خراتيس
عن كثب
إدراك عبدالرحمن
جمعة مباركة
كلمة خراتيس كلمة محببة للهولاندين والبلجيك والالمان وطبعا الزواروالسياح واللاجئين لانها تعنى مجانا.. فرى.free.ولكن السودانيين بسموها ملح ياعمك..اول ماتجى اوروبا اتعلمGRATIS ان ليقيتها فى البص ماتدفع ولا قدام مشاريب اسكت اشرب…ملح ..خراتيس..اكل ونوم..خراتيس سااى..لكن الاغنياء طبعا بحتقروا ناس الخراتيس لانو ماممكن يعزم خطيبتو فى مطعم خراتيس او سينما راقية خراتيس..عموما وقع لاعب للمريخ خراتيس حبا فى الشعار وطبعا سخرت اندية القمة والممتاز فى كونوا لاعب يوقع مجانا لافلاس نادى المريخ المؤقت لظروف ندركها جميعاولكن هذا التوقيع ذكرنى الايام الخوالى للكرة السودانية حتى انجازات المريخ وابداعات لاعيبه حامد،كيغان،عاطف.والمرحوم سامى وبقية العقد الفريد كانت اجورهم ضئيلة وانجازتهم ضخمة..قاقا الاساتذ الرمح الملتهب والدحيش..واغلى لاعب وقع الهلال انذاك الوقت الديسكو ابرهيم هارون لاعب كوبروقع ب300جنيه انذاك الوقت ان لم تخنى الذاكرة واشترى موتر ظريف يعنى ما لاحق عربية واثرى الملاعب فن وابداع …توقيع محمد داؤؤد قد يكون مكسب كبير لانه يلعب للشعارفقط..اخير من الناس البقبلو الفنايل ويبوسها ويلهث من اجل المادة حال ما وجد عرض اخر..وقد تنطبق على الكورة قلة المهر فالبركة دائما فى القليل لان الله لايحب المسرفين..المشكلة لو بستحق حلال عليهو لكن شوف وارقو هل بستحق كل هذه الهيصة وكثير ماهم..اتوقع لمحمد النجاح بنسبة كبيرة لان البركة والرغبة اقوى..وعموما المريخ امام محك صعب نظام ياتعشى البيت يا انقطع الخيت..امكانية ضعيفة نصيبها الفشل غالبا الا اذا كان الفريق كله محمد داؤؤد.
الازرق الوهاج لم يفصح ن عودة بشه..بشه السكاته الذى اسعدنا يقف فى الطابور التسجيلات ومفروض هو وبويا هم من يفرعوا التسجيلات اللهم طولك ياروح..
الهلال يقال انه سجل لاعب اياكس امستردام حكيم طبعا ذهلت لان حكيم وقع لااياكس امستردام ب11مليون يورو لمدة اربعة اعوام واتضح ان حكيم المقصود لاعب اياكس كيب تاون..اسم على اسم داك حكيم زياش لاعب المنتخب المغربى وده فتى اندارايج دون التمانية عشر موهبة طيب وليد علاء موهبة ياجماعة الكاس داير عيار ثقيل واخاف ننبرش ونحن فى انتظار الاخطر من سماتا ياكاردى.
قصاصات
التمهيدى افضل من ال32احسن نفهم الحاصل والبطل بطل مهما حصل.
اللجنة الفنية للهلال اخاف من الطبزات فكو الرهائن
معقول البيحصل فى المريخ ياخوانا ده المريخ ولا بتهزرو..اها والمدرب خراتيس برضو والاعاشات والحوافز برضو خراتيس…
حبيبنا هيثم صديق من هنا وهناك من جا قون السمؤال لغى الصداقة ياراجل الصداقة كوم والكورة كوم..فى مريخاب صناديد رغم الصداقة ما قلعو اليارمولكا الحمراء..ويداعون بشراسة عن الاحمر
بدور ببكى…
شمهروش فى اجازة لكن قلت ليهو التوقيع للمريخ بقى خراتيس ضحك …قال لى زمان المريخ من جمال فات شربها…شربها كده كع كع كععع……
يتبع
تحياتى
(قُلْ إِنِّيَ أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ
حمل تطبيق كورة سودانية لتصفح أسرع وأسهل
لزوارنا من السودان متجر موبايل1
http://www.1mobile.com/net.koorasudan.app-2451076.html
3,699 حملو التطبيق
لزوارنا من جميع انحاء العالم من متجر قوقل
https://play.google.com/store/apps/details…
13230 حملو التطبيق
على متجر mobogenie
http://www.mobogenie.com/download-net.koorasudan.app-357365…
5000+ حملوا التطبيق
