طيارة الهلال جايه 2 بالليل
في الصمت كلام
محمد عثمان بلل
طيارة الهلال جايه 2 بالليل
• أهلنا الطيبين عندهم (نضم) جميل ما موجود في اي مكان تاني.
• في اي مكان في ربوع السودان عندنا كلام (زين).
• في مغتربين كدا لما يتذكر الأماكن الساحرة وناسها الحلوين وجلسات الأنس طوالي يقعد يبكي.
• في نوع تاني كمان دا فايت الحنية بي غادي.
• برجع الوطن طوالي .. عشان مشتاق (للنضم) الجميل دا.
• كلام بتقال بعفوية ودون ترتيب .. لو زعلان بتهدأ شوية.
• كمان كلام الزمن دا (كلامو) براه.
• عادي ممكن يقول الزول دا جاء الساعة 2 بالليل.
• طبعا قصدوا الساعة صباحاً ودا الصحيح.
• لكن أهلنا الطيبين بالعفوية الموجودة عندهما بقولوا كدا.
• اسي يا اهله هلالنا راجع البلد 2 بالليل او فجر الجمعة.
• عايزين جماهيرنا الوفيه تستقبل الأبطال ديل.
• عارفين الزمن متأخر .. لكن نعمل شنو .. ظروف الطيران.
• مباراة الهلال مع ليسكر الثلاثاء الجاي.
• قربت شديد.
• الوقوف مع نجوم الفريق مهم للغاية.
• والأهم من كدا رفع الروح المعنوية.
• كلنا عارفين المباراة صعبة خلاص.
• الأزرق متأخر بهدف.
• طبعا التعويض م صعب.
• بس يظل سيدالبلد خاسر بهدف.
• ومحتاج لهدفين عشان يتأهل.
• ما صعب علينا.
• والفريق الضيف جاي بخطة مختلفة شوية.
• عايز يحافظ على الهدف دا.
• يمكن يلعب المباراة كلها دفاع منطقة كامل.
• كدا المهمة الهلال بتصبح صعبة.
• وقفة الجماهير بتساهم كتير في الفوز على الليبيري.
• الفريق دا مدعوم من جورج ويا.
• فرسان الهلال محتاجين راحه.
• الارهاق كان واضح في مباراة الذهاب.
• المباراة صعبة.
• والتأهل مهم.
• الهلال وبس.
(نضم زين) ..
• أنـا العُمـر بفنيهو لي زول إصطفاني.
• ولسـه قلبي عليهو وقلبو علي حـاني..
(صمت اخير) ..
• اكيد بكرة أحلى.
حمل تطبيق كورة سودانية لتصفح أسرع وأسهل
لزوارنا من السودان متجر موبايل1
http://www.1mobile.com/net.koorasudan.app-2451076.html
2,456حملو التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
17756 حملو التطبيق
على متجر apkpure
https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app
على متجر facequizz
http://www.facequizz.com/android/apk/1995361/
على متجر mobogenie
https://www.mobogenie.com/download-net.koorasudan.app-3573651.html
على متجر apk-dl
http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9
على متجر apkname
https://apkname.com/ar/net.koorasudan.app