الكنغولي كاسونجو يتمرد على الاتحاد السكندري
رفض الكونغولي كابونجو كاسونجو مهاجم الاتحاد السكندري المشاركة في تدريبات زعيم الثغر لليوم الثاني على التوالي بسبب عدم صرف النادي مستحقاته المالية المتأخرة وتلقي نادي الاتحاد عرضا رسميا من نادي اتحاد جدة لاستعارة كاسونجو في فترة الانتقالات الشتوية المقبلة لمدة 6 شهور ، بعد تألق اللاعب بشكل لافت في الدوري المصري وعرض النادي السعودي 650 ألف دولار لاستعارة اللاعب الكونغولي، إلا أن مسؤولي النادي رفضوا العرض، طمعا في تسويق اللاعب بشكل جيد وبيعه بمبلغ كبير في نهاية الموسم ويحتل كاسونجو المركز الثالث في قائمة هدافي الدوري برصيد 7 أهداف، بفارق هدفين خلف نانا بوكو وأحمد الشيخ ثنائي مصر المقاصة، وكانت وسائل الإعلام المصرية تحدثت في نوفمبر الماضي عن اتصالات أجراها نادي المريخ مع ادارة الاتحاد من أجل الحصول على خدمات اللاعب على سبيل الإعارة بعد أن نجح الأحمر في كسب خدمات لاعب وسط الاتحاد عاشور الأدهم على سبيل الإعارة لمدة عام.
لزوارنا من السودان متجر موبايل1
http://www.1mobile.com/net.koorasudan.app-2451076.html
3,339 حملو التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
10130 حملو التطبيق
على متجر mobogenie
http://www.mobogenie.com/download-net.koorasudan.app-3573651.html
1000+ حملوا التطبيق
مسرحية خروف الضحية
الشخصيات: تاجر المواشي، السمسار (زولنا داك)، غشيم حنفولي، صبي تاجر المواشي
المشهد الأول (مكالمة تلفونية بين التاجر والسمسار):
السمسار: آلو، كيف الأخبار؟ أها أنا جايب ليكم بيعة سمينة في الخروف الحمري !
التاجر: مرحب حبابك، والنظرية شنو؟
السمسار: المرة الفاتت الخروف الإشتريناهو منك بي 450 ألف ضيعتنا وماعشيتنا كويس !
التاجر: يازول تب ماعندك عوجة، إنت نجض لينا البيعة المرة دي ونحنا مابنقصر معاك، طيب أها ياهو زولك زاتو ولاغيرو؟
السمسار: ياهو زاتو، وهو ماعنده مشكلة نحنا بنشاور عليهو وهو بيدفع، حتي البهيمة ماقاعد يجسها، بس عاوزك لمن نجي بعدين تقول البيهيمة دي ناس الصادر بتاعين جدة دفعوا فيها 650 ألف !
التاجر: طيب وإنت فهمك شنو في البيعة دي؟
السمسار: لمن تقول البهيمة بي 650 مابعتها معناتها تركبه طوالي في المليون، بس أنا حقي 200 ألف، قلت خير نتم الشغلانة ……
التاجر حبابك ألف وماعندك عوجة !
المشهد الثاني: (الحنفولي والتاجر والسمسار)
التاجر: حباب الرجال ومرحب مرحب والله
الحنفولي: يا مولانا البهيمة الفاتت طلع عمرها كبير، وبعد ده كل يوم جارية عند الجيرانK وعصرتوا علينا في سعرها كتير !
التاجر: يمين أديناك ليها بي راس مالها، ولو ما زولك المعاك ده………
يتدخل السمسار مقاطعاً: ياحاج نحنا ورانا حاجات كتيرة، خلينا نتم البيعة ونتوكل نشوف مشاغلنا !!
الحنفولي للسمسار: رايك شنو؟
السمسار: ياريس والله بهيمة زي دي السوق كلو ماتلقي زيها، وأنا خايف ناس زروق يكون مرسلين ليها زول !
التاجر: صدقت يا الأفندي، زروق رسل ولده الصباح وقلنا ليهو متكلمين فيها، بس السوق مابيستني، فورونا نضمكم !
الحنفولي: أها وعاوزين فيها كم؟
التاجر: مليون وميتين !
الحنفولي: ماكتيرة؟
تاجر المواشي: وحياة أولادي ناس الصادر بتاع جدة دفعوا فيها 650 ألف ونحنا رفضنا، وإنتوا زباينا وأحبابنا وغالين علينا جداً !
السمسار: خلاص ياحاج باركها لينا بالمليون ! ياريس كدة أنا شايف السعر مناسب، وزروق لو جاء بيدفع فيها المليون وميتين !
الحنفولي: خير إن شاء الله
تاجر المواشي: ده إنتوا حبايبنا ياريس، وكلنا بنشرب من مويه واحدة، ونحنا نخدمكم بي عيونا !
صبي تاجر المواشي: بسم الله توكلنا علي الله ! ويخرج حبل من جيبه: ياعمك الحبل ده في السوق بي 20 جنية، أدينا أي حاجة وما مشكلة……..وبعد أن رفع الخروف في العربة ناوله الحنفولي ورقة من فئة الخمسين جنية وأشار للسائق بالتحرك !
المشهد الثالث: (السمسار وتاجر المواشي)
السمسار: سلام ياعمنا، أسمع حول لي المبلغ في حسابي عندكم هناك !
التاجر: إنت حبيبنا وعلي عينا وراسنا، بس ماتنسي تشوف لينا بيعة جديدة !
السمسار: يازول ماعندك أي مشكلة !
الختام: (صباح العيد)
الجماعة ناس الحنفولي جاهم ود عم ليهم من البلد، جس البهيمة لقي ليك بطنها كلها ملح وسنونها كباااااااااااااار لمن لونهن صفر، ولمن ضبحوها قال ليك اللحم ينجضوا فيهو من بعد صلاة العيد لحدي صلاة العصر مانجض !!
لكمة أخيرة: ……………………………….