* المقارنة الفنية بين اسد شيكان وتريعة الصفر معدومه
* فتريعة الصفر فريق (اذا جاز لنا ان نطلق عليه فريق ) مفكك الاوصال
* جايط
* حتي ان بعض اطفالنا قايلين بشة وكاريكا اداريين بحسب السن
* فريق مهاراته تتمثل في شلوت الدمازين وبونية تيتيه وكوع شيبولا
* الافضل لكردنه ان يشارك بهذا الفريق في منافسات المصارعه الحره
* يمكن يجيب بيهو ميدالية تخارجو من الصفر ده و يتحول اسمو من تريعة الصفر لي تريعة الماصفر
* واذا استمر هذا الحال بالتأكيد سيستمر صفر تريعة الصفر ملازما لتريعته المحببه مدي الحياة
* واليومين دي تريعاب الصفراب ماواجعهم صفرهم الدولي قدر وجع التش
* وسمح التش كعب الغش
* المهم
* تنتهي اليوم الفرصة الاخيرة التي منحها جمهور الاهله الشرفاء للمقالب التي تمثل بالشعار
* كانوا يعتقدون انها مواهب
* قلنا ليهم دي مقالب
* الي ان اكتشفوا الحقيقة
* تنتهي اليوم الفرصة الاخيرة لمقالب تريعة الصفر ليقول شعب الهلال كلمته
* ومابخارجكم من الحته دي يا روشا الا اخطاء التحكيم (الغير مقصوده )
* يعني بلنت مع القوز الحكم مايشوفها
* تسلل محمد موسي وفي نفس اللحظة رجل الخط يعطس ومايشوفها الا في الشبكة
* كمان في زول بقصد يعطس يا اب شيبه ?
* العطسه هي فعل لا ارادي يخرج من الخياشيم تعبيرا عن رفض الجهاز التنفسي لجسم غريب
* وفي جسم اغرب من الكورة في شباك الهلال يا اب شيبه بالنسبه للجماعه ديل ???
* ايها الناس
* هلال شيكان فريق كبير يعرف داير شنو بالضبط
* مهند ماضروري يحتفل بعد الهدف اكراما للميت ما قلنا شئ
* لكن الاصرار علي احراز الهدف هو قمة الخلق الرياضي
* اما الديسكو فمطالب بان يثبت علو كعبه
* وان يثبت ان هلال الرمال ماصنعو خالد بخيت بحسب ما اشيع
* الكلام ده كتر يا ديسكو
* المهم
* ماعارف الحكم منو
* لكن لو حكمها اب شنب
* صدقوني درون
* لانو الصدفه وحدها هي التي ترمي باب شنب حكما في مباريات الهلال لما يكون مستواه في واطات الله دي
* وغالبا تنتهي تلك المباريات بالتعادل
* والغريبه نفس الصدفه هي التي تقود اب شنب ليقود مباراة طرفها المريخ في الولايات
* وبالصدفه تنتهي تلك المباريات بالتعادل برضو
* ويا محاسن الصدف
* محاسن قصي القمبور ده
* ايها الناس
* ايها الناس
* وصيتي لطاقم التحكيم بالحكم الرابع
* ضموا رجلينكم التش في المنطقة
* احمد طيب محمد موسي من المنورة الكواهله هو صاحب اللوري الشهير
* اللوري المكتوب عليهو التش…. التش
* وانا اضيف ليهو العفش في التش بتفتش
* وهكذا هم الشفوت دوما ولاء للكيان في جميع الاحيان
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* قاعدين نتونس مع بعض اهالينا
* نطه خالا لينا
* قال زمان بنمشي بالقطر من مدينة لي مدينه
* قلت ليهو يا والينا
* القطر الله يرحمو???
سلك كهربا
ننساك كيف والكلب قال يا حليل القطر والعسل المقطر ومجانية التعليم من الروضة لامن ولدنا يتدكتر
والي لقاء
سلك
الاستاذ سلك …لك التحية و الاحترام … ارجوك لا تقذف باسمك الي مدارك الانحطاط … سيبك من هذا الاسلوب الذي يخصم منك كثيرا و انت الشخص المثقف الذي يحمل كثير من هموم الوطن … ارجوك ابتعد عن الاسفاف في الكتابة …
الاستاذ سلك …لك التحية و الاحترام … ارجوك لا تقذف باسمك الي مدارك الانحطاط … سيبك من هذا الاسلوب الذي يخصم منك كثيرا و انت الشخص المثقف الذي يحمل كثير من هموم الوطن … ارجوك ابتعد عن الاسفاف في الكتابة …