منتخبنا يسقط أمام مالاوي بثنائية في افتتاح مبارياته في سيكافا
سقط منتخبنا الوطني في فخ الخسارة أمام مالاوي بهدفين لهدف عصر اليوم في افتتاح مباريات المنتخبين في بطولة سيكافا للمنتخبات المقامة بأثيوبيا، وكان اطهر الطاهر سجل هدف منتخبنا الوطني في المقابلة، وفي مباراة ثانية ضمن المجموعة ذاتها فاز منتخب جنوب السودان على جيبوتي بهدفين نظيفين سجلهما مهاجم الخرطوم الوطني دومنيك ابوي وبرونو مارتنيز، بالنتيجة يتصدر جنوب السودان المجموعة الثالثة بثلاث نقاط متفوقاً على مالاوي بفارق الأهداف فيما يبقى منتخبنا وجيبوتي من دون رصيد.
وا شماتت ابله ظاظا فيك يا معتصم … لان السودان فى مقدمة الدول الافريقية و السبع عالميا
(وا شمااتت!!!!!) بالعربية شماتة …وبالعبرية شماتت …وبالسواحيلية (سماتا) …سقوط اللغة وسقوط المنتخب سببه أكل اللقيمات …..وجمهور اطفال الحجارة.
من يوقف هذه المهازل وسقوط الاتحاد اللقيماتي لايمكن ان نلعب بسمعة الوطن لهذا الحد وا شداداه من ينقذنا ويتخذ القرار الشجاع؟
منتخب جنوب السودان متصدر كمان يا لهذه المهازل والفضائح اغيثونا ياناس سمير فضل بشكوى سريعة قالو جينارو عندو جنسية من شمال السودان
طبعا الاتحاد استخدم اسلوب المريخ عندما يفقد بطولة يحاول يعوضها بسيكافا سريعة وغاب عنهم ان الدول من حولنا قد عرفت الدرب الصحيح . لو كنت مكان الوزير لا اوقفت مشاركة الفريق القومي في اي بطولة وبناء فريق جديد من اشبال صغار السن حتى لو نشارك بعد عشرة سنين امامكم تجربة بلجيكا متى نعي الدرس ؟
قدمك قدم خيييييير يا رئيس سيكافا الجديد يعن جنوب السودان رغم المشاكل والحروب وعدم الإستقرار هي بطلة المحموعة ههههههههههههههاي يا إتحاد الليقيماااااااااات
بالله ديل عندهم دم اسي
وكمان مكنكشين في الكراسي
مرضتو الشعب كله
حسبي الله ونعم الوكيل بقينا ما قادرين نحسب عدد الهزائم التي تلقاها منتخبنا في عهد اتحاد اللقيمات ولو المهازل دي حصلت في اي دولة خلاف السودان لقامت الدنيا وحكومتنا تتفرج …الله يجازي الكان السبب فضحتونا وبهدلتونا …
الهزيمة السادسة على التوالي للمنتخب. العملتوهو في المنتخب فب تاريخ السودان كلو ما حصل يا اتحاد اللقيمات. خلبكم كده دايما في خدمة المريخ والمتضرر الوحيد هو المنتخب
أعملوا حيطة …عفوا أعملوا شكوى لي سمير بتاع اتحاد سيكافا …أو أختصروا الطريق وأعملوا لقيمات للحكام …هنا معتصم وهناك معتصم ..واااا معتصماه …
ناس ملاوي ديل كان مفروض يدخل عليهم الجاكومي بعكازته ويقلع ال3 نقاط ..
ما مشكلة ….الحال ياهو نفس الحال وجع تربال موسد دفتر كشف الحال ..