(كورة سودانية) تتمني الشفاء العاجل للكاتب بابكر سلك بعد تعرضه لحادث ركشة
تعرض الاستاذ بابكر سلك الكاتب المريخي المعروف لحادث حركة عقب اصطدام صاحب ركشة بسلك قباله منزلهم بالعرضه اسفر عن ادخال قدمه في الجبص لوجود شق بمنطقه الانكل .. وهو الان طريح الفراش بمنزلهم بالعرضه.
عاجل الشفاء أن شاء الله
الف سلامه ليك
الف سلامه ليك يا سلك
نتمنى لك السلامة والصحة والعافية حبيبنا سلك وننتظر عودة يراعك الساخر وإطلالتك الباسمة على صفحات الصحف والمواقع الإلكترونية على أحر من الجمر ….ربنا إواليك بالعافية
الف سلامة ليك الاخ بابكر سلك وربنا يكتب لك السلامة والشفاء العاجل . بالجد انا من المعجبين جدا بالاخ بابكر وكتاباته وشفافيته رغم اني هلالي موت . ربنا يكتب السلامة اخي بابكر .
لكن محمد عبدالماجد مابريحك بعد الحادث ده
لك عاجل الشفاء يا ابوالسلوك . بالرغم من هلاليتى الا اننى سوف افتقدك كثيراً . نتمنى ان نراك قريباً
كفارة تكفر جزء من ذنوبك وبكرة خلي اعلامكم يطلع يقول الحادث مدبر والكاردينال السبب
الف سلامة يا سلك ويا محمد عبدالماجد جالك عمود جاهز هي ركشة يا ود عبدالماجد ولا سلك كان لاعب مع ناس المريخ في اثيوبيا قالو ابو جريشة تما بيهو التشكيلة .. حمدلله على السلامة يا سلك
لك عاجل الشفاء إن شاء الله تعالى ولكل المسلمين
الف الف سلامه لك استاذنا بابكر سلك وعاجل الشفاء باذن الله ولك التحيه واطيب الامنيات من قلب هلالي والتحيه لابتنا اسلام والعزيزه امها ولايحرمنا الله منك ولا من قلمك الزي الشطه حاره ولذيذه
الف سلامة يا سلك لي خير انشاء الله