نحر الذبائح لنجاة بكري المدينة من الموت
خاص: (كورة سودانية)
تابعت (كورة سودانية) تدافع الرياضيين للإطمئنان علي سلامة مهاجم المريخ بكري المدينة بمسقط رأسه بديم المشايخة في اعقاب نجاته من حادث الحركة الأليم الذي راح ضحيته صاحب السيارة التي اصطدمت بالسيارة التي كانت تقل بكري .. وقد تم نحر الذبائح لسلامة النجاة وكان في مقدمة الرياضيين مولانا بدر الدين عوض الله عثمان رئيس نادي الاهلي ودمدني.
دة حميل – على العموم حمدا للة على السلامة
لا حول ولا قوة إلا بالله دا يتعلم متى واضع رجله فوق رقبة الخروف، يا إبن ادم دا خروف كرامة لنجاتك من الموت، وهذا ايضا حيوان مذبوح المفروض نحسن التعامل بذبحه وطريقة التعامل مع الذبيحة نفسها، لكن هناك اناس عايزين يعلموهم اولا كيف يتعاملوا اقل شيء مع الحيوانات وما شافتك حقوق الحيوان، عشان تعرف أنو في ناس جايين من الشارع لكن الظروف خدمتهم. وشوف كمان الشبشب اللابسو، متى يتعلموا ديل. سبحان الله.
أستغفر الله العظيم وأتوب إليه….حمد لله علي سلامة اللاعب…لكين أيه شغل الدجل والضلال البتعملوا فيهو ده؟ نعم شكر الله يمكن أن تذبح له الذبائح وتوزع علي المساكين…لكين يجيبوا اللاعب ينط البهيمة ؟؟؟ أستغفر الله العظيم أستغفر الله العظيم أستغفر الله العظيم وأتوب إليه !!!
سلامه لي بكرى بس ما صاح تنتشر صور ذي دي ضبائح وإحتفالات وفي زول ميت راعوا لي مشاعر أهله وخصوصا انه العربيه حقت بكرى هي سبب موته
الشبشب دا عشان الدم …. لآنو شبشب البلاستيك يمكن غسلو بسرعة وتنظيفو سهل ….
أما حكاية وضع قدمو على الذبيحة …. دي تلفيقة منك … لأنو نط الخروف بعد ما الخروف مات …
عارف كيف زي ما بنط من مدافعينكم الدسيتوهم من مواجهات الدوري والكاس … لكن برضو أرجو الراجيكم … لسه الغريق قدام ….. خليك من ناس حقوق الحيوان شوفو ناسكم ….