دعوني اعيش

في السلك

بابكر سلك

* اوكتاي ?
* اوكتاي اوكتاي اوكتاي
* الاسم ده ماغريب علي
* ياربي الاسم ده سمعتو ويييييين ?
* مامهم وين المهم سمعتو متين
* سمعتو متين ! *سمعتو متين !
* سمعتو متيييييييين ?
* ايواااااا
* تلك
* ده موش الزول ال
* لا لأ ده ماياهو
* اوكتاي منو ياربي ?
* يكونش اوكتاي ارجان???
* ايوااااااا
* اوكتاي ارجان
*لكن اوكتاي ارجان ده سمعتو وين يا ربي سمعتو متين يا الله !!!!!
* علي بال ماتذكرو
* احكي ليكم الحكاية دي
* مرة كده مشينا مصر
* بدري الكلام ده
* ايام مصر مصر
* سكنا في شقة ولا عليك بيها
* لمن نفتح الماسورة المصريين الساكنين تحتنا الموية مابتجيهم
* بقوموا يتضايقوا
* ويكوركوا
* (يا اللي فوء ) كرهتونا الميه
* مش عارف منين بتتحدفوا علينا
* هيا البلد طايئة اهلها ?
* قصة حلوه خلاص
* لكن اوكتاي ده ماغريب علي
* ياربي الاسم ده سمعتو متييين يا حسين ????
* ايها الناس
* موت الحقيقة واقع
* والثغرات تمكن من الدخول لخصوصيتنا
* ولا تفتح الثغرات علي جدار حصننا الا من الداخل
* ذلك هو الواقع المرير
* و الكيان يتلوي ويلاوي البلاوي ويقاوم ويلاوي
* وعلي عينيه نقرأ
* دعوني اعيش
* ايها الناس
* اوكتاي !
* الاسم ده ماغريب علي
* لكن وعدتكم اني حا اتذكرو
* وبتذكرو
* ابقوا معنا ان كان في العمر بقية
* لكن علي الطلاق بتذكرو
* اصبروا لي
* المهم
* ماذا يحدث في المريخ ?
* المريخ العشق والوطن والانتماء
* ونحن بكل انصرافية ندور حول اسباب الكارثه مركزين اعيننا علي الفيل وعاملين ماشايفين
* واذا سألونا ده شنو ?
* نقول ضلو
* انصرافية تجعل من اسباب مشاكلنا محاور انجاز لا نقبل النقاش فيها
* ويضيع المريخ
* لانه مخنوق ومكتف
* يفتقد للاوكسجين
* ونفقد الامل في حياته
* لتعبث به ايادي المرض فيمرض حقيقة ويفني مجاز
* الموت السريري مابشبهنا
* ونبقي نحنا مع الطيور
* ايها الناس
* التسجيلات زي عزيل التمر
* يختوا ليك الصحن مليان تمر
* تقعد تعزل تعزل وتاكل
* بعد شوية تدخل علي التمر القبيل زحيتو
* وفي الآخر تلقي روحك اكلت صحن البلح كلو
* وما في فرق بين التمرة الاولي والتمرة الاخيرة
* لذا
* ولذلك
* ولكل ذلك
* حقوا ننسي موضوع التسجيلات ده
* نلم القروش الراصدنها للتسجيلات
* ونفعل نفرة للانعتاق
* ونحلحل كل الديون بعد التقصي عنها
* وتمليك الرأي العام حقائق تلك الديون
* وتواريخ نشأتها
* وماذا فعلنا بها
* ثم بعد ذلك نبدأ في العمل بدراسة جدوي دقيقة نفرد فيها سواقيننا قدر لحافاتنا حتي لا نكمل موسما وعلي عاتقنا اوزار ديون تضعنا كمدعي عليه امام الفيفا والكاف وامام محاكمنا الوطنية بمختلف درجاتها
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الفرح بقي لا بلاقينا
* لا نلاقيهو
* لا نتلاقي
* لا نتلم
* وكلو زول فينا يعاين لي الناس ويقول عمري قصير عمركم كم !!!!
سلك كهربا
ننساك كيف والكلب قال لسه الدولة تبذل الجهود مضحية لاجل المواطن وتبذل الغالي والرخيس في سك ستات الشاي ??? ستات الشاي زاتن ثقيلات خلاص… سك زي ده لو سكتوا الدولة للباعوض كان انقرض
والي لقاء
سلك

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق