المريخ يخسر بهدفين امام الكوكب المراكشي ويودع الكونفدرالية وطرد حاتم محمد احمد
ودع المريخ الكونفدرالية من دور الترضية عقب خسارته بهدفين دون رد مساء اليوم في جولة الاياب بعد ان فاز ذهابا بهدف لذي لم يكن كافي للترقي لدور المجموعات بعد مباراة شهدت احداثا مثيرة بعد ان تحامل الحكم الجابوني بصورة واضحة علي المريخ واحتسب ركلتي جزاء لاصحاب الارض مما تسبب في ايقاف المباراة لفترة طويلة بسبب احتجاج لاعبي المريخ والجهاز الفني علي اداء الحكم في المباراة بعد ان اخرج الطاقة الصفراء للاعبي المريخ في حالات عادية كما طرد حاتم محمد احمد عضو الجهاز الفني خارج الملعب بعد اعتداءه علي الحكم.
حقو نتعلم
يجب ان لا نحترم أي فريق يجينا كما فعل الكوكب وده حالتو فريق عربي
حتي لو ظلم الحكم المريخ .مافي داعي للشئ الحصل ده من ضرب للحكام..كدة المريخ حايكون اكبر المتضررين لان الاتحاد الافريقي سيوقع عقوبات قاسية علي المريخ وهو في غني عنها..ربنا يسلم ويصلح حال الكرة السودانية الكل يوم ماشة في انحدار ماليه اخر
العرجاء لي مراحا .. ماذا قدم المريخ .. نهائي الدوري اﻻوربي الحكم لم يحتسب ركلتي جزاء لفريق ليفربول وخرج خاسرا 3/1 ولم يعتدي احد علي الحكم ولم يحتج احد .. متي نتعلم
اقتباس: (كما طرد حاتم محمد احمد عضو الجهاز الفني خارج الملعب بعد اعتداءه علي الحكم.)
1- (بعد اعتداءه)…!!! يا عالم ارحمونا من مثل هذه الأخطاء الإملائية.
2- الحكم غلطان ما في ذلك شك….كان مفروض يبوس رأس حاتم…!!!
المرخرخ يمرمط سمعة البلد كالعادة. بالله كان غالبكم وصعب عليكم تحرزوا ليكم هدف واحد بس
أعلن الآن وأمام الجميع بأنني قد قررت منذ اليوم 19/5/2016 أنني لن أشجع المريخ نهائيا وبلا رجعة. وهذا لا يعني البتة اني ساشجع أي فريق آخر. علشان الواحد اعصابو ترتاح. وداعا للتشجيع ووجع القلب
يعتدي علي الحكم هو قايل نفسه محمي من اتحاد اللقيمات ولا شنو؟
ههههههههه العرجاء لي مراحها…!!! وانتهت حدوتة ممثل السودان الوحيد وطارت أحلام المجموعات الظلوطية ودولارات الكاف ياحرام !!!
أمبارح شفنا فطائس وجنائز وأشباح بتجري وراء الكرة، وكبر سن اللاعبين أجبرهم علي ترك الكرة وممارسة الشلاليت مع عجائز وحمام تاني الطيش في الدوري المغربي …أما حتومي فدي هي أخلاقه من ماكان شغال جزار في دفاع المرخرخ !!!
يلا سمعونا عبارة أسد أفريقيا (العجوز المابيقتل حمامة) تاني يا ناس الكفوة، ياناس أخلاق الكفوة… عمليتكم دي أمبارح ممكن توقفكم 4 سنوات لو الكاف إتشدد في العقوبة، وإيقاف مساوي لأربعة مباريات الإتريقتوا فيهو علينا جاييكم بالساحق والبلاء المتلاحق عشان تعرفوا مين الطفا النور…. ومافي واحد يجي ينتقد المدرب ويقول مافي قامة المرخرخ، أمبارح إتضح لكل العالم إنو بالون المرخرخ نفخوهوا ناس الإعلام التحريضي، والكان ساند (عواجيزه) طول الفترة دي هي قروش بابا جمال ودعم إتحاد اللقيمات وبس…والمدرب المسكين بقت عليهو وجعة موت أبوهو ووجع القلب العملتوهوا ليهو بي مرضكم!!!
يلا يا أبو وائل أها ورينا الحصل شنو؟ مغاربة الداخل شمتانييييييين وشبعانين شماتة ومبسوطين، وتاني لو عادوا ليكم المباراة تاني الطيش المغربي برضو حايضرب الحمام…ههههههههههه
خالص التحايا والتهاني والتبريكات لفريق الكوكب المراكشي من مغاربة الداخل !!!
مراكشي أيه الجايي تقول عليه يامندلة….هههههههههههههههههههههههههههههههه
يلا تعالوا راجعين المحلي، صدعتوا بينا وأكلتوا قروشنا في الفاضي وآخرتها جبتوا لينا فضيحة (أخلاقية) للسودان الله لاكسبكم
سيكافا الجعرانية معتصم جعفر جدعها ليكم لي شهر 11 وقالوا أمبارح جاب ليها دعم سنوي بقيمة مليون دولار…بختكم ههههههههههههههههههههههههههههههههههههههههههه
أفقدوا أبونجود ياناس كورة سودانية وشوفوهوا كويس الزول ده …وتاني هههههههههههههههه
أيها المرخرخ إدارة ولاعبين
حمد لبد ودوهو الابطال ما نفع رجعوهو الكنفدرالية ما نفع ودوهو الممتاز قال عاوزو دلفري زي السنة الفاتت والاتحاد قال ليهو تكرم عيونك بس انت اهدأ شوية وروق المنقة وخليك في بيتك بجيك الكاس هناك ولكن يا ولدي المنافسات الخارجية دي دايره ليها شوية همة لانه البتسويهو كريت في القرض تلقاهو في جلدها نحن السنة الماضية اديناك الكاس وانت في بيتك لكن حق الحرام ما نفع عشان كدا شد حيلك شوية واتكل على نفسك وبرضو نحن ما بنقصر معاك داخليا
تحامل شنو .. قول بسم الله. انت ما شفت مصعب عمر سمط الزول كيف. انتو قايلين الحكام الافارقة ديل بجاملوا. يعني عشان حاسب ليهم واحدة المريخاب افتكروا ما ممكن يحسب ليهم التانية . اشتغلوا طقع. قال ضربة الجزاء التانية ما صاح قال. انتظروا سيحة بكرة.
التحكيم فااااااااشل.