الدمازين لماذا وليييييه مقالات كورة في يوليو 23, 2019 28 مشاركة المقال في السلكبابكر سلكالدمازين لماذا وليييييه*مدينة الدمازين من اجمل مدن السودان*بالذات في الخريف*وشعب الدمازين من اكرم واطيب وأجمل شعوب العالم*ومن الدمازين ممكن تمرق وتتفسح سائحا في مناطق ومحميات طبيعية تخلب اللب وتأخذ العقل وتسرق القلب*وبرغم تلك المواصفات الدمازينية الرائعة*الا اننا نسأل*هل الدمازين الرائعة هي الافضل لاقامة المعسكر الاعدادي؟؟؟*للاجابة علي هذا السؤال يجب ان نستصحب معنا بعض الثوابت*ثوابت تتعلق بالزمان والمكان وفصل الخريف*المكان النيل الازرق*الزمان اغسطس*الفصل خريف*الخريف مطر زي المطر*المطر خمج للملاعب*الملاعب هناك ماكتيرة*ولا صالات الاعداد البدني*وهل توجد فرق للتباري اعداديا؟؟؟*الفصل خريف*والخريف حشرات*والحشرات حميات*والحميات تعيق الاعداد*والاعداد لمنافسات افريقيا*وافريقيا مشت مششن مشيا*ونحنا لي ورا راجعين رجعن رجعا*فماهي ميزة اختيار مكان المعسكر يا علي بلوشي؟*اهو البلاش ايضا؟؟؟*قدر مافتشت لي ميزة تجعل دمازيننا الحبيبة هي الامثل للمعسكر الاعدادي*مالقيت غير البلاش*واكاد اجزم انو في زول عازمنا المعسكر ده*ووقع للمجلس في قد الجيب*المهم*الغاني سخانة ياغانا*ولا جبناهو ساكت عشان الجيب يعاني سخانة؟؟؟*وهل اتبعنا علمية ومنهجية في التسجيلات يا اسد*ولا واصلنا في طريقتنا المحببه*نودي الدلالة عشان نجيب من الدلالة؟؟؟*ايها الناس*الناس كرويا ما اتطوروا بالصدفة*حصل التطور بالجهد والتفكير والتدبير وتحديد الاهداف واختيار السبل اليها*وعمرها العشوائية لم تخلق نجاح*وادارة الكرة في البلد دي*جلها يتبع العشوائية في العمل*لذا تجدنا نتعادل مع غانا بغانا*ونخسر من موريشيوص بالخرطوم*والهلال تسعين سنة يبحث عن بطولة أفريقية*ويفشل*برغم خدمات القرعة التي تقدمها له سنويا*بورندي وجزر القمر وناس القرنفل*والفريق الجا الخرطوم ليحتفل بالمولد النبوي بحوش الخليفة ولعب افريقيا ضد الهلال*عشوائية*لا لا لا*علمية*وي وي وي*ده كلو عشان منتخبنا يعمل ياو في النهائيات*وعشان الهلال من منصات التتويج الافريقي مايعمل ياع*طوالي ياع ياع ياع يامحمد عبدالماجد؟*اصلو مافي ياو ياروشا؟؟؟.*نحنا غايتو افريقيا عملنا ياع علي منصة التتويج في تسعة وتمنين*دحين ياع حقتكم دي ما طولت يا روشا*ايها الناس*حركات الحركات دي حركات ساي*وما شايف سبب يخلي الحركات تعمل حركات تؤدي لافشال حراك شعبي بخمر ليهو تلتين سنة*ماتخلونا نختار الشارع تاني*الثورة لن تفشل*والضمان لها شباب في عمر الزهور وارواح صعدت في عمر المني لاجل غرام اسمه الثورة*حقو نبطل حركات شفع ونلتفت للوطن*ويا وطننا ويا وطننا وجاوطنا*ايها الناس*مطيرة واحدة وماتمت وانا الآن استرق النظر للكي بورد بين سيقان الباعوض*تقول لي دمازين*دمازين في الخريف؟*دمازين بالبفباف؟؟؟*ايها الناس*ان تنصروا الله ينصركم*اها*نجي لي شمارات والي الخرتوم*كان شفت يا والينا*فرد مطيرة*والقعونج قام ينقنق فينا*صابة من شنو دي يا والينا؟؟؟*والينا*الخيران حفرتوها لينا*ولا حفرتوا لينا؟؟؟؟سلك كهرباننساك كيف والقلب قال واحد شايل كيلو طماطم البلد كلها ساكاهو…يا حليلكموالي لقاءسلك الدمازين لماذا وليييييه 28 مشاركة المقال
