المريخ يكتسح ريفرز يونايتد برباعية ويتأهل لمجموعات الأبطال

مبروك لمريخ ابسودان وعقبال للهلال وهلال شيكان والارسنال شندي والى الامام كل ممثلينا في البطولات ..فلنترك التعصب ونرتدي ثوب الوطنية ليكون الهلال بجانب المريخ واهلي شندي مع هلال شيكان.

كشف سيرجي روبرتو نجم خط وسط برشلونه
أن السر وراء التأهل التاريخي للفريق يكمن
في ثقة وإيمان الفريق !!
“””””””
حقيقة ..
كنت اتحاشي عن عمد الدخول إلى هذا الموقع !!
طيلة الفترة التي تلت خسارة المريخ في جولة الذهاب
أمام ريفرز يونايتد ..
لقد تأثرت كثيرا !!
واكثر ما كان يحزنني سلسلة المقالات
التي كتبها الاخ الاستاذ/ بابكر سلك ..
التى كانت تبث الأمل والوجع في الوقت ذاته !!
كنت احس بالألم يجثم في كل كلمة من كلمات المقال ..
تمنيت من كل قلبي ان ينتصر المريخ ..
تمنيت أن ينتصر المريخ فقط من اجل
بابكر سلك !!
هنالك مقولة شهيرة لأنيس منصور تقول :
الذي لا يعرف الصبر لا يعرف الحب !!!!
وقد وجدت الرجل صابرا
يملؤه الإيمان بأن الآتي اجمل !!
بابكر سلك هو ..
اشعر بأنه طفل بريء
كأنه ملائكة بعثها الله
لتثبت أقدام لاعبين و جماهير وعشاق الاحمر العظيم !!
“”””””””
أقسم بالله اذا لم ينتصر المريخ
فإنني سوف أغادر هذه الموقع وإلى الأبد ..

لقيمات لقيمات وضبح في الظلام
عمك أبوالمستعار ركبينه ساحت وكان حايروح فيها ههههههههههه
قلت لي طفل وملاك وكنت حاتخلي الموقع؟ يا راجل إنت بتقدر؟ وتمشي وين تاني هههههههههههههه

والله الواحد لو ممكن يغادر الموقع ده بكون بسبب (الجهال الفيهو)واسف إن مست هذه الكلمه احد بس للامانه في ناس بحسسوك إنك إنت قاعد في المكان الغلط من حق اي شخص
يمدح ويمجد فريقه بماهو فيه وان يناكف في حدود الزوق العام
والاهم من ذلك عدم نشر المعلومات المغلوطه وعدم الإساءه للاخرين الخصوم والكتاب إنتقد مايكتب في حدود الطرح
انتقد اخطاء الإداريين واللاعبين والمدربين بعيدا عن ذاتية الشخص وكما تقول المقوله علي الطبيب ان يحارب المرض
وليس المريض .ولو الناس دايره مسخره بنخلي اي منطق وبنقبل إساءات وقبيليه وشتم وإستهزاء بس هل الكلام ده
او الإفتراض المابنقدر نعملو ده بفيد بشي اوبيرضي ربنا
ياخي المتداخلين اظن اغلبهم شباب رجاءا اثرو الساحه دي
بالافكار .وكمان الناس ماتزعل لو إدارة الموقع اجتزت بعض الكلمات او كل المشاركه اوتاخرت في تنزيل الرد .ولو دايرين
النصيحه لسه فرقنا بعيده من البطولات عشان مانكتب كلام وبكره نتصدم بالواقع .