*رفض اتحاد العرب للمريخ الطلب
*لكنها شدة وتزول
*تزول اذا طبقنا واقعا مقولة المريخ بمن حضر
*اذا استشعر الاولاد المسؤولية وصمموا علي التأهل للنهائي حتي ولو خاضوا مباراة النجم سبعة لاعبين فقط
*حرارة القلب والتضحية لاجل هدف منشود
*الحكاية
دي بتخلي اللاعب لاعبين
*وشدة وتزول
*بالامس حملت الانباء اصابة الغربال في المباراة التجريبية
*وشدة وتزول ياهداف العرب
*لازم تزول كي تزيد عدد اهدافك وتنفرد بصدارة الهدافين
*شدة وتزول
*وضياء الدين يتماثل للشفاء
*وشدة وتزول يابطل
*ايها الناس
*تخيلوا روعة المشهد
*المريخ بملعب العين يملا العين
*والمدرجات تزدان بشفوت المهجر
*وعلي المقصورة الرئيسة يشرق سمو الامير تركي
*والي جانبه اعضاء مجلس المريخ
*جميعهم
*منتخب ووفاقي
*ورايات الزعيم ترفرف علي جنبات الاستاد
*تتشاف من الفجيرة وابوظبي والشارقة
*والنظروا تمام من جدة بشوفها
*واذا العين مافيها غشاوة
*من العرضة شمال بتتشاف
*لايعمي عن شوفتها الا الرمد
*تخيل روعة المشهد
*لذا اقول لجمهور المريخ الشفت
*اشوووفك
*بكرة في الموعد
*لازم نجي كلنا
*وتصوووور
*روعة المشهد
*مشهد صعودنا علي اكتاف النجم لنهائي العرب
*واذا اجدنا اداء هذا المشهد
*سننتقل مع المخرج المبدع زولفا للمشهد الاخير من مسلس مرحب بكأس العرب
*ايها الشفوت
*لن ننتهي من تصوير تلك المشاهد الا اذا كنتم حضورا مشرفا مميزا وممتازا
*زئيركم هو موسيقي المشهدين التصويرية
*واهازيجكم هي المؤثرات الصوتية التي توصل روح المشهد للانفس
*توحدكم تحت راية واحدة هو سيناريو الحلقتان الذي يشد الناس للمتابعة بشبق
*يبقي
*لاعذر
*لا للغياب
*لا للتكاسل
*لا للمجلس
*لا للمعارضة
*نعم للمريخ الوطن
*المهم
*لعلنا جميعا لاحظنا كردنا اثناء لقائه بالرشيد بدوي لا اثناء لقاء الرشيد بدوي به
*علي قناة الكسكتة
*حينما قال
*يافاطنة انا ماشي ياخ
*تخيلوا فطومة ردت قالت شنو؟
*اديكم خيارات
*طير
*قطر عجيب
*الباب يفوت حصان
*شتت الله يشتت لوشي
*تمشي!
*تمشي وين؟
*تمشي كيف؟
*تخلينا لي منو؟
*طنشت
*البعرف الاجابة الصحيحة يرسلها علي رقم الرشيد علي عمر
*وعندو جائزة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*رب رب رب
*وكت في الصراف مابتجينا
*والبنوك مابتدينا
*مافي داعي للربربة ياوالينا
سلك كهربا
ننساك كيف والكلب قال اول مرة اشوف لي زول مقرش مفلس….جننتوا بوبي
والي لقاء
سلك