التش جلابية

 في السلك

بابكر سلك

التش جلابية

*الحامد جلابية

*الوالي جلابية

*صديق جلابية

*حسن جلابية

*اسماء مشهورة تجيد حياكة الجلابية السودانية

*وعلي الله

*لكن التش جلابية دي جديدة لنج

*امس التش فصل اجمل جلابية لمدافع الاهلي

*جلابية بي عمودها

*والجميل في الجلابية انها تم تفصيلها بطريقة ديمقراطية

*لان التش لما رفع الكورة فوق راس المدافع

*اداهو حقو كامل في التعبير عن رأيو والادلاء بافادتو دون تعيين طريقة ليهو ودون تسييره

*منتهي الديمقراطية

*وكان التش مجبرا علي ذلك التصرف الديمقراطي لانه ينتمي لجمهورية المريخ الديموقراطية

*وبمناسبة الديمقراطية دي

*الاتحاد ماعندو الحق في تعيين لجنة تطبيع للمريخ الا اذا فشل المريخ الديمقراطي في ذلك

*والمريخ الديمقراطي لم ولن يفشل في تدبير امورو

*والمريخ ديمقراطية بنين وبنات

*لاخاسر في ذلك لانها ديمقراطية تعترف بالآخر يابروف جلال

*الحاكمية للجمعية العمومية يا الشاعر

*ومن نادي المريخ حاتطلع الشارع يا الشاعر

*وحواء لم تلد بعد من يفرض علي جمهورية المريخ الديمقراطية لجنة تطبيع

*مفهوم!!!!

*المهم

*امس تدني لياقة اولاد عطبرة كان سببا اساسيا في فوزنا الكبير

*لان استحواذنا علي الكرة معظم اوقات المباراة بالذات في الشوط التاني كان استحواذا سالبا في معظم الاوقات

*واللعب الطويل بالعمق ليس باستراتيجية الفرق الكبيرة

*ولسسة رمضان مامركز

*الجماعة مايشوشوا عليك ياكابتن

*وقبلك مافي زول مرق فك تسجيل اتملح

*روق المنقة وحاتقبض وتمضي

*ايها الناس

*فرط السلاطين في نقطتين سهلتين امام الجماعة امس

*لان التعادل لم يكن عادلا اطلاقا قياسا بمردود الفريقين

*هاردلكم سلاطين

*قدركم كدة

*لكن بصراحة

*المريخ داير شغل كتير

*والاعتماد دوما علي مهارة  اللاعبين لايكفي

*القصة تحتاج لياقة ونفس(بفتح الفاء)ونفس (بكسر الفاء)

*وتطمين بالجلوس مع المفكوكين

*فالبطولة التالته علي التوالي انجاز نشتاقه كثيرا وافتقدناه طويلا

*ايها الناس

*ان تنصروا الله ينصركم

*اها

*نجي لي شمارات والي الخرتوم

*معقولة يا والينا !!!!

*الناس طلعت عينا

*ده ما اخفاق اداري وبس يا اخينا

*ده شغل بالواضح بتعمل فينا

*طالما الحكومة مسكييييينة

سلك كهربا

ننساك كيف والكلب قال بالطريقة دي حانلجأ للطريقة ديك

والي لقاء

سلك