻣﺎﻟﻲ ﻣﻜﺎﻧﺘﻮ ﻭﻣﺤﺘﺮﻡ ﻫﻴﺒﺔ ﺍﻟﻨﺎﺩﻱ ..
ﺍﻧﺘﻮ ﻗﺎﻳﻠﻴﻦ ﺭﺋﺎﺳﺔ ﻧﺎﺩﻱ ﺍﻟﻤﺮﻳﺦ ﺩﻱ
ﺳﺎﺍﻳﺒﻪ ﻛﺪﻩ ﻭﻫﺎﻣﻠﻪ !
ﻧﺤﻦ ﻟﻤﻦ ﻧﺠﻴﺐ ﺭﺋﻴﺲ ﻟﻠﻨﺎﺩﻱ ﻣﺎ ﺑﻨﺠﻴﺐ
ﺍﻱ ﺯﻭﻝ ..
ﻫﻴﺒﻪ ﻛﺮﺳﻲ ﺍﻟﺮﺋﺎﺳﻪ ﻻﺯﻡ ﺗﻜﻮﻥ ﺣﺎﺿﺮﻩ
ﻓﻲ ﺍﻱ ﻭﻗﺖ ..
ﻣﺎ ﻋﻨﺪﻧﺎ ﻣﺠﺎﻣﻼﺕ ، ﻭﻻ ﺑﻨﻌﺮﻑ ﻟﻴﻜﻢ
ﺍﻟﺤﺎﺟﺎﺕ ﺩﻱ ..
ﺣﺮﻛﺔ ﺭﺋﻴﺲ ﺍﻟﻨﺎﺩﻱ ﻭﺍﻗﻒ ﻭﺍﻟﻼﻋﺒﻴﻦ
ﻗﺎﻋﺪﻳﻦ ﻭﻫﻮ ﻓﻲ ﻧﺼﻬﻢ ﻳﺘﺼﻮﺭ ﺩﻱ ،
ﺍﺻﻐﺮ ﻣﺸﺠﻊ ﻋﻨﺪﻧﺎ ﻣﺎ ﺑﻴﻌﻤﻠﻪ !
ﺧﻠﻴﻚ ﻣﻦ ﺭﺋﻴﺲ ﺍﻟﻨﺎﺩﻱ ..
ﺑﺎﻟﻠﻪ ﺟﻤﺎﻝ ﺍﻟﻮﺍﻟﻲ ﺩﻩ ﻟﻮ ﺯﺍﺭ ﺍﻟﻼﻋﺒﻴﻦ ﺍﻻ
ﺗﺴﻤﻊ ﺑﻴﻬﻮ ﺳﻤﻊ ﻣﻦ ﺑﺮﻩ !
ﻭﻛﺎﻥ ﺟﺎﺕ ﺻﻮﺭﻩ ﺍﻻ ﺗﻜﻮﻥ ﺑﺎﻟﺼﺪﻓﻪ !
ﻟﻜﻦ ﻳﻘﻴﻒ ﻭﻳﻌﺪﻝ ﻧﻈﺎﺭﺗﻮ ﻭﻳﻘﻮﻝ
ﺻﻮﺭﻭﻧﻲ ﻭﻣﺎﺳﻚ ﺍﻟﻼﻋﺒﻴﻦ ﻭﻫﻢ ﻗﺎﻋﺪﻳﻦ
ﺩﻱ ﻻ ﺑﻴﻌﻤﻠﻪ ﻭﻻ ﺣﺎﺟﻪ ..
ﺭﺋﻴﺲ ﺍﻟﻨﺎﺩﻱ ﻋﻨﺪﻧﺎ ﻫﻴﺒﻪ ﻭﻗﺪﻟﻪ ﻭﻭﻗﺎﺭ ،
ﻣﻤﻜﻦ ﻧﺨﺘﻠﻒ ﻣﻌﺎﻫﻮ ﻓﻲ ﻣﻮﺍﺿﻴﻊ ﺑﺲ
ﺣﺮﻛﺎﺕ ﺍﻟﻤﺸﺠﻌﻴﻦ ﺩﻱ ﻭﻻ ﺑﻨﻘﺒﻠﻪ ﻭﻻ
ﺣﺎﺟﻪ ..
ﺍﻟﻼﻋﺐ ﻋﻨﺪﻧﺎ ﻣﺎ ﺍﻛﺒﺮ ﻣﻦ ﺭﺋﻴﺲ ﺍﻟﻨﺎﺩﻱ !
ﻣﻤﻜﻦ ﻳﺠﻮ ﻳﺘﺼﻮﺭﻭ ﻣﻌﺎﻫﻮ ﻭﻫﻮ ﻗﺎﻋﺪ ..
ﺑﺲ ﺣﺮﻛﻪ ﺯﻱ ﺑﺘﺎﻋﺘﻜﻢ ﺩﻱ ﻭﻻ ﺑﻨﻌﻤﻠﻪ
ﻭﻻ ﺣﺎﺟﻪ ..
ﺑﻘﻮﻟﻮ (ﺍﻟﺘﻠﻤﻴﻊ ) ﺍﻟﻜﺘﻴﺮ ﺑﺰﻟﻂ ﺍﻟﻤﺮﺍﻳﺎ
ﻭﺍﻟﻨﺎﺱ ﺩﻱ ﺷﻐﺎﻟﻪ ﺗﻠﻤﻊ ﻭﻣﻦ ﻏﻴﺮ
ﻓﻬﻢ !
ﺑﺎﻟﻠﻪ ﺍﻟﻮﺍﻟﻲ ﺍﻗﻨﻊ ﻟﻴﻚ ( ﻋﻘﺮﻭﺏ) ﻓﻲ
ﺍﺭﺑﻌﻪ ﺩﻗﺎﺋﻖ ، ﻭﻗﺎﻝ ﻟﻴﻬﻢ ﺍﻣﺸﻮ ﺳﺠﻠﻮ !
ﻻ ﺻﻮﺭﻩ ﻻ ﺿﺤﻜﻪ ﻻ ﺍﻱ ﺣﺎﺟﻪ ..
ﺩﻩ ﻭﺍﺟﺒﻮ ﻋﻤﻠﻮ ﻭﺧﻼﺹ ..
ﺯﻭﻝ ﻓﻲ ﺍﻟﺘﻠﻔﺰﻳﻮﻥ ﻣﺎ ﺑﺘﺸﻮﻓﻮ ﺑﺎﻟﺴﺎﻫﻞ !
ﻛﺒﻴﻴﻴﺮ ﻳﺎ ﻭﺍﻟﻲ
ﻏﺎﻟﻲ ﺑﻲ ﻛﻬﺮﺑﺘﻮ ، ﻳﻀﻮﻗﻚ ﻋﻘﺮﺗﻮ
ﻭﻧﺎﺱ ﻛﺪﻩ ﻛﺎﻥ ﻋﻨﺪﻫﻢ ( ﻃﻬﻮﺭﻩ)
ﻳﺘﺼﻮﺭﻭ !
ﻟﻮ ﺿﺎﺑﺤﻴﻦ (ﺩﻳﻚ ) ، ﺗﻠﻘﺎﻫﻢ ﻳﺘﺼﻮﺭﻭ !
ﺟﻨﻬﻢ ( ﻓﻼﺷﺎﺕ) !
ﺍﻟﻮﺍﺣﺪ ﻓﻴﻬﻢ ﻛﺎﻥ ﺟﺎﺑﻮ ﻟﻴﻬﻮ ( ﺧﺒﺮ ﺑﻜﺎﺀ )
ﻳﺘﺼﻮﺭ !
ﻏﺎﻳﻴﺘﻮ ﻧﺤﻦ ﺧﻠﻘﻨﺎ ( ﺿﻴﻖ ) ﻭﻻ ﺑﻨﻌﺮﻑ ﻟﻴﻜﻢ
ﺯﻳﺎﺭﺍﺕ ﺍﻟﺼﻮﺭ ﺩﻱ ..
ﻣﻔﺮﻭﺽ ﺍﻟﻮﺍﺣﺪ ﻳﺤﻔﻆ ﻫﻴﺒﺔ ﺭﺋﺎﺳﺔ
ﺍﻟﻨﺎﺩﻱ ﺍﻟﻘﺎﻋﺪ ﻓﻴﻬﺎ !
ﻟﻤﺎ ﺗﺠﻲ ﺗﺘﺼﻮﺭ ، ﻣﻔﺮﻭﺽ ﻳﻜﻮﻥ ﻋﻨﺪﻙ
ﺭﺳﺎﻟﻪ ﻣﻌﻴﻨﻪ ﻛﺪﻩ ﻋﺎﻳﺰ ﺗﻮﺻﻠﻪ !
ﻣﺶ ﻋﺸﺎﻥ (ﻳﻠﻤﻌﻮﻙ) ..
ﺯﻳﺎﺭﻩ ﻓﻲ ﺍﻟﻤﻌﺴﻜﺮ ، ﺯﻳﺎﺭﺓ ﻓﻲ ﺍﻟﺒﻴﺖ
ﻭﻛﻠﻮﻭﻭ ﺑﻲ ( ﺻﻮﺭﻭ)
( ﻣﺘﺼﻮﺭﻳﻦ) ﻣﻦ ﺍﻟﺨﻴﺮ ، ﺍﻧﺘﻮ ﻧﺎﺩﻱ ﻭﻻ
( ﺍﺳﺘﺪﻳﻮ) ؟ !
ﻏﺎﻳﺘﻮ ﺣﺮﻛﺎﺗﻜﻢ ﺩﻱ ( ﻣﺘﻮﻛﻞ) ﻣﺎ ﻗﺎﻋﺪ
ﻳﻌﻤﻠﻪ ..
ﺣﺎﺟﻪ ﺍﺧﻴﺮﻩ ﻛﺪﻩ :
ﺍﺳﻠﻮﺏ ﺍﻟﺘﺮﺻﺪ ﺍﻟﻮﺍﺿﺢ ﺍﻟﺬﻱ ﻳﻨﺘﻬﺠﻪ
ﺍﻟﺒﻌﺾ ﺑﺎﺕ ﻭﺍﺿﺤﺎ ﻟﺠﻤﻬﻮﺭ ﺍﻟﻤﺮﻳﺦ !
ﻭﻟﻢ ﺗﻌﺪ ﻫﺬﻩ ﺍﻻﺷﻴﺎﺀ ( ﺍﻟﺴﺨﻴﻔﻪ) ﺗﺆﺛﺮ
ﻓﻲ ﺟﻤﻬﻮﺭ ﺍﻟﻤﺮﻳﺦ ﺍﻟﻮﺍﻋﻲ ﻭﺍﻟﻤﺜﻘﻒ ..
ﺍﻥ ﺍﺻﺤﺎﺏ ﺍﻟﻌﺎﻫﺎﺕ ﺍﻟﻨﻔﺴﻴﻪ ﻋﻠﻴﻬﻢ ﺍﻥ
ﻳﺘﻮﻗﻔﻮ ﻓﺎﻟﺮﺳﺎﺋﻞ ﻋﻠﻲ ﺷﺎﻛﻠﺔ ( ﻟﻢ ﺍﻛﺘﺐ
ﺷﻴﺌﺎ ﺳﻠﺒﻴﺎ ﻋﻦ ﺍﻟﻤﺮﻳﺦ ﺍﻻ ﺣﻴﻨﻤﺎ ﻃﺮﺩﻭﻧﻲ
ﻣﻦ ﺍﻟﻤﻌﺴﻜﺮ) ﻗﺪ ﻛﺸﻔﺖ ﺳﻮﺀ ﻧﻮﺍﻳﺎﻫﻢ
ﻭﺿﻌﻒ ﻣﻘﺪﺍﺭﺍﺗﻬﻢ ..
ﻭﻋﻠﻲ ﺟﻤﺎﻫﻴﺮ ﺍﻟﻤﺎﺭﺩ ﺍﻻﻥ ﺍﻥ ﺗﺘﺠﻬﺰ ﻟﻤﺎ
ﻫﻮ ﻗﺎﺩﻡ ، ﺣﺘﻲ ﻧﻔﺸﻞ ﻣﺨﻄﻄﺎﺕ ﻣﻦ
ﺳﻬﺮﻭ ﺍﻟﻠﻴﺎﻟﻲ ﻭﺩﻓﻌﻮ ﺍﻻﻣﻮﺍﻝ ﻟﻠﺤﺼﻮﻝ
ﻋﻠﻲ ﺑﻄﻮﻟﻪ ( ﻣﺪﻓﻮﻋﺔ ﺍﻟﻘﻴﻤﻪ) ﻣﻘﺪﻣﺎ ..
ﻭﻳﺒﻘﻲ ﺍﻟﻤﺮﻳﺦ ﻫﻮ ﺍﻟﺮﻗﻢ ﺍﻟﺼﺤﻴﺢ ﻓﻲ
ﻫﺬﺍ ﺍﻟﻮﻃﻦ ﻭﻓﺨﺮﺍ ﻟﻠﺮﻳﺎﺿﻪ ﺍﻟﺴﻮﺩﺍﻧﻴﻪ …
ﻧﻘﻄﻪ ﺍﺧﻴﺮﻩ :
ﺷﺎﻳﻔﻚ ﻣﻨﺪﻫﺶ ﻭﻭﺍﻗﻒ ﻋﺪﻳﻞ ﻟﻠﺼﻮﺭﻩ
ﺟﻨﺒﻚ ﻧﺎﺱ ( ﻣﻌﻴﻂ ) ﺍﻟﻘﺎﻟﻮ ﺑﻠﻌﺒﻮ ﻛﻮﺭﻩ
ﻳﺎ ﺯﻭﻝ ﺍﺕ ﺭﺋﻴﺲ ﻭﻻ ﺍﻧﺖ ﺳﺎﻱ ﺩﻳﻜﻮﺭﻩ
ﻣﻌﺮﻭﻓﻪ ﺍﻟﺮﺋﺎﺳﻪ ﺍﻟﻬﻴﺒﻪ ﻗﺒﻞ ﺍﻟﻜﻮﺭﻩ
كلامك صاح بس مسعولين من الخير فى رئيس كان فى كنبة الاحتياطي مع اللعيبة فى مباراة زيسكو الزامبى تفتكر اكون منو صحى اعلام سلبى ذى ماقال الوالى لن نوالى لغير الوالى الوالى القال عصام الحضري مابحلم اسلم على ولا قاصد والى تانى