الهلال لتكرار ضربة شيبوب بخطف عاطف الغزالة من المريخ
يسعى الهلال مجدداً لتوجيه ضربة أخرى لنده المريخ وتكرار خطفه للاعبه شرف شيبوب بعد أن استغل الخطأ الإداري من قبل مجلس ادارة النادي الأحمر بعدم تقييد اللاعب في خانات اللاعبين المحترفين وقام بتحويله إلى نادي شبيبة القيروان التونسي ومن ثم ضمه له في كشوفاته في التسجيلات الماضية ويسعى الهلال لتوجيه الضربة مرة أخرى للمريخ بالتعاقد مع عاطف الغزالة الذي قيده الأحمر في كشوفاته في التسجيلات الماضية حيث كشف اللاعب المعني عن عرض جاد تقدم بنادي الهلال لناديه السابق الغزالة من أجل تحويله وجهته للأزرق وقال اللاعب في حديث صحفي إن ادارة نادي الغزالة كشف له أن مسئولي الهلال جاهزون بدفع مبلغ الكرت حقي وبقية مستحقاته على المريخ وطالب عاطف بحل مشكلته المالية من جانب مجلس المريخ أو إطلاق سراحه حتى يسجل للنادي الذي يقيم موهبته الكروية العالية.
هههههههههههههه كردنة وحرب الأعصاب…قلنا ليكم كردنة ده ماتتلحوهوا يامرخرخاب، الراجل ده شغال تحويلات ساي، المليون دولار يحولها ليك برة البلد زي جواب المغترب الجايي صحبة شنطة، عشان كدة كل لاعب مرخرخابي بيشوف الجرجير الأخضر الليموني ماعندو مانع يودوهوا يلعب في القيروان ولا في أمريكا الجنوبية !!!
بكرة الجماعة يطلعوا ويتحدوا كردنة إنو يقدر ينفذ كلامه ده، ويطلع الأستاذ المرشدي ويكلمنا عن المادة 55 تاااااااني وندخل في عملية تحديات ولغلغة في الفاضي، ولمن يشوفوا اللاعب لابس شعار قورماهيا الكيني قيامتهم تقوم وهاك يا الفيفا والمادة 55 والمادة 90 وهلمجرا، ومندله يلقط كلام المرشدي بي ضبانته ويجي يكتب ليهو 4 أعمدة درابية في الموضوع وبعد يومين تلاتة يمرقها لينا في كادوقلي وعييييييييييييييييييييييييييييك ههههههههههههههههه
ماسمعتوا كلامنا زمان لمن قلنا ليكم كردنة ناوي يفرتق نادي النجيمة، وقلنا ليكم بالنص الواضح، كردنة ناوي يعمل عمليته تاني ويخطف ليهو لاعب زي الصقر لمن يخطف الفرة، وقلنا ليكم الكلام ده حايكون في التسجيلات الرئيسية……يعني تبارك الله كل فترة تسجيلات يخطف لاعب من التسجيلات الجديدة بتاعتكم ويخلي ليكم العواجيز بقيادة ضفر وبجري المدينة وشنكبة والمعز محجوب وعمر بخيت وباقي المواسير الجديدة……… هههههههههههههههه كردنة ده غايتو أدخل رعب رهيب في الطيشاب، وشوف عيني الجاكومي قلب هلالابي وبعد سنة سنتين حاتلقوا الأستاذ المرشدي برضو باعكم وقلب ومندله في عجاج كرعينه……….. هههههههههههههههه
أديهم ياكردنة ولاتأخذك بهم رأفة ولارحمة
انت يا خلف الله كنت عرفتا ان كردنه ده ح يدمر الهلال
واين الضربة التي سيوجهها الهلال للمريخ؟ العصر الحالي هو عصر إحتراف . عاطف الغزالة ده لوعاوز يمشي هلال الجكو او أهلي بانتيو علي كيفو. ان شاء الله عاوز يمشي السماء الأحمر ما مشكلة. المشكلة في خبرك والبعيد بعد الشمش عن الارض وعن واقع الاحتراف والكورة حاليا وسنة 1900م.
الي صلاح ماهذا الهراء الله يعين اهلك عليك كلام خارم بارم وهطرقة وجملة مفيدة واحدة ما في كان الله في عونك
أبوالمستعار الكلام حرقه، في التعليق الأول ونسبة لتزامن وتقارب الوقت ماكتب حاجة، لمن جاء يراجع تعليقه ولقي الموضوع ده الشغلانة جننته جن….ههههههههههههههههه
قال ليك يمشي السماء الأحمر !! اللاعب عاوز يتخارج من فقر اللون الأحمر تاااااني تجيب ليهو سيرة الأحمر؟ وموضوع شيبوب الكتبت فيهو 400 مقال (معظمها لقط من عمودي المرشد وعمو أبوشيبة ) الوقت داك كان مافي عهد إحتراف ولاشنو؟ غصباً عنك، الموضوع كان تم ولاماتم برضو ضربة موجعه، وحتي لو حصلتوا الموضوع ولميتوهوا وأعلنتوا عن (نفرة زي بتاعة بنفرتنا ندفع غرامتنا) ديك ودفعتوا قروش الراجل الحكاية حاتاكل معاكم جنبة…..ههههههههههههه
يلا ياكردنة أجري إتصالاتك بي ناس قورماهيا الكيني وجهز التذاكر للولد عاطف وأحرق لينا قلب أبو المستعار الأبياري المندلاوي وباقي الجماعة…….
لكمة أخيرة: عاطف الغزالة شكلو برضو حايببح !!
حرام عليك ياكردنة، الجماعة ديل يلقوها منك ولا من شيبولا ؟؟؟