رجعونا محل ما استلمتونا يا لجنة التسيير والوضع كل يوم ماشي خطير
تغريدة واتساب
بقلم : معاذ ابومؤيد
رجعونا محل ما استلمتونا
يا لجنة التسيير
والوضع كل يوم ماشي خطير
معقولة بس
دا مريخ السنة الفاتت
دا المريخ الاتغزلت فيه القنوات والمحللين!!!
رجعونا محل ما انقذتونا واتصديتوا للمهمة…
بالله الجبركم منو تتصدوا للمهمة
كان تخلونا في فراغ إداري!!
علي الاقل كنا بنلاقي اعزار لأنفسنا!!
حتوصلونا وين ؟؟
فهمونا بس برواااااقة المسلسل دا عندو نهاية ولاقعادكم في المجلس دا نكاية !!
دروس مجانية في الخرمجة الإدارية!!
كل يوم لازم ننوم حزينين ونشوف البطل يترنح !!
البطل في المسلسل والافلام مابترنح للدرجة دي كمان!!!
••••••••••••••••••••••••••
سيناريو محكم من حضراتكم لاسواء مسلسل مر علي جماهير المريخ!!
بالله الإحساس عندكم بالجمهور معدوم للدرجة دي !!
مكان استلمتوها رجعوها
استلمتوا الدريم تيم بقيادة موسيقار يصنع أجمل الألحان!!
اسه لا ألحان ولا اقوان !!
ومدرب واقف محلك سر
دا لابجدع لابجيب حجار
حتى قراءه الميدان الجمهور بيقراء احسن منو
ماعايزين ندخل في الشأن الفني!!
••••••••••••••••••••••••••
جمهورنا الحضر وفاق سطيف
اختفى بعنترياتكم وتعنتكم!!!
بالله انتو قاعدين تحضروا الكورة دي معانا…
وشايفين اللت والعجن دا
فريق ناقص ثلاثة لاعبين ومدرب من الموسم السابق يصل لمرحلة مايعرف يطلع باص؟؟
ولاعبين نص لعبهم رمية تماس!!
بالله رجعونا محل ما استلمتونا…
اسه دا يسموه شنو..
مرات بجيني احساس انو دي كاميرا خفية معمولة لينا!!
انتو شفتو مريخ السنة الفاتت يالجنة التسيير؟؟
بالله اسه دا ماسبب يخليكم تغادروا!!
انتو مكنكشين لشنو ادوني اجابه منطقيه
اعملو انتخابات وانزلو انتو زاتكم فيها لو فزتو نبارك ليكم وبعديها نكون علي قناعه تامه انو صوتنا غلط!!
لكن تقعدو كدى تعيين ونحن مضايقين !!!
حاره والله
••••••••••••••••••••••••••
حيجينا واحد ناطي ويقول دا اهلي مدني الغلب فريق المريخ السنة الفاتت في الكاملين ولجنة التسيير ذنبها شنو؟؟
حاقول ليه علي الاقل السنة الفاتت مبارياتنا الأفريقية وعروضنا كانت كافية لاشباع رغبات المدرج
لكن اسه لا افريقية ولامحلية
بالله عليكم ترجعونا محل استلمتونا!!
ماتتلم علينا مصايب كتيرة
فقر مالي وفقر إداري ولعيبة مخهم اتفرمت مع لوك ايمال…
وإدارة رضيانة تلعب بعد أربعة وعشرين ساعة ورضيانة تشوف الركل والرفس وحكم ضعيف امامها وعنتريات ملكية ولاعبي اهلي مدني !!!
لو ماوقفتوا حكام صلاح ديل كل مباراة حتشيلوا لاعب بالنقالة!!
••••••••••••••••••••••••••
عذبتونا وجننتونا
في المدرج!!
واللعيبة في الميدان حالتهم تغني عن التعليق…
معسكر مصر دا كان فيه شنو !!!
خليكم واضحين معانا ومع اللعيبة
فهمونا نحن غلط ولا انتو صاااح
خليتو الفريق ذي حلة الملاح !!
لابنشوف لي كورة ممرحلة
ولا اقوان تدينا شوية امل في الحال ينصلح!!!
••••••••••••••••••••••••••
لحدي اسه ماقادرين تقتنعوا انو الفريق محتاج لمساعد مدرب وطني فاااااهم كورة!!
ومحتاجين لدائرة كرة تصحح الاخطاء في السبورة!!
عايزين تخلو الفريق في يد الرموت الشامل!!
العلة معروفة والداء معروف عايزين تجملوا صورتكم وتحفظوا تاريخ ينفعكم الحقو القطاع الرياضي وخليكم واقعيين!!
مجاملات علي حساب الجمهور الغلبان !!
ورامين راسكم مع توجيهات الاعلام !!
مريخنا دا مخيف!!
يارب ينستر مع سطيف…
••••••••••••••••••••••••••
ختاما
ارحمونا يرحمكم الله
ومحل مالقيتونا رجعونا
••••••••••••••••••••••••••
ونحن علي المدرج بس نحنا ما نحنا
ومريخنا مامريخنا
ولجنتكم غطست حجرنا
وحتطير الجمهور من مدرجنا
ومحل مالقيتونا رجعونا
واتخذوا قرارت ترجع جمهورنا للمدرج…..
ومدرجنا امس انضم اليه شفت من الميدان عشان يعتذر علي اللي كان ناس الالتراس فجاءة لقو امير كمال
وحلف ليهم دخانكم ماكان سبب في الأقوان
تاني الناس الاتهمت الالتراس تشوف ليها حجة !!
شكرا امير كمال بس جيتك للمدرج كملهاا وانستر لينا في الجزائر وتكون فعلا كفرت عن غلطاتك
سلمنا المباراة بس نظيفة وتاني العفو والعافية..
•••••••••••••••••••••••••
خارج النص
النقل التلفزيوني كالعادة الصورة سادة ياسادة…
الالوان ضاعت مع النيلين !!
والكوره ذاتها مامعروفة ملعوبة وين!!
صورتكم تعبانة ونقل المباريات غلبكم عديل ياالنيلين !!
••••••••••••••••••••••••
همسة اخيرة
ماعايزين نفتح موضع مدير النادي
الآن!!!
واجلناه ليوم تاني
عشان نجيب تغريدة مفصلة
من عدة مصادر!!!
عشان الحصل في البوابات ماحيمر مرور الكرام!!
••••••••••••••••••••••••••
وصية اخيرة للإدارة
ماتضيعونا ومحل ما استلمتونا رجعونا!!
دا مامريخنا البنعرفو ….
شكرا لللاعبين…
شكرا للجمهور…
شكرا الالتراس
ومبروك الاهداف الجات !!
لكن شكلو كدة مجلسنا في حالة ثبات عميق
اصحى يابريش
المريخ ضائع مع صاحب السبعة صنائع!!
العلاج في يدكم وانتو عاملين رايحين!!
لنا عودة لكل شخص مفتكر المريخ ملك ليه والناس المنفردين بالقرارات !!
في ناس شقيانه عشان مريخنا يكون في العلالي
وفي ناس مرضانه عايزين يظهرو لو في الرادي
بس يشوفوكم كيف!!!!
••••••••••••••••••••••••••
نحنا نتخارج من داك يطلع لينا ده؟ خلاص المخدر فك منك ورجع ليك رشدك بعد عملية شحنيط وداغولو؟ بكرة تاني تعال ناطي لينا وأقعد طبل ولغلغ…هههههههههههههه