في الصمت كلام
محمد عثمان بلل
يا حليل كورة الجزائر ..!!
• كورة الجزائرة بالجد انتهت.
• معقولة يا ناس المولودية ما قادرين تغلبوا الوصيف.
• تهدروا ضربة جزاء وكمان مهرجان اهداف.
• انتو ما شفتو اهلي مروي جرس الوصيف كيف.
• ولا الخرطوم الوطني عمل شنو.
• تاني جايين تعملوا شنو في ام درمان.
• انا لو في مكانكم بكتفي بمباراة الذهاب.
• فريق الكورة كلها ضاغط الخصم داخل خط 18.
• وبعد دا كلوو الشبكة هوااا ساي ما خلالها تتحرك.
• بالجد بعد ما شفنا مستوى الاتحاد والمولودية.
• كورة الجزائر انتهت يا جدعان.
• حليل زمن الاتحاد كان اتحاد.
• والمولودية كانت مولودية.
• لو كانت الفرق دي جاهزة بالجد الوصيف ما كان بياخد ثواني.
• الجماعة شايف بقولو كلام كبار كبار.
• كلام زول ما مصدق الحصل.
• قالو جوائز البطولة العربية اكتر من الكونفدرالية.
• دولارات تقيلة.
• عندهم نية يشيلوا الكأس كمان.
• معقولة التعادل مع فريق تعبان يخليكم تقولو كدا.
• كلو من ناس الجزائر.
• دا كلوووو حدو لمن تلعبو مع سيدالبلد.
• هنا الكلام انتهى.
• بالجد الكلام انتهى.
