نيجيري المريخ يشترط ارسال مستحقاته مقابل العودة
اشار النيجيري سالمون جابسون محترف المريخ الحصول علي كافة مستحقاته المالية بطرف النادي الاحمر مقابل العودة من جديد للخرطوم والانضمام لاعداد المريخ للنصف الثاني من الدوري الممتاز .. وقال وكيل اللاعب ان جابسون في انتظار اتصال من مجلس المريخ بخصوص تحويل الاموال بعد لم ينجح اللاعب في الحصول علي مرتباته خلال الفترة الماضية.
خسارة الواحد يقعد ويضيع وقتو في مشاهدة كورة لا بتتقدم ولا حاجه.وخسارة الاموال البتتصرف فيهم وفي سفرهم خارج البلاد .عيب والله عيب عليكم وبعدين في مليون لاعب في السودان ممكن تختاروهم عشان يلعبون في هلال او مريخ.بالمناسبه انا سمعت قالو جايبين فريق طبي للفحص عن المنشطات.هههههه دي اكتر حاجه ضحكتني كده حاولو افحصو لاعب لاعب شوفو كميه المخدرات الفي دمهم دي قدر شنو.ياخي الواحد بقي يتفرج في مباريات عالميه عشان يمتع نظرو مش يقعد يتفرج علي مباريات تحرق الدم وتفور الاعصاب
ليه ياخي بتسجلو لعيبه بالمبالغ الخرافيه دي وكلهم مانافعين.ليه ماتسجلو لعيبه سودانيين ليه .انا اقول ليكم الكورة السودانيه مبنيه علي اسس الواسطه يعني زي المجتمع الفني او شبيه بالمجتمع الفني.والله انا الان بعرف واحد شغال في مجال الضيافة اسمو زو النورين اقسم بالله العظيم الكورة العندو مافاضي لسادومبا ولا فاضي لاي محترف تاني لا نيجيري ولا بتاع.ياخي ارحمونا الله يرحم والديكم
واول لاعب انا برشحو للشطب اللاعب مصعب عمر ده.وتاني لاعب عمر بخيت لانو فات العمر الافتراضي للكورة مفروض نشوف غيرو نشوف الشباب البلعبو كورة صح
ياخي الدوري السوداني كان من افضل الدوريات في كرة القدم.الان بقي من اتفه الدوريات في كرة القدم .معقوله الدوري السعودي احسن مننا معقوووووووله الدوري المصري احسن مننا معوووووووووووووووله الدوري.معقوله ودي اخر ما كنت اتوقعه منتخب اثيوبيا يهزمنا في ارضنا.ههههههه ده كده يبقي كلام في السلك
والله مهزله واااااااخر مهزله بالله شوف واحد زي علي جعفر بعد تحنيس يوافق علي استلام نصف مستحقاته هههههههههههه ارحمونا ياوالي فقعتو مرارتنا اشطبو العواليق والوسخ امثال علي جعفر ومصعب عمر وعمربخيت والمعز وعلاء يوسف واوكرا حقيقة والله ندمنا اشد الندم وعضضنا ايدينا عليك ياغرزة مدرب زيك تاني مافي كل الوسخ دا كان ذهب الان الزعيم به لعيبه درر امثال الفولاذي عطرون وصلاح نمر وابراهم جعفر ووليد بدرالدين و محمد الرشيد وعاطف الغزالة والبرنس ادوهم الفرصة مع خيرة ضفر وراجي
اي شئ متوقع في السودان ولسة ياما نشوف .محن والله
غايتو مندلة زعلان بالحيل وفك صواريخ كتيرة خلاص…ههههههههههههههههه!!!
أيوا ياجابسون أمسك قوي في موقفك ده وماترجع إلا يدوك حقك كااااااش علي دائر المليم
الحمراء ما قالت تم تسديداتك كل متأخرات اللاعبين ؟ طلع كلامهم كذبة كبيرة عليكم بي كردنة هو الوحيد الممكن يدفع و يحل ديونكم
مفروض مجلس الصحافة و المطبوعات يحاسب الصحف التي تنشر الكذب و تضلل القراء