عايرة ياشداد

في السلك

بابكر سلك
عايرة ياشداد

* قرار لجنة البلولة واشباه البلولة حول استئناف اهلي عطبرة
* والذي تزين بارجاء النظر في طلب رابطة كوستي
* والذي شابه قرار لجنة الانضباط حول جمال سالم واهمالها للخمسة بلنجات التي اداها اوتارا لدراج لاعب نفس اهلي عطبرة
* كلها قرارات مخجلة تثبت انو سن المعاش الخواجات ماعملوها ساي
* فلجان شداد تثق في ان شداد يقوم يا الله ويقعد يا الله بدليل انه تلقي تهاني الفوز قيام راقدا
* لذا استشرت مثل هكذا امور وقرارات
* وعارت
* عايرة ياشداد
* وتأكدنا من انها عايرة بمجرد تعيين البلولة واشباه البلوله في اهم لجان الاتحاد العدلية
* لكن غلطان الفكاها غارت ولا اللقاها عايرة اداها سوط??
* الرأي عندي غلطان الفكاها عارت
* المريخ هو الفكاها عارت
* لذا ناس البلولة وقعوا فيها سيطان
* والغريبة سعادتو عامر قاعد جوووه الاتحاد
* والمريخ يهان ثم يهان ليهان من جديد
* فكيناها عارت
* لاننا تناحرنا وانقسمنا وجعلنا ولائنا للافراد و نسينا المريخ فنسينا البلولة واشباه البلوله وامثال اتحاد شداد
* ايها الناس
* علي عاتق مجلس المريخ يقع عبء تصحيح الاوضاع واعادة الامور لجادة الطريق او الحريق
* اول حاجة نسك قصة البونيات الخمسة بتاعات اوتارا علي وجه دراج
* وبعدها ندلف للعمل القانوني حول قضية باسكال
* فاذا كانت لجنة البلولة واشباه البلولة قد اعتمدت علي رد رئاسة الجمهورية بان جنسية باسكال قد تم سحبها بناء علي طلب من نادي المريخ
* فان هذا الاعتماد يقوم علي مخالفة دستورية كبيييييرة
* فلا يحق قانونا لاي شخص طبيعي كان او اعتباري او هيئة ان يطلب اسقاط الجنسية او سحبها عن شخص يتمتع بها اطلاقا
* ورئاسة الجمهورية طال عمرها لما سحبت او اسقطت جنسية باسكال بناء علي طلب المريخ هل اخطرت مقدم الطلب ?
* منين يا حسرة اذا كانت وزارة الداخلية صاحبة الجلد والراس لاتعلم !!!!
* ده كلو خليهو هل تم اخطار باسكال بذلك حتي يمارس حقه الدستوري ويطعن دستوريا وفقا لبنود قانون الجنسية ?????
* ده كلو ما حصل طبعا
* افتينا يابلولة ارتكزت علي شنو غير الهلالية في هذه القضية ????
* واسألوا لينا معاكم رئاسة الجمهورية عملت شنو في طلب المريخ لسحب جنسية جابسون ???
* ولا طلب زي ده مابتسكوا قرارو ?
* ايها الناس
* نريد شخصية فقدناها بتجاهل الكبائر والتفرغ للتناحر الداخلي
* واذا كان مجلس المريخ يهمه التأييد الجماهيري
* علية ان يقاتل في هذا الشأن ويستعيد كل اراضي وحقوق المريخ المسلوبة علنا وحمرة عين
* حتي ولو وصل الامر لمقاطعة التنافس ولو يقرروا ينزلونا درجة تالته
* خلاص طهقنا
* ايها الناس
* هل تم منح اوتارا الجنسية ?????
* طب لييييييه !!!!
* المهم
* كلو شيخ وليهو طريقتو في الادارة
* يري بعضهم ان الاستثمار في التيم
* ويري البعض الآخر ان الدكاكين هي ضرب من ضروب الاستثمار
* ولكن يتفق جميع الشيوخ علي ضرورة الاستثمار
* ويعمل بعضهم بمقولة بالدين نسوي الزين
* وبعد داك يحلها الحلال
* هي نظرية ممكن تنجح في اي زمان اي مكان الا في هذا الزمان في السودان
* فدين مية دولار الليله لو بي مية جنية
* بتحلو السنة الجاية بمليون ويمكن مليار والمية دولار ياها نفسها المية دولار لكن (المي هاااار )
* شخصيا احب العمل بمقولة فقران من دين غني
* لذا انا شايف نافي داعي لاجانب يدخلونا الفيفا
* بيهم وبراهم بنطير في مراحل معينة
* تسجيلات هدوم العيد دي ماحبابها
* طالما عندنا الغيار الانيق والنضيف البنقشر بيهو في العيد
* مافي داعي للشوفونية والمديونية والحيرة
* ايها الناس
* غيب الموت عنا الكابتن الفنان الخلوق كمال نوار
* كان مدافعا حريفا ماهرا في زمن الدفاع فيهو شلاليت
* لعب للمريخ موسما أهله للتربع داخل قلوب المريخاب العمر كلو
* كان حنين جدا
* لذا لم يستطع فراق الاهل والاحبه والاقامة بالخرطوم
* فعاد لعروس الرمال حنينا
* تعلقنا به وتعلق بنا ولكن قدر اراد شقاؤنا
* له الف رحمة و نسأل المولي له الجنة
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* بقينا نخاف علي البامبرز اكتر من فلذات كبادينا
* الشافع كان انشرط ببره يا والينا
* لكن البامبرز لو انشرط ووووووب علينا
سلك كهربا
ننساك كيف والكلب قال الحل في التأصيل عودوا للبربحه والمشمشه والاحجار وتوب حبوبة
والي لقاء
سلك

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html
3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…
5000+ حملوا التطبيق