أضبط .. تخطيط مريخي عشان الهلال ما يشارك في الكونفدرالية ..!!

في الصمت كلام
محمد عثمان بلل
أضبط .. تخطيط مريخي عشان الهلال ما يشارك في الكونفدرالية ..!!

• الجميع تابع فرح الغلابة
• الغلابه ديل طبعا المريخاب.
• (يااخ ديل فرحوا فرحه في الدنيا دي)
• كبير يا هلال.
• عذاب شديد.
• توغو بورت منح الغلابة سعادة من مافي.
• مفروض تعملوا تكريم للموانيء.
• رجع ليكم السعادة من تاني.
• طلعتوا من الحالة الكنتو عايشين فيها.
• بعثة الموانيء لسه قاعدة في البلد.
• أمشوا حصلوا الناس دي قبل ما ترجع بلدها.
• لحدي الليلة عايز أعرف سر فرحة المريخاب عقب كل خسارة للهلال.
• أو من الخروج من بطولة خارجية.
• عارفين ديل احتفلوا بفوز أهلي شندي ببطولة كأس السودان أكتر من جماهير النمور.
• برضو كبير يا هلال.
• صعب يا أزرق.
• المريخاب ديل أو اهل الوصيف عايشين في مشاكل ما لا عندها أول لا آخر.
• نادي عندو مجلسين.
• وكل طرف متمسك في إدارة النادي.
• وكمان قبل يومين المجلس المنتخب قام بتعيين مدرب مغربي.
• يعني الوصيف أصبح عندو مجلسين.
• ويقوده مدربين.
• والله دي في الافلام الهندية ما حصلت.
• ولو اتكملنا عن فريق الكرة.
• حدث ولا حرج.
• مستوي ضعيف في الدوري.
• خسر أمام الفرسان.
• جمهور ساخط على مستوي اللاعبين.
• يعني حالة تبكي بس.
• نحن زاتو أشفقنا عليهم من الحالة دي.
• حتي في ناس طالبوا كردنة برعاية الوصيف.
• منعاً لتلاشي الندية بين الناديين.
• بعد الحاصل دا كلو دخلوا في افراح هستيرية بسبب خروج الهلال من أبطال أفريقيا.
• وأحلي ما في الموضوع.
• الجماعة ديل حصلت ليهم حاجة مهمه كدا.
• حالة زي (الكهرباء لمن تقطع)
• حالة سكون.
• حالة غريبة.
• عرفوا تحول الهلال للكونفدرالية.
• (الشماتة) استمرت 24 ساعة فقط وبعد داك (عادت حليمه).
• قالو الهلال نازل من أبطال افريقيا.
• وفرق الكونفدرالية ضعيفة.
• وممكن عادي الهلال يشيل اللقب.
• طبعا في نفس منهم لمن وصلوا للتفكير في المرحلة دي دخلوا في حالة اغماء.
• معقولة الهلال بعد دا كلوا يشيل لقب خارجي.
• عارفين قالوا شنو.
• قالوا أحسن كان يواصل في دوري الأبطال.
• هناك على الأقل ح يواجه فرق كبيرة.
• وفرصته ضعيفة جدا في الحصول على اللقب.
• (هاهاهاهاهاهاهاهاهاهاهاهاهاها).
• الضحك والله العظيم حقيقي.
• من الأعماق.
• شفتوا تفكير الناس دي وصل وين.
• كبير يا هلال.
• يا معذبهم يا هلال.
• عارفين عملوا شنو تاني.
• بقوا يشوفوا ناس توغو بورت ديل (عشرة عشرة).
• نحن زاتو بعد ما نسينا وداع الابطال وبنفكر في الكونفدرالية.
• المريخاب عايزين يرجعونا للمشاركة في الأبطال من تاني.
• عشان ما نمشي الكونفدرالية.
• وحسب تفكيرهم يمكن الهلال يشيل اللقب.
• عموما نشكركم جدا على الشعور النبيل دا.
• وعايز اقول ليكم حاجة مهمة.
• انسوا الهلال.

(صمت اخير).
• كبير يا هلال.

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملو التطبيق      

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app